وطفح الكيل .. أفيقوا يرحمكم الله

الدور عليكى يا اااااااااااااا مصر

فعاااااار عليكم ياعرب

عار عليكم يامن أغيبتم عقولكم

عار عليكم يامن تمنعون قولة الحق

عار عليكم يامن تورثون آبنا ئكم الخزي والعار والمذلة

عااااااااااااااااار عليكم ياعرب

من أطفال انهكها التهب

عار عليكم ياعرب

من صراخ أرامل تستغيث

عار عليكم ياعرب

من دمعة طفل يتمزق

:

أفيقوااااا

واسمعوا الصراخ

ارفعوا السلاح

لا تختبؤا خلف نسائكم

لاتلتحقوا عهر اعدائكم

وحدوا الصفوف

وصفوا النفوس

احملوا شهدائكم وارفعوا رؤ سكم

عاااااااااااااااار عليكم يامن تحملون اسم العرب

أي غد سنشهده .. غدا

قتلوا آبائنا

رملوا نسائنا

شردوا أطفالنا

فأي عالم نحيا .. أي عالم ؟؟

أنحن المحاصرون ياغزة أم أنت ؟؟

إن الحصار .. حصار قلوب أبت أن تشعر بما يدور حولها

حصار موتى قتلتهم ذنوبهم وألبستهم لباس العار

فخرست ألسنتهم إلا عن متع الحياة

حصار أنفس باتت تطرق أبواب النجاة ولاتعرف

هل هي المحاصرة أم من حرموا رغم المعاناة؟؟

فكيف لنفس يطيب لها عيش ان تنام ؟؟

وكيف لها أن تأكل أو يغمض لها جفن وهناك على القرب منها أنفاس

تتقطع من شدة التعب ؟؟

تنادي

:

تستغيث

:

أغيثوا مرضانا .. أعينوا شيوخنا وعجائزنا الراقدون على اجهزة المستشفيات

قد تتوقف في لحظة فتكتم هذه الأنفاس دون ذنب

سوى

أنها نفوس أبت العيش بذل وهوان

وأي ذل وربي أكبر من هذا تعيشه أمتنا؟؟

فأنا على يقين بأننا نحن المحاصرون

محاصرون بكثير من الترف وموت المشاعر والهموم البسيطة التي نصنع منها دائما المشكلات الكبيرة وتستحوذ على تفكيرنا

كم نرفل في كثير من النعم ؟؟

وكم نحن مقصرون فى شكرها؟؟

أتأمل شريط الأخبار باحثة عن خبر يسر القلب عن إخواننا في غزة

فإذا بالأوضاع تزداد سوءا .. والحصار يشتد

وإذا بنا غافلون عما يحدث لا خواننا

أفيقوا ياااااااااااااااا أمة محمد من سباتكم

استيقظي قبل ان تتمزقي

استيقظي يااااااااااااااااا خير امة

لما السكوت ...؟؟

لما الخنوع والذل ....؟؟

لما الخوف والجبن ...؟؟

من تحاصرون؟؟

ومن تمنعون يامن تسمون رجال الأمن ..؟؟

سيعلق كل من منعتموهم عن قولة الحق أوصرخة غضب فى رقابكم

يوم تسألون ولاتجدوا عذرا أما ربكم

إن لم تكن مسلما .. إن لم تكن مصريا

ألستم بشرا؟؟

ألستم أراوحا؟؟

فيا من تقول أنك عبد المأمور.. ستسأل وتحاسب عما يفعل

اخرج نفسك من هذه البوتقة واصرخ صرخة حق في سبيل الله

علها تغنى عنك عذرك يوم القيامة

فياااااااااااااااا لها من حسرة حين نشعر بأننا مشاركون في قتل إخواننا

ويااااااااااااااالها من طعنة قلب تدمي حين نسمع النداءات والإغاثات

ونتباطئ ونتكاسل في تلبية النداءات

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله وكفى

ولمن أراد أن يتحرك معنا عمليا فليقرأ ويقدم لنا بما عنده من جديد او اقتراحات

لنقف جميعا واقفة واحدة ضد هذا الذل

الباب مفتوح..!!

الباب مفتوح على مصرعيه

بينما هو .. يقف يتأمله بلا مبالاة .. منشغلا بالتفكير في الأشياء الرائعة

التي قد توجد وراء ذلك الباب

:

يبدأ الباب في التحرك

بينما هو .. مازال ثابتا يحدق النظر فيه

:

يغلق الباب رويدا .. رويدا

فيبدأ هو بالتحرك

:

يكاد الباب أن يغلق

بينما هو .. يجري لاهثا لم يظن أنه بعيد عنه لهذه الدرجة

وفجأاااااااااااااااااااااة

:

انغلق الباب

:

ولكنه مازال بالداخل يفكر فيما وراءه

:

كم منا يقع بنفس المشكلة كل يوم ؟؟

كم عدد الابواب التي اغلقت أمامنا ولم نعي وندرك أهميتها إلا بعد فقدها؟؟

كم عدد الفرص التي قد تمنحنا إياها الحياة ولم نحسن التعامل معها؟؟

كم ضيعنا من أحلام وأمنيات نتيجة عدم التقدير الصحيح لها؟؟

فلننتبه

:

ولندرك قيمة الأشياء التي نمتلكها قبل فوات الأوان

ولنعيد التفكير في أوراقنا قبل أن يضيع أهم ما نملك وقد لا تعطينا

الحياة هذه الفرص مرة ثانية .. فلنحسن إستغلالها وتقديرها

ولنحافظ على جميع الأبواب مفتوحة .. حتى لا يضيع الأمل

خربشة مشاعر

شعور غريب

أن تمشي في نفس الطريق الذي كان يمشي فيه

شعور غريب

أن ترى ماكان يشاهده من مشاهد

شعور غريب

أن تكون قريب منه دون أن تراه

--------------

ولايقع الابتلاء إلا فيما نحب

فمن صبر ورضى فله الصبر والرضا

------------------

لو كان ما في القلوب ينطق وقتئذ على الشفاه

أفترى أحدا يقول بلسانه ماليس في قلبه ؟؟

------------------

سأنتظرك .. نعم سأنتظرك حتى تراك عيني

فهي تشتاق لرؤياك

وكيف لا انتظرك وأنت وعد ربي لي

وسأبذل كل مابوسعي حتى أراك

فهذا عهد بيني وبين ربي

فهل سيطول الانتظار ؟؟... آآمل أن يخيب ظني

----------------------

علمونا كيف يكون الحب وصلا ...... وفارقونا

"من يأتي لي بقلب كقلوبهم
----------------------------

ونخفي في القلوب مانخشى أن تبصره العيون أو تتناوله الظنون

-----------------------

القلوب التي تودعنا قبل أوانها .. هي التى تستقر زمنا عتيا

---------------------

سأكون حرة في :

التفكير فيك ،، حبك ،، عدم نسيانك

----------------

في حياتنا نشعر بكثير من الآلم دونما نراه .. ونرى كثير من الفرح دون أن نشعر به

-------------------

أجمل مافي الورود أنها تعطر اليد التي تسحقها
---------------------

الحياة قصيرة .. تسبق ما انتظر

وتأخذ من أحب

وتلتهم من أتمنى

ويبقى

حسن الختام

----------------------

أحيانا ... إن لم يكن دوما

مايصدر منا ... يحدث فينا

يارب عفوك

يارب صفحك

يارب لطفك

--------------------

أنا قوية .. وسأنسى

كذبة نتناولها لنهرب فقط من الواقع

-------------------

أأخلع كل مايدنيني منهم ؟؟

لا أقوى

فهم ملامحي ... هم حرفي

-------------------------

إذا كان القدر أبى إلا أن يذيقني ألوان التعاسة أضعافا مضاعفة لأيام هناء عشتها

إذا كنت لا أستطيع تحمل المزيد من الصدمات

إذا كنت مصرة على ألا أعامل من حولي بالمثل

إذا ... ربي أراد أن يكون لي قلبا كهذا

فالحمد لله

-----------------------

سأخذ ذكرياتي واحفظها ... حتى اللقاء البعيد

دام حبك في قلبي نورا

-------------------------

كثيرا ما تظلم الكلمات مشاعرنا ... لأنها تختزلها في سطور

بلا عنوان ..؟؟

حين تهل إبتسامتك للآخرين

وهم لايعرفون أنك في الحقيقة تبكي

:

حيت تمشي مع الأحبة في الطريق

وهم لايعرفون أنك تمضي وحيدا

:

في هذه الدنيا نسير وسط الضباب

لاندري إلى أين؟؟

لانرى ما بداخله ،، ولانعلم ماوراءه

نجتمع بأناس .. نشعر بالسعادة

ثم يباعد بيننا

ولاتجد من الكلمات ما تعبر عما بداخلك

حينها نظل دائما على أمل أن يجمعنا الله ثانية

:

الله المستعان

فرصة لمن أرادها..!!

يقول الحبيب "صلى الله عليه وسلم": "ما من أيام أعظم عند الله ولاأحب إلى الله العمل فيهن من أيام العشر

فأكثروا فيهن من التسبيح والتحميد والتهليل والتكبير"

فرصة هائلة لمن أرادها

فرصة لبدء صفحة جديدة مع الله

فرصة لكسب حسنات لا حصر لها تعوض مافات من الذنوب

فرصة لكسب حسنات تعادل من أنفق كل ماله وحياته وروحه في الجهاد

فرصة لتجديد الشحن الإيماني في قلوبنا

لكن

:

ماذا أعددت لهذه العشر ؟؟ وماذا ستصنع؟؟

لا تضيع الوقت ... فالعشر قليل ،،، والعمل كثير ،،، والأجر جزيل ،،، والثواب عظيم

فلا ترضى بالقليل!!!

"يا أيها الذين آمنوا اذكروا الله ذكرا كثيرا"

دعك من الارتجال والاتكال وحدد هدفك

أيام قليلة وتنتهى الفرصة

فقد كان الصحابة "رضي الله عنهم" : إذا دخلت العشر اجتهد اجتهادا حتى لايقدروا عليه"

كم منا يملأه الشوق إلى الحج ،، والنظر إلى الكعبة ،، والسعي بين الصفا والمروة ،، أو سجدة عند المقام ،،

أو إنحناءة بين يدي النبي عليه الصلاة والسلام ؟؟؟

فيأبى النبي "صلى الله عليه وسلم " إلا أن يجعل للقاعدين أجرا كأجر الحجاج فيبشر بقوله:

" لقد تركتم بالمدينة أقواما ما سرتم مسيرا ولا أنفقتم من نفقة ولا قطعتم من واد إلا وهم معكم فيه،،

قالوا يارسول الله وكيف يكونون معنا وهم بالمدينة ؟ فقال حبسهم العذر"

فإن كنت تبكي البعد وضياع الزيارة .. فالحق بهم من بيتك وشاركهم الأجر

بنية خالصة من قلبك وزاحمهم على أبواب الجنة بصالح عملك

ولا ننسى أفضل أيام هذه العشر وهو " يوم عرفة"

فقد تجمع الرحمات والمغفرة في هذا اليوم

يوم عرفة

ولا تنسى .. فمعنى أن أحيانا الله يوم عرفة أن الله يريد أن يغفر لنا ،، ويبدل سيئاتنا حسنات

ويغفر لنا مامضى ويعفو عما فسد

فلنعمل ولنجتهد ولنجد في الطاعة

ولنشارك الحجيج وقفتهم

ولنرفع أيدينا إلى خالقنا وخلقهم

ولنتسابق مع من نزل على جبل عرفات

فلا ندري إلى عرفة المقبل سنحيا

أم .....؟؟

فلنشمر الهمم ولنجد فى الفعل والعمل .. فلا مكان للثرثرة وكثرة الحديث

ولنري الله من أنفسنا خيرا ولنعزم لجنة عرضها السماوات والأرض

فلنعش هذا اليوم لله وبالله وفي سبيل الله ولمرضاة الله فلو نلنا المغفرة والرحمات

فيا لها من سعادة وهناء

وإياك .. إياك .. إياك

أن تظن في الله غير المغفرة والرحمة ،، فإن فعلت كنت أسوأ الناس

تقبل الله منا ومنكم صالح الأعمال

رسالة : أشكر من شجعني على نشر هذا البوست بإرسال إيميل خاص بهذا الموضوع

اسأل الله أن يتقبل منا وأن يجعله في ميزان حسناتنا وجزاهم الله عني خيرا وعن كل من قرأ وعمل

وانتفع به ... اللهم آمين آمين آمين

دمتم لي بخير وود

لاتحرق الجسر !!

أن يغضب أي إنسان فهذا أمر سهل

لكن أن تغضب من الشخص المناسب ،، وفي الوقت المناسب ،، وللهدف المناسب

وبالأسلوب المناسب .. فليس هذا بالأمر السهل

كل منا يعلم بأن هناك الكثير من الجسور بين النفوس .. تبنى بالسلوك الطيب

والمحمود من الأفعال والأقوال

لكننا قليل ما نهتم أحيانا بهذه الجسور وقد نخطئ معها كثيرا دون وعي ،، فيصيبها الصدأ ،، وقد تظهر عليها بعض التشققات

التي تحتاج إلي ترميم .. فهناك لحظات تكون فيها أعيننا معصوبة

ونفوسنا مشحونة .. فندمر هذا الجسر .. وقد نندم على تهورنا بتحطيم الجسر

فنحاول مرة أخرى بناء هذا الجسر .. لكن ذكريات الجسر الأول السيئة

تترك انطباعا ،، وأثرا لا ينتهي أبدا

وحينها يرتفع صوت العقل قائلا : " احذر قبل أن تقذف الشعلة مرة أخرى .. شعلة

الغضب .. التي لا تبقي خيرا .. ولاتذر معروفا"

فحقا لم أجد أسوء من الغضب

فكم قطع من أواصر؟؟

وكم أنهي من علاقات ؟؟

وكم غرس من بغضاء؟؟

وكم دمر من حب ومودات ؟؟

وأيضا لم أرى مثل الهدوء دواء

وكالتسامح بلسما

وليكن قدوتنا الحبيب صلوات ربي وسلامه عليه فما عرف عنه غضب ،، وماسب أحدا

قط

فعن ابن عمر-رصي الله عنهما-أنه سأل رسول الله "صلى الله عليه وسلم": ما يباعدني من غضب الله عز وجل ، قال " لاتغضب"

فكن قويا وألجم نفسك عند الغضب ،، واكظم غيظك ،، واعف عن الناس حال المقدرة ،،

تحصد القلوب حصدا

وليكن غضبك من الغضب المقبول والمحمود ،، الذي يكون انتصارا لله لا للنفس

فلا تهاون إن كان الغضب في حق من حقوق الله

فاحذر .. ولاتحرق الجسور فقد تجد نفسك مضطرا للعبور يوما ما

فلاتكسر ابدا كل الجسور مع من تحب .. فربما شاءت الأقدار لكما يوما لقاء آخر

وماذا بعد ..؟؟

ظللت جاهدة أبحث عن ورقة وقلم محاولة الكتابة لعلي أفلح هذه المرة

دقيقة .. دقيقتان .. عشرة

أبحث عن كلمات .. تراودني الأفكار .. لكنها تهرب مني

ابدأ في نحت الحروف بخط جميل وتآن شديد

ثم أجدني اكتب سطرا .. ثم أشخبط عليه

أعاود الكتابة مرة أخرى بإصرار

لأعاود الشخبطة في تتابع

كلمة .. ثم شخبطة

سطر .. ثم شخبطة

شخبطة .. ثم شخبطة

أريد ان اكتب .. فلا أجد ماأقول

توقفت

:

تركت القلم وانتظرت في هدوء

أريد أن أفسر هذه الحالة .. ماذا يحدث؟؟

راودني التفكير بأني غير قادرة على الكتابة وأنها غير مجالى

لكن .. سأكتب ما بنفسي على آية حال

فرغم وجود الكثير والكثير من الأشياء التي قد تدفعني للكتابة إلا أنني

لا أستطيع التمييز والتفرقة بين ما بداخلي من مشاعر وأحاسيس حول ما يحدث

قد تكون حالة من عدم القدرة على البوح

أو ربما سبب ذلك هو إدراكي لكثير من الأشياء التي لم أدركها من قبل

أو عدم توقعي لحدوثها على هذا النمط

وربما سبب آخر .. لا أعلم

ولكن ... ماذا بعد ؟؟

هناك الكثير من المواقف الحياتية التي تحدث أمامنا ومعنا قد نأخذ بها دور الكومبارس أو البطولة لكنها بآية حال ... تحدث

تلك هي الحقيقة "حقيقة الحياة " وماذا بعد..؟؟

عند تأملي فى الكثير ممن حولي وجدت أن الجميع في حالة من الانتظار

انتظار أول لقاء .. انتظار الزواج .. انتظار أول طفل .. انتظار وانتظار

وغالبا مانكون سعداء بهذه الحالة " حالة الانتظار" فهي كما أعتقد أحيانا

انها تشعرنا بمعنى للحياة وتعطينا الأمل رغم صعوبتها كثيرااااااااا

لكن أظنها قد تكون أفضل من فقد الأمل

فها هي الحياة يظل الانسان دائما في حالة من الانتظار

وبعد ما يتحقق ما ينتظره تظهر أمور أخرى تجعله دائما في حالة انتظار

انتظار انتهاء الدراسة .. انتظار العمل .. انتظار الارتباط بنصفه الاخر

انتظار الزواج .. انتظار الاولاد .. وهكذاااا

سلسلة مستمرة من حلقات الانتظار

ودائما نقول ... وماذا بعد ..؟؟

الله المستعاااااااااااااااااان

ده من عشمي

"ده من عشمي"

الكلمة دى بقينا بنسمعها كتير فى كلامنا وفي مواقف مختلفة

ياترى يعنى ايه العشم؟؟يعنى ايه انى اكون متعشم في حد؟؟

يعنى لو قلت لصاحبك فلان زعلان منك عشان كذا .. وتلاقيه بيرد

طبعا بهزر "ده من عشمي فيه

يعنى تقول اللى تقوله وتعمل اللى تعمله .. وفي الآخر تقول .. ده من عشمي

طب ماقبل ماتزعل منه شوف ايه اللى زعله؟

مش يمكن يكون زعل من حاجة ياما نبههك

او حاجة انت عارف انه مش بيحبها

ممكن نفهم يعنى ايه عشم

هو العشم ده يخلينا نلغي اقل الآداب والذوقيات في التعامل بينا

مش معنى انى اتعشم فى حد انى الغي في تعاملي معاه الذوق فى الكلام

مش معنى انى اتعشم فى حد انى احمله اكترمن طاقته فى طلباتي ويمكن تكون

كمان على حسابه الشخصي وحساب حياته.. وده لاني عندي عشم فيه

مش معنى انى اتعشم فى حد انى ازعل اللى معايا بكلام او تصرف محرج

مش معنى العشم انى افضل دايما اخد من غير ما أدي

وده كله عشان انا عندي عشم فى اللى قدامي

ممكن قوى اللي قدامك مايقدرش يدي عشان مابياخدش

ماهوه كمان عاوز يكون عنده عشم فيك

عاوزك تفهمه وتقدره وترعيه في حاجته وطلباته وحريته وحياته

لو العشم هيخلينا نبعد عن الذوقيات والفروض في التعامل يبقى بلاش .. عشم

لو العشم هيخلينا نزعل أقرب الناس لينا يبقى بلاش .. عشم

لو العشم يخلينا نجرح ونخسر ناس بنحبهم قوى يبقى بلاش ... عشم

مش معنى كلامي أكيد أن مش يكون فى عشم بينا واننا نستحمل بعض

لكن بردوا

لازم نفهم يعنى ايه عشم؟؟

لو هتعشم وهراعي احساس ومشاعر اللى قدامي

يبقى حلو العشم

لو هتعشم وأدي كل واحد حقه فى كلمة شكر أو عمل خدمة

يبقى حلو

لو هتعشم ويكون معايا مبدأ التماس الأعذار

يبقى جميل العشم

العشم اللى هيخلينى أكون خايفة على مشاعر اللي معايا وأحاول بكل الطرق إنه

مايزعلش مني ،، وإني أجي على نفسي عشانه

يبقى ده حلو العشم

ومش تقول طب ما هوه مش بيعمل معايا كده

ابدأ أنت واعمل كده .. ومسيره يعرف ويقدر كل ده

وبلاش مبدأ العشم اللى بيخلينا نخسر أحب الناس لينا بحاجات بسيطة جدا

لو اتعملت مش هتضرني ومش هتكلفني حاجة

لكنها هتفرح اللى معايا وتسعده

خصووووووصا في وقت يكون اللى معايا محتاج لده فعلا

:

من عشمي فيكوا ان كلامي ده يكون مفهوم

:)))

بحب فيها ؟؟؟

أحب في البنت صدق مشاعرها

أحب فيها حنيتها

أحب فيها رقة قلبها ،، ودمعتها القريبة حتى في قسوتها

أحب فيها نعوميتها

أحب فيها ودها ،، وطبطبتها

أحب فيها خفة دمها ،، وطعامتها

أحبها أروبة ،، ومركزة في كل حياتها

أحبها في ألاطتها ،، وأنتكتها،، ولما تاخد بالها منها في شياكتها

أحب أوي جديتها ،، وأحبها لما تحط حاجة في عقلها وتبقى أكبر منها

بشوية مش بس أدها

أحبها لما تكون بمليون راجل ،، وأحب شهامتها ،، وجدعنتها

أحبها لما تحب ،، وتخلص في حبها وصداقتها

أحب إحتوائها ،، أحب طنطيتها ،، أحب جنونها ،، وفرحتها

أحب صدقها ،، ووضوحها،، وصراحتها

أحب أشوف عينيها في حزنها وضحكتها

وأموت فيها وأعشق ودها .. صفة من الودود متوفرة أظن عندها

أحب فيها حرصها على اللي حواليها وجنبها

وأحب فيها كبريائها ،، وكرامتها،، وعزة نفسها

وأحبها لما تمسك الدنيا في ايديها وتبقى لعبها

ومتقربش من قلبها ويفضل قلبها فاضي لآخرتها

أحبها في عملها ف صمت ،، وعطائها اللي ملوش حدود

أحبها في حسن إنصاتها ونصيحتها

أحبها إجتماعية ،، شاطرة ،، خاطفة قلوب كل اللي حواليها بشطارتها

أحبها أخت تمسح دموع أخوتها

أحبها إبنة مطيعة ،، خلوقة ،، تخفف هم ،، ترسم ضحكة ،، تشيل

مسئولية البيت وأخواتها

تنور حياة كل اللي ضحكوا وسهلولها حياتها

أحبها زوجة ،، تهتم ،، تتدلع ،، تصون بيتها ،، وتراعي ربها في عيلته قبل عيلتها

أعشقها أم تصاحب وتلم حواليها ولادها

وأموت فيها جدة تغرق في حنيتها أحفادها

واتمزج أوووى من عقلها ورزانتها ،، وتملى دماغي لما تكون عارفة مصلحتها

وأعشقها لما تحب ربنا ورسولها وتخلص ف حبها وعبادتها

مسلمة بجد ،،، قدوة صح ،،، لكل اللي يقرب ناحيتها

:)

هيا دى البنت اللى أنا بحبها بجد "انحيازية":) .. حبيت الكلام ده وحبيت كل ده فيها

فقلت اقوله يمكن تحبوها كده .. وأعرف ياترى هيا حلوة كده ولا بردوا ....؟؟؟

عيد سعيد عليكم

خلاااااااااااااص وانقضى شهر رمضان بسرعة بسرعة

ربنا يتقبل منا ومنكم الصلاة،، والصيام،، والقيام

ويكون بلغنا ليلة القدر وعفا عنا

واعتقنا من النار.. اللهم آمين

:

:

وبكرة العيد وهنعيد

:)

اتمنى لكم جميعا عيد سعيد

ويكونوا أحلى 3 أيام فى حياتكم

وياااااااااارب يعود علينا وعليكم وعلى كلالأمة الإسلامية الأيام بخير وصحة وطاعة

والعيد الجاى نحقق فيه اللى ما قدرناش نحققه السنة دى

ونحقق كل أحلامنا بإذن الله يارب

:)

هو يوم ..لكن بمعنى جديد

أجمل حاجة حصلت معايا السنة دى .. إن الشهر ده سيكتمل عامي الثاني والعشرين

فكرت كتير قوووووووى ايه اللى ممكن اكتبه أو أقوله في يوم زى ده؟؟؟

وأترددت كتيييير...لكن وقت ماقررت إنى أكتب ... كان لأني حسيت إن السنة دى كانت

مختلفة بالنسبة لي فى كل حاجة

أو يمكن لأنه أول مرة يكون في رمضان فحساه حاجة جميلة وجديدة وبمعنى مختلف قوى

بس اللى بدأت أفكر فيه واسأله لنفسي ... ياترى افرح ولا أزعل ؟؟؟

أفرح .. بحاجات كتير عملتها في وقت قصير وحاجات ماعملتهاش طول عمري

ولا أزعل ... على أيام ضيعتها وكنت ممكن أنجز فيها كتير

أكيد سنين عمري اللي عدت عملت فيها حاجات مفيدة

بس الأكيد إني ضيعت حاجات كتير منى

لكن المهم إني عرفتها "الحمد لله"

حققت نجاحات كويسة

وبحاسب نفسي كتير

واكتسبت خبرات يمكن مش كتير "على قدى"

صاحبت ناس .. واحتكيت بناس .. وشفت أنواع مختلفة "بردوا على قدى

حاولت كتييير اتعلم منهم ... واخد اللى ينفعني من كل واحد فيهم

أخدت ناس منهم قدوة .. واتعلمت من أخطاء ناس

آثر في حياتى شخصيات جميلة ... ورفعت قبعة الاحترام والتقدير للكثير

لكن مع كل دول ... خذلني ناس كتير

واتصدمت في ناس كتيييير بدون أسباب ولا حتى مبررات

عشان كده اتعلمت إن الدنيا يوم ليك ويوم عليك حتى لو مش تقبلت كده

مرت عليا أيام ماكنتش أتمناها .. وأيام كنت أتمنى تطول أكتروأكتر " ويمكن يكون المسبب واحد"

هزرت كتير .. وضحكت كتير.. ولعبت كتير

لكن كمان

:

بكيت كتييييير

لكن مع كل دمعة كان في تفكير عميق واتعلمت منها حاجات كتييييير

عرفت ناس .. وحسيت ازاى يكون في ناس قلوبهم على بعض ... نيتهم واحدة .. وهدفهم واحد

وفي مركب واحد

حبيتهم كتير .. واتعلمت منهم كتير

حسيت إزاي أكون فرد مؤثر في عيلتي .. وأهمية لمة العيلة والأخوات حولين بعض

لكن بجد السنة دى كانت مختلفة معايا في حاجات كتييييييييييييير

ووجود يوم زى ده لأول مرة في رمضان خلانى أدعي ربنا إنها تكون سنة جديدة عليا

فى كل حاجة .. وأكتر حاجة فى طاعته

:

اللي أتمناه إن ربنا يكون راضي عنى دايما .. واحس باللي حواليا ... ويحسوا بيا أكتر

وانى ازداد خبرة .. واخد بالي مني "مش بأنانية" لكن باهتمام

السنة دى بجد حاساه مختلف لأسباب كتير

آثر فيا لدرجة إنى حسيت إن العمر قصير قوى ومحتاجة اعمل حاجات كتييير

ربنا معايا ويهديني

:)

ويبارك لي في كل اللى حواليا ... واسمع دايما أخبار حلوة عن كل حبايبي الموجودين والغايبين

اللى معايا واللى مش معايا

اسأل الله أن يغفر لي ما مضى .. وأن يجعل هذا العام

زيادة في عمري لا نقصانا

وأن يكون حجة لي لا علي

وأن أنال رضا ربي وأن يجعلنى من المقبولين

وأن أكون كما أتمنى ان أكون

اللهم آمين ..آمين ..آمين

اشتاق إلهي إليك

ربي .. جئت إليك باكيا متضرعا أطلب دواء من لدنك لقلبي المتوجعا .. أخطأت في حقك يا إلهي

والعصيان يكويني وبكيت ندما على نفسي والحزن يعلوني أجر أقدامي

وذنوبي قد أثقلت عاتقيا منكس الرأس من خجلي .. أن أرفع إليك عيناي ودموعي تنحدر كالسيل

من مقلتيا .. وفؤادي يرتجف خوفا أن ترد يديا ،، وما أن وقفت أمامك تائبا متهجدا لم يستطع

جسدي الوقوف ،، فخر أمامك ساجدا ورجوتك في سجودي أن تقبل توبتي ،،وأن تمحو عني كل ذنب وخطيئة

ياااااارب ذنبي أهلكني وأشقاني ،، وفضلك يا إلهي يغمرني كفيضان

يااااااارب إن يعصاك جسدي فقلبي ملآن بإيمان

فإن كنت قد غفلت عنك الثواني،، فحبك ياإلهي أيقظني وأحياني

ولوعة الشوق جعلتني أذوب في مكاني

فسامحني ياعظيم ،،،، وهب لي من لدنك رضوانا

فأنت الذي صورتني وجعلتني إنسانا فامنن على برحمتك ياخالقي يامنانا

ياااااااااااااارب أنقذني من ظلمات نفسي ،، واجعلنى مغمورة بنور رحمتك

ياااااااااااااااااارب نجني من أهوال صراهات هواجسي الداخلية

يااااااااااااااااارب ارحمني من السقوط في هاوية المثقفين الجهلاء

يااااااااااااااااااااارب سلحني بالأسلحة والحصون في مواجهة نفسي الآدمية

إلهي ... إني مخلوقة بشرية وأنت إله المخلوقات

ربني على طاعتك ،، ربي .. اجعل نفسي مرشدا لتقواك

راهبا في محراب هدايتك

معلما في مدرسة عفوك

اللهم لاتجعل مصيبتنا في ديننا ولا تجعل الدنيا أكبر همنا ولا مبلغ علمنا

اللهم آمين ... آمين

سبحانــــك

سبحانك ربي .. سبحانك

منذ آلاف السنين قدرت لي أن أكون عبدك

ومنذ عشرات السنين لم اكن شيئا وكنت في الوجود عدما

ومنذ سنين شاءت لي قدرتك أن اولد وأن أكون بشرا من خلقك

رزقتنا السمع ... فسمعنا

رزقتنا البصر ... فأبصرنا

رزقتنا العقل ... فأدركنا

رزقتنا القلب ... فأحببنا

ورغم ذلك

:

أمرتنا بالطاعة ... فعصينا

وأمرتنا بالعبودية ... فأهملنا

خيرك إلينا نازل ... وشرنا إليك صاعد

لو أردت ذهابنا ... لذهبنا وأصبحنا عدما

ولكنك رحمتك أوسع ... فاللهم رحمتك وعفوك

"إن لربكم في أيام دهركم لنفحات... ألا فتعرضوا لها"

لنتذكر تلك الكلمات الطيبة التي قالها الحبيب المصطفى صلوات ربي وسلامه عليه في هذه الأيام التي نحياها الآن ... فهاهي بداية هذه النفحات القوية .. نفحات رمضان تهل علينا وتأتي لنا تتقدمها فضائل شعبان

ومن بعدها رمضان شهر الجود .. والخير .. والكرم الرباني .. والعطاء الإلهي

وكما هو الحال في الكثير منا أنه يتأثر بالظروف التي يمر بها وتتغير حياته بها

فهاهي هذه الأيام شأنها شأن الكثير من الظروف التي نمر بها لتبقي فينا الكثير من التغيير ..." للأفضل إن شاء الله "

ولكن .. يشترط لهذا التغيير وجود النية الخالصة لله عزوجل

فكم منا يتمنى ان ينتظم في الصلاة .. وأن يداوم على النوافل .. وأن يتذوق حلاوة قيام الليل

ومن منا لايريد أن يخشع في صلاته .. أو من يأمل أن تبكي عينيه لله

هناك الكثر من الطاعات والعبادات التي نأمل في مداومة تذوقها وأن تنفحنا نفحة منها

لكنها ... الدنيا تأخذنا وتلهينا ويأخذنا أمل ... التســـــــــــــــــــــويف

لكن

:

هاقد حان وقت بداية جديدة لحياة ربانية فلنتذوقها ولتنفحنا وجاءت الفرصة للإقلاع عن العادات السيئة

إنها الفرصة

التي لاتأتي إلا في ظل هذه الأيام المباركة .. فالشياطين مسلسلة والنسمات الربانية تقوينا وتحيط بنا وتعيننا على الطاعة

فهاهي هي نفحات الخير آتية تبحث عمن تهل عليه فلنتعرض لها

ونننوي .. ونشمر .. ولنقبل على الله .. ولنستشعر حلاوة القرب من مالك الملك

ولنجدد العهد مع الله.. ونخلص النوايا .. وندعوا ونحن على يقين بالإجابة

ولنغتنم هذه الأيام فهي زيارة لاتتكرر إلا مرة واحدة كل عام .. ولا أحد يدري

كيف حاله في العام المقبل ؟؟

اللهم اعني أن اعبدك كما تحب أن تعبد

اسأل الله أن يرزقنا طاعة نتذوق حلاوتها طيلة عمرنا

وأن يبلغنا رمضان وهو راض عنا

اللهم آمين .. آمين

كوكتيل تاجـــات

بصراحة كنت ناوية اكتب فى كام موضوع ورا بعض بس اعمل ايه لا مفر من التدبيسة اللى اتحطيت فيها

ما انا مش اقدر اتأخر على أخواتى حبايبي ... فما باليد حيلة
ابدأ بقى بالتاج المسوس ... بتاع دكتورتنا النجمة الصامدة

:D

(1)

هل تحب طبيب الأسنان ؟؟ ولماذا؟؟

احم احم ... بصراحة انتى ممكن تقولى انى مش بحب الدكاترة عموما

فما بالك بدكاترة الاسنان :) وده مش له علاقة بيكى طبعا يادكتورة

بس والله مش كره ليهم هما .. لكن مش بحب العلاج والتقيدات بتاعتهم دى

ربنا يعافي الجميع يارب

(2)

متى كانت آخر مرة زرت فيها طبيب الأسنان؟؟

أخر مرة حصلى الشرف الموجع ده كان من 3 سنين تقريبا والحمد لله

(3)

هل لديك طبيب أسنان ثابت أم تذهب إلى أى طبيب حسب الحاجة؟؟

لا بصراحة مفيش دكتور ثابت .. يعنى بتكون حسب الظروف والمكان اللى انا فيه

يعنى لو اللى متابعة معاه مش موجود أموت من الوجع مثلا :)

(4)

هل أنت مؤمن بأن المتابعة والكشف الدوري عند طبيب الأسنان أمر ضروري؟؟ ولماذا؟؟

مؤمنة والحمد لله .. لكن أظن إن طول ما الواحد مرتاح مش بيفكر فى كده ناقصين وجع سنان كمان

و طول مافي محافظة شخصية أعتقد انها مش ضرورية

(5)

عندما تذهب لطبيب الأسنان لتلقي العلاج هل يفيدك الطبيب بمعلومات تكفيك عما تعاني منه؟

وهل ترغب في الحصول على هذه المعلومات اصلا ام أن الامر لايهم مادام سيعالجك؟

بصراحة مش دايما .. يعنى في دكاترة متحاورة باسلوب جيد جدا ومريحة فى اسلوبها وردها عليكى

وفي دكاترة تانية تحسي انها عايزة تضربك وانتى بتسأليها .. زى ما أكون أذنبت انى ضرسي وجعنى

:D

(6)

يعتقد الكثيرون بأن طبيبة الأسنان أقل مهارة من طبيب الأسنان .فماهو رأيك؟ وماالسبب؟

أنا عن نفسي مش جربت دكتورة خالص .. مش عدم ثقة بس لانى مش لقيتهم أصلا

يلا بقى شدي حيلك ... ومفيش فرق طالما إنها متميزة ومتفوقة في مجالها

(7)

إذا كنت والدا أو كنت أما هلى تهتمـ/ين بإعطاء طفلك ثقافة جيدة عن الاعتناء باسنانه؟؟

شئ أكيد طبعا ... بس لما ابقى ان شاء الله :)

دى من أهم السلوكيات اللى احب انهم يتعلموها بإذن الله

(8)

كم مرة تقومين بغسل أسنانك؟؟

يوميا بفضل الله ... وممكن تكون كذا مرة كمان

(9)

ماهي علاقتك بالسواك؟؟

علاقة طيبة .. لكنها مش منتظمة

(10)

حسب معلوماتك .. ماهي المواد الطبيعية والغذية التي يمكن ان تكون مفيدة للأسنان؟

حسب معلومات سيادتى .. افتكر انه اللبن ومنتجاته والبيض

صح بردوا ولا ايه؟؟

:D

(11)

هل تعتقد أن أطباء الأسنان "نصابون"؟؟

امممممممممممممممم

بصراحة انا مش جربت حد ونصب عليا .. هوه يمكن معروف ان علاج الأسنان أصلا مكلف قوى

وده تقريبا لان ادواته أصلا مكلفة وغالية

(12)

ماهى أكتر صفة تود أن تكون لدى طبيب الأسنان ؟؟

الاحسااااااااااااااس باللى تحت ايده:)

بجد يحاول على الاقل يشعره انه حاسس بآلامه ولو بالايحاء ياشيخة:)

(13)

عندما يقوم الطبيب بإجراء علاج معين ثم يطلب منك الذهاب الى البيت والعودة بعد مدة هل تعود ؟؟ ولماذا؟

أيوه للأسف برجع تانى... عشان مش ارجع للللآلام فبضطر استحمل وارجع له :)

(14)

أيهما أفضل بالنسبة لك الخلع أم العلاج وإن كان مؤلما؟؟

أكيد طبعا العلاج

(15)

أجريت دراسة أثبتت أن نسبة كبيرة من شعور مرضى الأسنان بالآلم هو إيحاء نفسي إلى أى مدى تتفق مع هذه الدراسة؟؟

لا بصراحة ما اعتقدتش ابدا.. الا الاسنان بقى ده مش ينفع فيها ايحاءات خااااالص

يعنى من حلاوة وجعها مثلا

:)

(16)

اكتبي النقاط والتساؤلات والامور الغامضة بالنسبة لك حول طب الاسنان وطبيب الاسنان؟؟

هل فعلا أفضل وأسلم حل دلوقتى هي اماتة العصب؟؟

وهل عملية الحشو دى ليها مدة معينة ؟؟ وبيحتاج لتجديد؟؟

وبس خلاص

ربنا يعافينا يادكتورة ويجعل كلامنا خفيف عليكوا

لما نشوف أخرة الاستبيان ده ايه؟؟

:D

**************

التاج التانى من سمسم صاحبة مدونة بحبك يامصر

(1)

من أنت؟؟

إنسانة بسيطة وطموحة بحب أعيش حياتى بكل مافيها في طاعة ربي أجمل حاجة عندى إنى أدخل السرور لقلب إنسان وما احبش حد يتكلم عن حد في ضهره

(2)

بطاقتي الشخصية؟؟

الاسم: أماني

المهنة: حاصلة على بكالوريوس في التربية والعلوم

من مواليد شهر سبتمبر

محل الاقامة:المنوفية

الديانة: مسلمة

الحالة الاجتماعية:سينجل

(3)

ماهي أحلامك؟؟

أحلامي كتيييييرة قوى ... أولها انى نفسي أحج وبدعي ربنا انه يكتبهالي قريب يارب

بحلم أكون مسلمة نافعة؛؛ عاملة؛؛ أخدم ديني وبيتي وأقدر إنى اكون نموذج للبنت المسلمة على المستوي الشخصي والعام

بحلم وبدعي ربنا يقدرني على تحقيق باقي أحلامي الشخصية فى كل حياتي .. ومش مهم أقولها بقى

:)

(4)

من هو أقرب شخص ليكي؟؟

هوه انا لو كنت اتسأئلت السؤال ده من فترة كنت ممكن أقول أرد رد تانى

لأني كتومة شويتين فى شخصياتي ..لكن دلوقتي في شخصية قريبة قوي مني وبحب اتكلم معاها في كل حاجة تخصني وأحسها

وده مش يمنع انى في ناس قريبة من قلبي وبحب اتكلم معاهم بعد أمي وأخواتي طبعا

*************

التاج التااااااالت ... يامسهل

(1)

ايه معنى السعادة من وجهة نظرك ؟ حاسة إنك سعيدة؟

أكيد سعادتي في رضا ربنا وعطائه ليا

بس بالنسبة للسعادة بردوا يوم مايكون في مشكلة وأقدر إني اتغلب عليها وأحقق أشياء يقال

أنك لاتستطيع تحقيقها

إنتى سعيدة... لا أنا أمانى :D

الحمد لله .. أكيد مش هقول انى سعيدة على طوووول أو انى حزينة على طول

لكنها الحياة مابين هذا وذاك .. الا أن مايهون علينا يقيننا بقدر ولطف الله بنا

(2)

امتى حسيت إنك ظلمت إنسان ؟ وليه؟ ومحتاج للحظة غفران منه؟

أنا مش هقول إني ملاك وماحدش بيزعل منى.. لكن الظلم دى كلمة كبيرة قوى

لكن ممكن أقول إنى أحس إني ظلمت حد يوم ما أسئ الظن فيه .. ودايما احب إفتراض حسن النية إلى ان يثبت العكس... رغم إن انا اللى بتصدم :( بس ده أهون عليا

بس بتمنى فعلا إنى لو ظلمت حد وانا مش عارفة انه يسامحنى ويعرفني

(3)

بتعمل ايه لما تكون متضايق بعد ما تصلي؟؟

هوه طبعا السؤال غريب شوية.. لأني اللى بعمله وأنا متضايقة أصلا إني بصلي

لكن كمان ممكن أعيط قووووووووووووووى بس وانا لوحدي ؛؛؛ واقرأ قرأن

والجديد من فترة إنى بقيت برتاح قوى لما اكتب اللى جوايا على الورق

ويسلاااااااام بقى لو وصل للى انا عاوزاه يوصله
(4)

امتى حسيت إنك اتظلمت؟؟وليه؟؟

يوم بردوا ما يساء الظن فيا وفى كلامي ويبنى عليه آراء ومعتقدات من غير توضيح

ويوم ما أخلص قوى لحد واحبه قووووى وأحس منه بجرح أو لا مبالاة وعدم إهتمام بمشاعري

وليه بقى ... لأنى بمنتهى البساطة مش بحب اعمل الحاجات دى فى حد واحب اتعامل واتحب زى ما انا بتعامل مع الناس بوضوح وشفافية وصراحة

(5)

ايه أكتر إحساس بيراودك هذه الأيام تجاه نفسك والآخرين؟؟

إحساسي اتجاه نفسي إنى مقصرة ومحتاجة أسعى عشان أحقق كل اللى بتمناه فى حياتي

احساسي تجاه الآخرين بقى .. فبجد احساس بالحزن والهم وان كل واحد جواه اللى يكفيه وزيادة

احساس بالضحكة المصطنعة .. احساس بالدمعة المخنوقة

(6)

امتى ممكن تتنازل عن حق من حقوقك ؟؟ والسبب

أكيد يوم ما اكون هتنازل لحد قريب قوى منى ومن قلبي ويكون يهمنى وإنى أحس وقتها إنه بكده هيكون مبسوط ومرتاح

بجد ساعتها ممكن اتنازل عن سعادتى انا شخصيا لو ده هيبسطه وهيخفف عنه عبئه

لاني ما احبش أبداااااا احس إنى عبء زيادة على حد وخصوصا لو بحبه وعارفة ظروفه وتعبه

حتى لو من جوايا انا بتقطع من قراري

وبس خلاااااص.. كفاية كده

*************

تم بحمــــــــــــــــــــــــــــــد لله

:D