قبل فوات الأوان

السلام عليكم ورحمة الله وبركاته
كل عام وأنتم إلى الله أقرب وعلى طاعته أدوم بمناسبة العام الهجري " متأخرة عارفة " ومناسبة العام الميلادي الجديد
::

في حياتنا الكثير من الأشياء قد تأتينا وتتاح لنا ... لكن قد لانحسن استغلالها والتصرف معها
فقط لأننا نتاخر عنها وننتظر كثيرا رغم وجود الفرصة لها

عشرة فقط من مائة مسئ يعترفون بأخطائهم
واثنان من العشرة يعتذرون لمن أخطأوا في حقه
وواحد منهم فقط من يأتي في الوقت المناسب
والآخر ينتظر كثيرا حتى الوقت الضائع
" لو زعلان من حد ومحدش قدر يصالحكوا ... ممكن يكون الشخص ده يتمنى يصاحبك ولومعملتش كده
بكرة ممكن يكون متأخر "
::
الزهور إذا تٌركت دون عناية تموت ... والماء لايؤثر بها
كذلك القلوب إذا تُركت دون حب قد تموت ... والحب قد لا يحييها

" لو بتحب حد وهوه مايعرفش قوله إنك بتحبه .... ممكن هوه كمان يكون بيحبك ولو مش قلتله النهاردة
بكرة ممكن يكون متأخر "
" لو بتحب حد وأنت فاكر إنه ناسيك ...قوله ... ممكن يكون الشخص ده بيحبك طول عمره ولو أنت مش قولتله النهاردة ... ممكن بكرة يكون متأخر "
" لو محتاج صديقك يقرب منك ... اسأله ...ممكن هوه كمان يكون محتاج أكتر منك ولو مش سألته
بكرة ممكن يكون متأخر "
::
تٌب إلى الله تعالى في أي وقت وفي أي زمان وفي أي مكان
ولاتنتظر فليس هناك ضامن
" فالتوبة عندما تاتي متأخرة ... ليس لها قيمة "
:::

ياترى فهمنا يعنى ايه بكرة ممكن يكون متأخر ؟؟؟

حاجات كتير ممكن تضيع من ايدينا لما نقول بكرة ..... بكرة
::
خلصت २००९ وهتبدأ २०१०
ياترى كنت بتحلم بإيه في २००९؟؟
وبسبب كلمة بكرة
لسه ماحققتش حلمك
::
ياريت نقدر نستغل الفرص اللى ممكن فعلا ماتتعوضش في حياتنا
واللي بسببها يمكن نندم على فواتها
او فوات الطرف الآخر " إن تعلق الأمر بطرف آخر"
::
تنويه هاااااااااااااااام
" طبعا كلامي لايتعارض أبدا مع قدر الله وإرادته سبحانه وتعالى ... لكن ما أقصده هو حسن التفكير وإدراك
أولويات الأمور التي قد لاتتكرر "

أحلام اليقظة

عند منتصف الليل أجلس على مكتبي ... أستند عليه برأسي وأسمع من يناديني
يا ( .... ) ... أقوم ألبي النداء ... تتشابك أيدينا ... نتناجى سويا ... نتحدث معا عن المستقبل
نحلم سويا ... نرسم بيتا فى بستان الحــــب
وفجأة
:
:
أستيقظ على آذان الفجر وادرك أن هذا كان حلما جميلا
أقوم وأصلي وأدعو الله أن يحقق حلمي
ثم
:
أنام عسى أن يأتيني الحلم مرة اخرى

نقطة ومن أول السطر

قررت أحط نقطة
وابدأ من أول السطر
:
مدونتك اتغيرت ليه؟؟
ولااتعيرت ولاحاجة ...مالها المدونة؟؟
لا موضوعاتك بقى فى حزن كتير ويأس
أنا ؟؟ طب إزاى ؟؟ أبدا عمرى مابحبه ولا بقتنع بيه
لا بس ده اللى واضح
غريبة ... لالا بس أكيد انتوا مش فاهمين قصدى فى اللى بكتبه
::
ده تعليق تم اكتر من مرة الفترة اللى فاتت مع بعض أفراد من العائلة الكريمة :)
وكنت فى كل مرة بقول لا مش يأس ولاحزن خاااااااالص
دى مجرد فكرة أو حدث معين بيحصل وبعبر عنه
وده كان فعلا اللى بيحصل
لكن بردوا الكلام كان فى بالى
لحد مافي يوم جالى تقريبا تعليق مشابه من خارج العيلة
قلت لاااااااا الموضوع شكله كده واضح للقارئ كمان
بغض النظر عن المعرفة الشخصية يعنى الموضوع مش موضوع قرايب :)
ومش بس الموضوعات
ده كمان فى بعض الصور اللى كانت شوية قاسية او عنيفة فى تعبيرها عن الموضوع
وطبعا حاجة تزعل لو حسيت إنك بتكتب شئ .. وبيتفهم شئ تانى
أو إن يوصل فكر معين عنك بعيد تماما عن الواقع واللى تقصده
وفى يوم حبيت اقرأ موضوعاتى القديمة وقلبت فى المدونة
بدأت احس ان كان في روح تانية خااااااااااااالص
يمكن كان فيها روقاااااااااااااااااااان أكتر
يمكن بقى فى خبرة شوية وتعاملات واحتكاكات زادت
حسيت بتغيير حاصل
سواء في الاسلوب او الافكارأوالنظرة نفسها
وطبعا عارفة ان التغيير ده ظاهرة صحية
لكن اللى لفت نظري فعلا
هوه التعليق المتكرر على اخر تدويناتى بالاخص الفترة الاخيرة
واكتشفت المشكلة
أنا مش من الناس اللى بتشجع الحزن واليأس والحياة السوداوية أبدا
بحب دايما الأمل والتفاؤل .. وهنحزن ليه ونتشائم أصلا ؟؟
فعشان كده كنت مستغربة جدا من التعليقات دى
لكن
فى افكار ممكن أكون عبرت عنها بشكل معين
تركت إيحاء بالحزن أو اليأس
يمكن أكون مش عرفت أعبر عن فكرتي بشكل أحلى وأوضح
يمكن الفكرة وقتها فى دماغى كانت لاتحمل غير المعنى اللى عبرت بيه
ومش تنفع غير بالشكل اللى خرجت بيه
احتمالات كتير
المهم أنها فى النهاية بتوصل بشكل سلبي غير اللى انا اتمنيته وقصدته
::
وعشان كده
قررت احط نقطة
وابدأ من أول السطر
وارجع بروح وروقان تدوينات زمان
مش عشان الاسباب اللى قولتها دى وبس
لكن لانى كمان حسيت باختلاف كبير
:)
دعواتكم

~ علمني صمتي ~

علمني صمتي

أن أرى في الناس دموعهم وأريهم إبتسامتي
أن لاأجرح مشاعر الآخرين

علمني صمتي

أن التفكير الذي لا ينتهي يوصلك لما تود الوصول إليه
أن اسكت والناس يتحدثون وألا أتدخل فيما لايعننيني .. فالسكوت من ذهب

علمني صمتي

أن جرحي لايؤلم أحدا في الوجود غيري وأن أثمن الدموع وأصدقها هي التي تنزل بصمت
دون أن يراها أحد
أن الحب هو ماتراه في العيون والقلوب وليس فى الحياة بالأصابع والحركات

علمني صمتي

أن أفرح مع الناس وأن أحزن بمفردي
أن لا أظلم أحدا وان اكون عادلا ولا أميل لأحد
أن أكون فخورا دائما بكل عائلتي
وأن أكون على ثقة بروحة وجودهم فى الحياة

علمني صمتي

أن الشجرة مهما ماتت بعدم وصول الماء إلها فأغصانها تبقى شامخة عالية
أن أعظم نجاح أن أنجح في التوفيق بين رغباتي ورغبات من حولي

علمني صمتي

أن أكون متواضعا غير متكبر
أن لا أهدي قلبي إلا لمن يستحقه
أن المشاعر والأحاسيس من أجمل صفات الإنسان

علمني صمتي

أني مهما قابلت من بشر وأحببتهم فسوف أفارقهم مهما طال الزمن
أنك إذا أردت أن تسعد الناس فعاملهم بما تحب أن يعاملوك به ولاتبخسهم أشيائهم ولاتضع من أقدارهم

علمني صمتي

أن أكون أقوى مهما يصير وأن اتكل على مولانا وخالقنا وأن مايريده سبحانه هوه مايكون
أن لاأندم على شئ وأن اجعل الأمل مصباحا يرافقني في كل مكان

علمني صمتي

أن الحياة لها طعمان مرا ومعسولا ولكي أشعر واستمتع بطعمها المعسول يب أن أتذوق
طعمها المر

علمني صمتي

أن كل شخص له طابع خاص يختلف تماما عن الآخرين وأن طبعي هو عزة نفسي وكبرياؤها
أن الثقة بالنفس تجعلك دائما في العلالي ولاتجعلى في أدنى المستويات

علمني صمتي

أن لكل شئ سبب وأن أؤمن بحكمة الله في كل اختيار
أن قل لن يصيبنا إلا ماكتب الله لنا

هكذا علمني صمتي
فكما قيل السكوت من ذهب
ومن كثر كلامه كثر خطئه
:
:
فصمتي لايعنى جهلى بما يدور حولي لكن مايدور حولي لا يستحق الكلام
========

لعبة الحياة

يبدو أن الإنسان يحتاج حقا لأن يعيش الحياة أكثر من مرة

حتى يتجنب أخطاؤه الفادحة في تجربته الأولى معها ،، ويحسن التعامل مع التجربة الثانية ،، يفهم السنين وخبرة الأيام .. بعد فوات الأوان ... لكن :

"الحياة تجربة وحيدة قصيرة "

وللأسف سيظل الإنسان إلى الأبد لايتعلم الحكمة إلا بعد درس الآلم ،، ولا تكتمل خبرته الحقيقية بالحياة ،، فيعرف حقائق الأشياء ،، ويميز بين مايستحق أن يحرص عليه

وما لايستحق أن يحرص عليه وأن يناضل من أجله

إلا وهو للأسف يستعد للرحيل !!

فإذا أحسست يوما أنك بدأت تفهم الحياة

فالزم السكوت ،، وامسح الدموع ،، واعلم أنك اليوم فارقت الحياة

فاحذر ولا تشغلك مفاتنها عن غايتك الحقيقية فيها ،، واعلم أنها كلما ضحكت

فسرعان ما تلتهمك أنيابها ،، فلاتغرنك لمعانها ،، وعندما تتعلم منها " وأنا مع من يتعلم

فلا تحزن .. فإن الحزن يحطم القوة ويهد الجسد

لاتحزن .. مادمت مؤمنا بالله

لاتحزن .فكم غريبة تلك الدنيا ،، فحقا دنيا دنية
كلما كست أوكست

الله المستعاااااان

زيارة خاصة

ما أجمل تلك الدمعة التي تزورني في هدأة الليل وأنا أحلق في ملكوت القدوس ساجدة

سبحانك ربي ... سبحانك

اللهم إنك عفو تحب العفو فاعف عنا
اللهم لاملجأ ولا منجى منك إلا إليك
اللهم عافنا واعف عنا وعلى طاعتك اعنا
اللهم ارزقنا مانتمنى ولاتحرمنا فضلك وكرمك ياكريم
ياااااااااااااااااااااااااااااارب

ليطمئن قلبي

أريد سجدة طويلة عمر الأرض تدمع لها عيني،، ويستقر فيها فؤادي ليسكن قلبي
،، وتطمئن نفسي ،، ولن آبه بعدها إن صعدت روحي
ياااااااااااااااااااااااااااااااااااااااااااااااارب
:((

تحديث

اللهم إني اشكو إليك ضعف قوتي ، وقلة حيلتي ، وهواني على الناس .. أنت رب المستضعفين وأنت ربي
إلى من تكلني .. إلى بعيد يتجمهني ؟؟ أم إلى عدو ملكته أمري ؟؟ إن لم يكن بك على غضب فلا أبالي
أعوذ بنور وجهك الذي أضاءت له الظلمات ، وصلح عليه أمر الدنيا والآخرة
من أن تنزل بي غضبك ، او يحل علي سخطك
لك العتبى حتى ترضى .. ولاحول ولاقوة الا بك
ياااااااااااااااااااااااااااااااااارب
:((

إلهــــــي

إلهي

أنا الفقير إليك في غناي

فكيف أكون فقيرا إليك في فقري؟

وأنا الجهول إليك في علمي

فكيف لا أكون جهولا إليك في جهلي؟

إلهي

ماذا وجد من فقدك.. وماذا فقد من وجدك؟

لقد خاب من رضى دونك بديلا

وخسر من بغى عنك حولا

إلهي

حكمك النافذ .. ومشيئتك القاهرة

لم يتركا لذي مقال مقالا .. ولا ذي حال حالا

إلهي

سمع العابدون بجزيل ثوابك .. فخشعوا

وسمع الزاهدون بسعة رحمتك .. فقنعوا

وسمع المولون عن القصد بجودك .. فرجعوا

وسمع المجرمون بسعة غفرانك .. فطمعوا

وسمع المؤمنون بكرم عفوك .. فرغبوا

إلهي

من تعرف بك غير مخذول

ومن أقبلت عليه غير مملول

ومن اعتصم بك لمستجير

وقد لذت بك يا إلهي

فلا تخيب ظنى من رحمتك

ولا تحجبني عن رأفتك

إلهي

أحب طاعتك .. وإن قصرت عنها

واكره معصيتك .. وإن ركبتها

فتفضل علي بالجنة .. وإن لم اكن اهل لها

وخلصنى من النار .. وإن استوجبتها

إلهي

لو وصلت ذنوبي إلى السماء وخرقت النجوم

ماردني اليأس عن توقع غفرانك

ولا صرفنى القنوط عن إبتغاء رضوانك

إلهي

أتسلط النار على وجوه خرت لعظمتك ساجدة

وعلى ألسن نطقت بتوحيدك صادقة

وبشكرك مادحة

وعلى ضمائر صارت لك خاشعة

وجوارح تعبدك طائعة

إلهي

وعزتك .. لئن طالبتني بجرمي .. لأطالبنك بعفوك

ولئن أخذتني بجهلي .. لأطالبنك بحلمك

ولئن أدخلتني النار .. لأعرفن أهلها أنى أوحدك وأحبك

اللهم

مامننت به فتممه ، وما انعمت به فلاتسلبه ، وماسترته فلا تهتكه
وماعلمته فأغفره
فيامحسنا إلي قبل ان أطلب
لا تخيب أملي فيك وأنا أطلب وأرجو

ياااااااااااااااااااااارب
إن فقدت كل شئ فأكرمني بألا أفقد يقيني فيك
وثقتي بحسن الظن بك
وتوكلي عليك وإيمانى بك
يااااااااااااااااااااااااااااااااااااارب
حقق لي حسن ظني ورجائي فيك مهما كانت الظروف صعبة
فما ذلك عليك بعزيز
ياأرحم الراحمين

:((

أقسمت عليكي

أقسمت عليكي ألا تخذليني

بالله عليك لاتخدعيني

واجتهدي في أيام الرحمة والمغفرة والعتق

فها قد حانت الفرصة

وقد أقبل يقرع الأبواب برحماته ومغفرته وعتقه... أقسمت ألا ترهقيني

ساعديني .. أعيني ضعفي .. شدي أزري

اصبري ثم اصبري .. وإن شق عليك فلتصبري

اصبري حتى يعجز الصبر عن صبرك

ولكي مني جائزة .. سأخفيها عليكي حتى تبيني لي

لأرى ما أنتي فاعلة


اللهم ارحمنا فأنت بنا راحم،،، ولاتعذبنا فأنت علينا قادر
اللهم أعنا على الصيام والقيام وتلاوة القرآن
واعتق رقابنا من النار
ياااااااااااااااااااااارب

Battary Low

أولا : كل عام وانتم بخير وصحة وعافية
رمضان خلاااااااااص ع الأبواب .. بدأت نفحاته أن تهل علينا ورحماته
بلغنا الله وإياكم رمضان ونحن أهل له ،، وراض عنا ،، وأعاننا على ذكره وشكره وحسن عبادته
اللهم آمين

طبعا كل واحد فينا عنده موبايل أو عنده في بيته
طب ياترى لما بيبدأ يرن بإنذار عشان
ينبهنا إن البطارية محتاجة شحن battary low... بتعمل ايه؟؟
أكيد بنجري نجيب الشاحن ونبدأ نشحنه عشان نقدر نستخدمه تانى من غير مايفصل مننا
صح؟؟
طيب ياترى لما قلبك لما يبنهك انه قرب يفصل شحن .. بتعمل ايه؟؟
كلنا بنحتاج من وقت للتانى شحن إيماني .. نقرأ حاجة ،، أو نسمع درس ،،نتدبر معنى
أو أي عمل يزيد الحن الإيماني في قلوبنا
وطبببببعا لما الشحن الإيماني بيزيد همتنا ترتفع تلقائيا
ولما الهمة ترتفع تلاقي نفسك ملياااااااااان طاقة عجيبة
ونفسك تعمل حاجات كتيييييير قوي
عشان نقرب أكتر وربنا يرضى عننا
ونتيجة للشحن ده
بنفضل شغالين كويس لفترة " حسب قوة الشحن طبعا :)"
ونكون مبسوطين بطاعة ربنا والاحساس بالقرب منه
ولكن

بعد ما الرصيد على النفاذ
نبدأ للعودة إلى الروتين ومشاغل الحياة ونلاقي نفسنا بنهبط والهمة بدأت تنزل
ويبدأ القلب تاني يستغيث وينبهنا
محتاج للشحن ،، محتاج لحاجة تجدد الطاقة الإيمانية في قلوبنا
ونزود الشحن الإيماني عشان نقدر نواصل ونكمل

فها قد حانت الفرصة
هاقد من الله علينا وأحيانا لشهره الكريم
هاقد بدأت بشائره تهل علينا بكل الخير والبركات
فلنعد العدة لإستقبال هذا الضيف الكريم
ولنجهز أنفسنا بكل طاقتنا لإستغلال أيامه ولحظاته ونفحاته
لعل الله أن يشملنا بكرمه وخيره وبركة هذا الشهر العظيم
محتاجين نشحن قلوبنا من جديد
محتاجين لطاقة إيمانية تعينا للتواصل والاستمرار
لعلنا لاندركه مرة اخرى
فلنجدد النوايا ولنشمر الهمم ونستعد للفوز بما فيه من خيرات


=============
دعوة مجانية

فى حملة فكرتها حلوة قوى لأخونا أحمد اسمها "مين هيفطر أكتر" صاحب مدونة عمود نور
www.3mood.blogspot.com
جعله الله في ميزان حسناتكم
==================
ودلوقتى بقى
ياترى إيه أكتر حاجة بتحس إنها بتزود طاقتك الإيمانية ؟؟
إيه أكتر الأعمال اللي بتجدد الإيمان في قلبك وتقويه ؟؟
إيه اللي بيأثر في قلبك أكتر .. الجنة ولا النار ؟؟
وهل بتحرص على إنك تشحن قلبك قبل مايفصل منك ولا لا ؟؟

وبعدين بقى

وبعدين بقى ؟؟

آخرة اللي احنا فيه ده ايه ؟؟

ياااارب ... قلبنا لو نطق هيشتكي

بصراحة عنده حق ماهو مظلوم معانا

مش سهل عليه شعور الفقد اللي حسه

مش قادر يحس بأي حاجة حلوة حواليه

أحاسيس السعادة والفرحة وحياة كان مفتقد معناها بقت بين ايده

وبين يوم وليلة .. وفي عز هناها

وبعد أجمل ليالي فرحتها

اتقتلت كل الأحاسيس دي

اتقتلت واتظلمت

قهر وظلم لحلم عمر بحاله

اتقتل الحلم في عز طفولته وساب جوانا جروح مالهاش آخر

جروح خلتنا فاقدين طعم الحياة

حتى لو حسيناها بنحسه مررررر

بقت أقل حاجة تزعلنا

واكتر حاجة تفرح ... يادووووووووووب نبتسم

بسببها

ناس فقدت معنى الاحساس بالحياة

ناس بتحاول تستوعب اللى بيحصل

مش قادر يغير نظرته حتى لو عارف ان ده غلط

لكن هيعمل ايه ؟

متكتف والقيود رجعت تاني

فقدنا القدرة حتى على مساعدة أقرب الناس لينا

بنحاول كتيييير نضحك بصوت عالي

لكن بتبان كدبة

كفاية تكدبوا على نفسكوا

عينكوا بتقول اللى جواها

بتقول ان كل يوم الدموع مش بتنشف بالساعات

بتقول وبتشتكي من دموع وأرق وقلق

طب الحل فين ؟؟

الحل فينا

بس مش عارفين نعمله

ياترى ايه اللي مقيدنا؟

دى خيبة ولا زهق؟

ولا فيلم اتحرق؟

الحل
:

بدايته

إحساس بربنا أكتر شوية وتظبيطات وشغل أكتر

وأكيييييييييييييييييد هتفرج

هتفرج .. هتفرج بإذن الله

ونخرج وننعم بنور الحياة

ياقاعد لوحدك وقلبك حزين

ماتضحك شوية وسيب الأنين

ده ربك معانا وهوه المعين

ودايما شاملنا بعطفه ورضاه

متى وجدت الإرادة والصبر .. فلايبقى شئ صعب

:

إذا تعودت على الحلو .. وجدت المر صعبا

" ولئن شكرتم لأزيدنكم "

:

مش عارفة ده ايه؟

يمكن يكون عبارة عن حالة من حالات كتير بنمر بيها ومش فهمينها

يمكن يتفهم يأس من كتير من اللي هيقرأه زى اللي قبله "لوعاوز يشوفه يأس

بس أعتقد ده وصف لشوية لغبطة بتحصل مع ناس كتير

حالة بقيت بشوفها كتير وبسمعها أكتروبحسها اكتر واكتر

ويمكن أكون فيها أو مريت بيها

عشان كده قولتها

بس الحمد لله في آخرها بردوا ماقدرتش ما أختمهاش غير بأملي في الله عزوجل

ما أقدرتش أنكر يقينى في كرمه وعطفه ومنه علينا

يقيني بأنها هتفرج بإذن الله

فهو خالقي وحبيبي .. هو رازقي ومعطيني

هو راحمي .. وهو ربي

"وأنا عند ظن عبدي بي .. فليظن عبدي بي ماشاء"

وهذا هو ظني في ربي

فهو أعلم بما أريد وما أحتاج

فاللهم لا تحرمني إلهي

يااااااااااااااااااارب

لاتحرمني إلهي
يااااااااااااااااارب صبرني وقويني وحقق لي ظنى فيما أريد

:

بس خلاص

دى عندي كفاية قوووووى

الله المستعان

حالة غريبة

حالة غريبة

وصمت رهييييييييييب بقينا فيه

ياترى ليه؟

فقدنا القدرة على صياغة شعورنا في شوية حروف

ولا الكلام عجز ومش لاقين كلام يعبر عن اللي فينا

حاسة اننا محتاجين لأبجدية جديدة ومختلفة تعبر عن اللى فينا

حلو

وحش

فرح

مرار

قهر

سعادة

انكسار

حنين

حب

قالوا كتير ان الكلام ممكن يريح كتير

بس ساعات بردوا بيوجع

افتح قلبك

افتح قلبك
للانسان الذي يعطيك ولا يسال كيف ؟أو كم؟ أو لمن؟ أو لماذا؟ أو ما المقابل؟
يحمل على ظهره كل همومك.. ويدعو لك قبل نفسه،، يشاركك أحلامك وطموحاتك مهما كانت بعيدة المنال

افتح قلبك
للإنسان الذي يأخذ من إبتسامته ويرسمها على وجهك
يقرأ عينيك قبل لسانك
يصدقك بينما كل الناس تكذبك

افتح قلبك
للإنسان الذي يجعل من اذنيه ملجأ لغضبك ومن قلبه قبرا لأحزانك
يخاف عليك من أن تشعر بالوحدة مع شخص اخر
لا يجعلك محتاجا له فهو دائما إلى جانبك

افتح قلبك
للإنسان الذي يغار من الدمعة إن لامست خديك
إن ضللت الطريق يراك عظيما
وقادرا عندما ترى نفسك فاشلا

افتح قلبك
للإنسان الذي يحنو عليك عندما تقسو على نفسك
فيأخذ من روحه ويزرعها في يديك

:
منقوووول للأمانة

الفرق بيني وبينها

هي عندما تريد أن تصمت ... تصمت
وعندما تريد أن تصرخ ... تصرخ
أما عني
فعندما أريد أن أصمت .. أصمت
وعندما أريد أن أصرخ ... للأسف أصمت
هي عندما تحيطها الأحزان ... تتحدث بلا توقف
أما أنا أصمت واتفكر واترك الحديث لقلمى
ولكنه للأسف كثيرا ما يصمت هو الآخر من شدة مابه
:
ياااااااااااااااااااااااارب

لاتيأس

لا تيأس

فقد

تخطئ

مرات

لكنك

لامحالة

:

:

سوف تصيب

بأمر الله

فلا داعي لليأس

:

فى بعض الأحيان نتوهم أننا وصلنا لطريق مسدود .. لاتعد أدراجك

دق الباب بيدك ... لعل الباب خلفه أصم لايسمع

دق الباب مرة أخرى لعل حامل المفتاح ذهب ولم يعد بعد

دقه ثالثة وعاشرة ولا تيأس

حاول أن تدفعه برفق ثم اضرب عليه بشدة

كل باب مغلق لابد أن يفتح

اصبر ... ولا تيأس

فغدا تبتسم لك الحياة

الصبر ياااااااااااارب

:

الله المستعان

عودة... ربما

السلام عليكم ورحمة الله وبركاته

:

أيام أظنها ليست قليلة أبدا غبتها عن المدونة... رغما عني

مرت بي سريعا بكل ماحدث بها من متغيرات .. لم أكن أتوقع غيابي بهذا القدر

لكنه حدث.. حلوا كان أو مرا

ورغم هذا الغياب الإختياري

وإختياري الإضطراري

افتح مدونتى يوميا علني استفز هذا القلم الكسول جدا لكتابة حرف واحد

يقنعنى أنني مازالت قادرة على الكتابة

قرأت ماقمت بكتابته فيما سبق لتشجيع ذاك القلم على العودة

اقرأ وأتابع بقدر المستطاع كتابتكم

لكنه .. كان فى حالة من الخمول والكسل لا أعلم لها سبب

يكتب،، ويبوح،، ويعبر.... لكن عن أحداث ومشاعر خاصة لايريد البوح بها

على أى حال ... ها أنا الآن أعود

أو أحاول أن أعود مرة أخرى

أحاول أن أوقظ هذا القلم من سباته ... وألا استجيب لكسله وخموله أكثر مما كان

أحببت فقط أن امر من هنا

اشكر من سأل عني في غيابي

ومن أراد ان يسأل

ومن دعا بظهر الغيب

وكل من مر بمدونتي

شكرا لكم جميعا

وأدامكم الله بكل الخير والعافية

شخبطة

أشعر بالوحدة عندما أحاول إخفاء دموعي عمن حولي .. حينما أحاول رسم الضحكة

المزيفة الخارجية التي أحاول أن أخدع بها نفسي وحينما ارسم البهجة والابتسامة على وجوه من أحبهم وان كنت أحيانا افتقد أن افعله مع نفسي

ينتابني أحيانا مزيج من الخوف والآلم من المستقبل الذي أصبح كل شئ فيه مهددا

فقد أصبحت أهدر الكثير من الوقت في التفكير .. كيف سيكون غدا ؟؟

وهل سأنعم يوما بالراحة في ظل ظروف هادئة لايكدر صفوها أي شئ؟؟

أنعم فيها بالرضا عن نفسي وعن من حولي .. هل سأكون ناجحة ؟؟

هل الحياة تحتاج مني كل هذا التفكير أم أنها أبسط من ذلك كا يقال لي ؟؟

من منا على صواب .. من يجهد نفسه بالتفكير ليل نهار " مع التسليم لقضاء الله والرضا به "

أم من يتركها لحالها تفعل ماتشاء؟؟

ترهقنى نفسي أحيانا حين افكر داخليا وأحاول أن أعيد النظر في كل شئ واتحدث لحالي

لم أعد أشعر بالأمان والثقة في التحدث مع أحد

وأحيانا أخرى .. أريد الحياة جميلة تمر دون تفكير أو تعب

أتراني مخطئة ؟؟

لكني أشعر أن هذا واجبي نحو الأمانة التي وهبني الله إياها .. وإن كان هذا يرهقني ويتعبني

ويؤلمني كثيرا

فهل ستصفو سمائنا وتبتسم لنا الأيام بعد طول انتظار ؟؟

ليس من حقي التفكير في هذا .. حيث كونها أمور ربانية .. أم أن لي الحق بعد أن صارت الحياة هكذا ؟؟

في ظل هذا القلق والتخبطات اذهب متضرعة الى ربي واسأله رحمة يهدي بها قلبي ويلم بها شعثي

وينجيني بها من كل سوء ،، فهو ملجأي الوحيد وليس لي سواه

يااااااااااااااااااااارب

سلم الحياة

الحياة دي عبارة عن سلالم .. حياتنا مراحل ماشيينها .. وبنطلع السلم واحدة واحدة

أول سلمة ...بنبص لفوق ...بنشوف ضلنا ... ونمشي وراه

تاني سلمة ...تالت سلمة ...لسه شايفين ضلنا

نبدأ نحزن .. ونبص للشمس ...هانت ولا مش عارف ؟؟؟

طب يلا نكمل ونحاول ... يمكن نقدر.. بس نجرب

رابع سلمة ... انتهى ... صح؟؟

شايف حزنك ..ماهوه ضلك ... مادامش كتير

عشان جريت وراه،، وحاولت توصله،، وتعرفه انك لسه صغير على انك تبقى حزين

لسه العمر قدامك طويل

لسه الحياة شايلة كتير ... على ايه هنستعجل؟؟

يلا بقى خد بالك ... اللى جاية دي خامس سلمة

بدأت تقرب من مكان عالي .. في ناس فيها مش فاهمة نفسها ،، وناس بتعيط ،، وناس بتضحك ،، وناس بتقول عايشين ومش عارفين ،، وناس بتقول بختنا كده وهنعمل ايه ؟؟

حاول تعدي وماتسمعهمش .. لسه بدري عليك

احضن أحلامك ،، كمل واطلع تاني ،، واعى تيأس

سادس سلمة ... شايف ايه حواليك .. أهلك وحبايبك ..صح

احضنهم وقولهم انك بتحبهم قوى .. بس اوعى تقف لازم تكمل

سابع سلمة ... " حلمك وحلم عمرك " ها شايفها ؟؟

متأكد ان هيا دى ؟؟

عايز تبقى معاها ؟؟ وهيا .. عاوزة تبقى معاك ؟؟

طب ايه .. مستني ايه .. يلا سيب لعبتك .. وامسك مسئوليتك .. وخليك معاها

حافظ عليها .. واوعى تسيبها بعد ما وصلتلها

تامن سلمة .. ايه تعبت ؟؟ لا مينفعش تتعب دلوقتى

لسه في سلالم تانية ... اوعى تستسلم .. حاول

لو تعبت دلوقتي هتنزل كل اللي طلعته

اوعى تيأس .. خليك هنا .. حافظ على وضعك

انت دلوقتي مش طفل بيعيط .. انت دلوقتي حيااة

حياة بتتبني .. ابنيها كويس .. دي حياتك أنت

واوعى تتعب وترجع .. فتهد اللي بنيته

بعد الفراق ..!!

لا يستطيع اللسان التعبير عن كل ما في نفسي لك .. ولكن تأبى النفس إلا أن تبين بعض

ما يتلجلج في الصدر ، ويشتعل في الأعماق

ومع عودة الذكريات .. يعود الأمل من جديد

فقلبي ما زال لا يقوى على فراقك

ففراقك كلهيب الشمس يبخر الذكريات من القلب .. ليسمو بها الى عليائها

فراق لسانه الدموع وحديثه الصمت ..هو القاتل الصامت

القاهر المميت، والجرح الذي لا يبرأ.... ياأبي

لكني سأصبر وأحاول كما علمتني دائما

ولن أتخلى عن صفة ربيتها بداخلي

اشتقت إليك وربي .. واحتاج لوجودك بجانبي

اعلم أنك بوجودك ستتحمل عني وعنا جميعا الكثير والكثير

كما عاهدناك دائما حبيبي

فهذا هو قدرنا وقدر الله لنا..فارزقنا إلهي الرضا الدائم

والهمنا ياربي الصبر على هذه الدنيا،، وأغننا بفضلك عمن سواك

رحمك الله أبي الحبيب

والله اسأل أن يجمعنا بك وأن نلقاك يوما فرحين بما عند الله

رحم الله جميع موتانا وموتى المسلمين و رحم شهدائنا فى غزة وفلسطين

وفى كل كل مكان

اللهم آمين