"ده من عشمي"
الكلمة دى بقينا بنسمعها كتير فى كلامنا وفي مواقف مختلفة
ياترى يعنى ايه العشم؟؟يعنى ايه انى اكون متعشم في حد؟؟
يعنى لو قلت لصاحبك فلان زعلان منك عشان كذا .. وتلاقيه بيرد
طبعا بهزر "ده من عشمي فيه
يعنى تقول اللى تقوله وتعمل اللى تعمله .. وفي الآخر تقول .. ده من عشمي
طب ماقبل ماتزعل منه شوف ايه اللى زعله؟
مش يمكن يكون زعل من حاجة ياما نبههك
او حاجة انت عارف انه مش بيحبها
ممكن نفهم يعنى ايه عشم
هو العشم ده يخلينا نلغي اقل الآداب والذوقيات في التعامل بينا
مش معنى انى اتعشم فى حد انى الغي في تعاملي معاه الذوق فى الكلام
مش معنى انى اتعشم فى حد انى احمله اكترمن طاقته فى طلباتي ويمكن تكون
كمان على حسابه الشخصي وحساب حياته.. وده لاني عندي عشم فيه
مش معنى انى اتعشم فى حد انى ازعل اللى معايا بكلام او تصرف محرج
مش معنى العشم انى افضل دايما اخد من غير ما أدي
وده كله عشان انا عندي عشم فى اللى قدامي
ممكن قوى اللي قدامك مايقدرش يدي عشان مابياخدش
ماهوه كمان عاوز يكون عنده عشم فيك
عاوزك تفهمه وتقدره وترعيه في حاجته وطلباته وحريته وحياته
لو العشم هيخلينا نبعد عن الذوقيات والفروض في التعامل يبقى بلاش .. عشم
لو العشم هيخلينا نزعل أقرب الناس لينا يبقى بلاش .. عشم
لو العشم يخلينا نجرح ونخسر ناس بنحبهم قوى يبقى بلاش ... عشم
مش معنى كلامي أكيد أن مش يكون فى عشم بينا واننا نستحمل بعض
لكن بردوا
لازم نفهم يعنى ايه عشم؟؟
لو هتعشم وهراعي احساس ومشاعر اللى قدامي
يبقى حلو العشم
لو هتعشم وأدي كل واحد حقه فى كلمة شكر أو عمل خدمة
يبقى حلو
لو هتعشم ويكون معايا مبدأ التماس الأعذار
يبقى جميل العشم
العشم اللى هيخلينى أكون خايفة على مشاعر اللي معايا وأحاول بكل الطرق إنه
مايزعلش مني ،، وإني أجي على نفسي عشانه
يبقى ده حلو العشم
ومش تقول طب ما هوه مش بيعمل معايا كده
ابدأ أنت واعمل كده .. ومسيره يعرف ويقدر كل ده
وبلاش مبدأ العشم اللى بيخلينا نخسر أحب الناس لينا بحاجات بسيطة جدا
لو اتعملت مش هتضرني ومش هتكلفني حاجة
لكنها هتفرح اللى معايا وتسعده
خصووووووصا في وقت يكون اللى معايا محتاج لده فعلا
:
من عشمي فيكوا ان كلامي ده يكون مفهوم
:)))
41 comments:
عشمك فينا فى محله
متقلقيش مفهوم
فعلا العشم مش معناه تيجى على إلى قدامك قوى واحيانا حياته الخاصة والشخصية
لكل شىء حدود
تقبلى تحياتى
دمتى بود
كان عشمي انك تكوني كده
وفي الاخر رفعتي راس العيلة عالي
وخليتي عشمنا في محله
تسلم بنات عاليلة تسلم
اهو هو ده الكلام ولا بلاش
ايه رايك في العشم الاكس لارج ده
:):):):):):)
تسلم الأيادي بجد
العشم دة بيخلى ناس كتير تتطلب امور فوق التحمل ودة كله من ايه م العشم
موضوع مهم فعلا
تحياتى لحضرتك
من عشمى برده
إن الناس تفهم البوست ده
(:
من عشمى دى كلمة بتتقال لما الشخص يحس بحرج شديد نتيجة موقف ما عمله وبيحاول يخرج من هذا الموقف بهذه الكلمة مش اكتر
لان اللى بيتعشم فى حد ميقدرش يهينه او يجرحه
من عشمى فيكى يا أمانى انك تقبلى غاية أسفى عن تأخيرى الدائم عليك
بس أنا عارفة قلبك الأبيض
وعارفة بردو انك عذرانى وعارفة ظروفى
بوست جميل وكلام مظبوط على الاخر
وحشانى كتير
برضة فى الاخير تقولى
من عشمي فيكوا ان كلامي ده يكون مفهوم
:)))
اتعشمى يا ستى زاى ما انتى عايزة
بس انتى معكى حق فى ناس بتزودها زيادة عن اللزوم و كلة تحت كلمة من عشمى فيك
و من عشمنا فيكى انك تتقبلى تعليقاتنا بصدر رحب
تحياتى
اولا زياره ليه
وطبعا من عشمى انك
تتقبلى مروى
موضوع فعلا حيوى
بس من عشمى دى بتتقال
لما يكون الواحد واقع فى موقف بايخ
وعمل حاجه مش قد كده
ومش عرف يطلع نفسه ازاى من
الى عمله
فيقول انا عملت كده من عشمى فيه
دمتى بحفظ الله
قالولي زمان
عشم بـ غشم
وقالولي برضو
ما أخذ بسيف الحياء فهو باطل
يعني العشم ليه حدود زي مانتي قلتي كده يا قمرة
بس تقول لمين يا جميل
اسلوبك حلو يا قطتي وبحسني مش بفهمه
تؤتؤ
بحسه على طول
:)
عندك حق فالكثير من الناس يفعلون أشياء كثيرة لا يجب عليهم فعلها تحت غطاء العشم
ولقد قال العلماء أن ما أخذ بسيف الحياء فهو حرام
العشم المحدود شىْ جميل بيقرب بين الناس بشرط لا يذيد عن حدوده حتى لا يشكل ضغطا على الشخص الاخر
جزاك الله خيرا على إثارة هذا الموضوع
بالتوفيق دائما
العشم ده شيء مختلف من شخص لاخر وبصراحة انا مش بحبه لانه بيزيد ساعات عن حده من بعض الناس
علي العموم انا بقول كده من عشمي وعشمان في اختي حبيبتي تتقبل مروري
انا حرة
منورانى ياحرة
وده كان عشمي بردوا
:)
**********
محمد غالي
انا مش قلقانة خالص طبعا
:)
فعلا لكل شئ حدوووود
دمت بود
يسعدنى مرورك
**********
ابو مالك
اى خدمة :)
عشم اكس لارج فعلاوالحمد لله ان عشمك فى محله ويارب دايما
تحياتى ليك ياانس
********
المستنصر بالله
فعلا لازم نفهم معنى العشم عشان مش نزعل بعض
يسعدنى مرورك اخى
جمعاوي روش طحن
وده كان عشمي بردوا
:)
منورنى
*********
موناليزا
جيبتي المفيد ياقمر بجد
هوه ده اللى كتير فعلا بيحصل
وفعلا اللى بيحب حد مش بيقدر يجرحه مهما حصل
بيتنورينى دايما بردودك الجميلة بجد
**********
لؤلؤتى
وعشمك ان شاء الله فى محله ياميوية
ربنا يقويك يادكتورة
بس عشمى بردوا انك مش تحرمينا من زيارتك وقت ماتقدرى
سلام عليكم
:)
العشم شئ كويس لو نفهمه كويس
العشم هو الترابط بين الناس
هو التراحم بينهم والعطف
والعفو عند المقدرة
بي زي ما قلتي لو نفهمه كويس
يعني
مناخدش العشم وسيلة لقة الزوق
بس خير
المفروض اللي انا ليا عشم عنده يكون من اكثر الاشخاص اللي بأحرص على الخفاظ على مشاعرهم
خير خير خير
محدش عارف الخير فين
سلام عليكم
أنا أتعشم انك تفيدينا بمواضيع جميلة تانية زى ده
د.حماس
عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل
ازيك ياجميل وحشانى اوى
وايه الموضوعات الجميلة ماشاء الله
واحلى حاجة ان يكون عشمنا فى ربنا كبير
تحياتى
السلام عليكم ورحمة الله وبركاته
علي فكرة
موضوع رايع يمس الواقع فعلا موضوع العشم ده جميل جدا ولكن في مواضيع مواضيع له اوقاته وظروفه
فعلا جزاك الله خيرا واتمني لكي دوام التوفيق والنجاح
موضوع حساس بجد
حياتنا
اكيد كلامك مفهوم :)
السلام عليكم ورحمة الله وبركاته
الموضوع رائع سأرد في اقرب فرصة
قريبا عرضت فكرة مشروع فكري فرشحت ان تكوني من المؤسسين لهذا المشروع ولمعرفتي باسلوبك شجعت وجودك في هذا المشروع.
اتمني لك التوفيق اتمني منك اضافة هذا الايميل الي ايميلك او ارسال رسالة اليه لاني اود عرض موضوع مهم عليك
اتمني سرعة الاجابة
NOSTOPTOTOP@YAHOO.COM
حياتنا
اكيد طبعا مش العشم زي اللى قولتيه في الاول
ده اسمه استهبال
لانه بيتنافى مع كل الذوقيات والادبيات الاسلامية والاجتماعية
انما ممكن بتكون بالنسبالهم شماعه للهروب من اخطاءهم والمواقف المحرجة
السلام عليكم ورحمة الله وبركاته
ندعوك للمشاركة معنا في رابطة
" هويتي إسلامية "
من أجل إعادة الهوية الإسلامية للمسلمين عامة وللمدونين خاصة.
شبكة اتصال مباشرة وقاعدة عريضة من أفضل المدونين .
هيا ..... كن معنا من أجل الدفاع عن الإسلام من الغزو الغربي
وحشتيني يا جميلة
:)
نونا
ربنا يكرمك يانونا
ومنورانى دايما بردودك
تحياتى
الروميصاء
ويارب مش تكون الاخيرة
تنوري فى اى وقت
وفعلا العشم ده غالبا مابيكون نتيجة لموقف بايخ حصل
دمتى فى رعاية الله
وزة
منورة ياوزة
بحبك كده وانتى جايبة من الاخر
:)
تحياتى
الحب كماينبغى ان يكون
مازاد عن الحد انقلب للضد
ممكن اعرف هوه التعليق بكلمة حق تبعك بردوا ولا لا؟؟
للتاكد بس
:)
تحياتى
ابويوسف
فعلا هوه بيختلف من شخص للتانى ومن طريقة لاخرى بردوا
وانا عشمى فيك انك تنورنى على طول وماتغبش عليا
فتوح ابو المفاتيح
تمااااااااااام يافندم
هوه كده بردوا
خير خير
:)
سعدت بمرورك
د/حماس
ان شاء الله
واتمنى تكرار الزيارة
دمت بخير
بيرم
جميلة هذه الكلمات
اسعدنى تواجدك
تحياتى
رئيسة حزب الاحلام
ياااااااااا اخيرا
ربنا يكرمك يارب
وتنورينى دايما
حياتنا الزوجية
يسعدنى تعليقك وجزيت خيرا على حسن كلامك
دمت فى حفظ الله
اقصوصة
اكيد تعليقك اسعدنى
:))
فعلا العشم لازم يكون بالشكل الجميل اللي وضحتيه
بس كل الناش فاكره ان دي مثاليه زايده
وان كلمة عشم معناها الخيانه والجرح وقلة الذوق وكل حاجه وحشه من غير ما اللي قدامنا يزعل منا ولو زعل يبقى مش مقدر عشمنا فيه
نعم فلدى ثلاث مدونات هى
كلمة حق - عايز حقى-الحب كما ينبغى أن يكون
لكل منها هدفها الخاص وموضوعها حتى لا تختلط الموضوعات
أسعدتنى زيارتك
السلام عليكم ورحمة الله وبركاته
تم بالفعل قيدك في قائمة الاعضاء المجلس الاستشاري
نتمني دوام التواصل
جزاك الله خيرا
اختنا في الله تنوب عن الاخوات في رابطتنا
هويتي
ما تخافيش يا ستى
عشمك طلع فى محله
صح لسانك
Post a Comment