Saturday, August 1, 2009

وبعدين بقى


وبعدين بقى ؟؟

آخرة اللي احنا فيه ده ايه ؟؟
ياااارب ... قلبنا لو نطق هيشتكي

بصراحة عنده حق ماهو مظلوم معانا

مش سهل عليه شعور الفقد اللي حسه

مش قادر يحس بأي حاجة حلوة حواليه

أحاسيس السعادة والفرحة وحياة كان مفتقد معناها بقت بين ايده

وبين يوم وليلة .. وفي عز هناها

وبعد أجمل ليالي فرحتها

اتقتلت كل الأحاسيس دي

اتقتلت واتظلمت

قهر وظلم لحلم عمر بحاله

اتقتل الحلم في عز طفولته وساب جوانا جروح مالهاش آخر

جروح خلتنا فاقدين طعم الحياة
حتى لو حسيناها بنحسه مررررر

بقت أقل حاجة تزعلنا
واكتر حاجة تفرح ... يادووووووووووب نبتسم

بسببها

ناس فقدت معنى الاحساس بالحياة

ناس بتحاول تستوعب اللى بيحصل

مش قادر يغير نظرته حتى لو عارف ان ده غلط

لكن هيعمل ايه ؟

متكتف والقيود رجعت تاني

فقدنا القدرة حتى على مساعدة أقرب الناس لينا

بنحاول كتيييير نضحك بصوت عالي

لكن بتبان كدبة

كفاية تكدبوا على نفسكوا

عينكوا بتقول اللى جواها

بتقول ان كل يوم الدموع مش بتنشف بالساعات

بتقول وبتشتكي من دموع وأرق وقلق

طب الحل فين ؟؟

الحل فينا

بس مش عارفين نعمله

ياترى ايه اللي مقيدنا؟

دى خيبة ولا زهق؟

ولا فيلم اتحرق؟
الحل
:

بدايته
إحساس بربنا أكتر شوية وتظبيطات وشغل أكتر
وأكيييييييييييييييييد هتفرج

هتفرج .. هتفرج بإذن الله

ونخرج وننعم بنور الحياة

ياقاعد لوحدك وقلبك حزين

ماتضحك شوية وسيب الأنين
ده ربك معانا وهوه المعين
ودايما شاملنا بعطفه ورضاه

متى وجدت الإرادة والصبر .. فلايبقى شئ صعب
:
إذا تعودت على الحلو .. وجدت المر صعبا

" ولئن شكرتم لأزيدنكم "
:

مش عارفة ده ايه؟

يمكن يكون عبارة عن حالة من حالات كتير بنمر بيها ومش فهمينها

يمكن يتفهم يأس من كتير من اللي هيقرأه زى اللي قبله "لوعاوز يشوفه يأس

بس أعتقد ده وصف لشوية لغبطة بتحصل مع ناس كتير
حالة بقيت بشوفها كتير وبسمعها أكتروبحسها اكتر واكتر

ويمكن أكون فيها أو مريت بيها
عشان كده قولتها
بس الحمد لله في آخرها بردوا ماقدرتش ما أختمهاش غير بأملي في الله عزوجل
ما أقدرتش أنكر يقينى في كرمه وعطفه ومنه علينا
يقيني بأنها هتفرج بإذن الله
فهو خالقي وحبيبي .. هو رازقي ومعطيني
هو راحمي .. وهو ربي
"وأنا عند ظن عبدي بي .. فليظن عبدي بي ماشاء"
وهذا هو ظني في ربي
فهو أعلم بما أريد وما أحتاج
فاللهم لا تحرمني إلهي
يااااااااااااااااااارب
لاتحرمني إلهي
يااااااااااااااااارب صبرني وقويني وحقق لي ظنى فيما أريد
:
بس خلاص
دى عندي كفاية قوووووى
الله المستعان

23 comments:

صاحب المضيفة said...

جميل جميل

لكن انا عاوز بوست فرايحي بقى شوية

ياريت اشوف ده قريب جدا وقبل رمضان ان شاء الله


تحياتي

as.zaid said...

وبعدين بقى فيكى يا نانا

آخر العنقود said...

صاحب المضيفة

يامسهل
ربنا ييسر الحال
دعواتك

آخر العنقود said...

سمسمة

ولاقبلين ياسمسم
فى ايه ؟؟؟
:)

موناليزا said...

ونِعم بالله
ربنا كريم اوى ومش ممكن يخذلنا

وردة said...

بصي الاحساس ه بيمر بينا كلنا
يمكن ضيق من ظروفنا
يمكن خنقة من وضع مش عارفين نغيره
ساعات حد عمل معانا موقف مش حلو
بس
والله ما عرفه
بس خير والله خير
ربنا حيفرجها علينا والله
قولي اميييييييييييييين
سلام

آخر العنقود said...

موناليزا

اكيد يامنمن باذن الله
فهو القائل
انا عند ظن عبدي بي
اللهم لاتحرمنا يارب وحقق لنا حسن ظننا

تحياتى وتقديري

آخر العنقود said...

وردة

آمين آمين آمين
باذن الله هتفرج
فما ذلك على الله بعزيز

يااااااااااااارب

منورانى دايما ياحبيبتى

هند أبوزيد said...

ليه بقيتى كده يا نانا؟
:(
يا بنتى الحياة كام يوم على بعض وهنروح ف الآخر الجنة ان شاء الله

اعملى للجنة دى وخدى من الدنيا فرحة على اد ما تقدرى ..
صدقينى والله الدنيا مش مستاهلة

الحياة لما بنخليها ربانية ..بتبقى السعادة ..بلاش السعادة ..بتبقى الراحة مالية قلبنا

ربانية يعنى ربنا قصاد كل تصرفاتى ..ده يرضيه ولا لأ ..

غير كده عن تجربة مش بالاقى ادامى غير " ومن أعرض عن ذكرى ..

يا امانى اللى بنقتله فى نفسنا فى ساعات النكد صعب اوى نلاقيه لما هنكون محتاجينه بجد ..
الهى نفسك عن اى حاجة تزعل
..
وتعالى اقعدى معاياقولتلك هتتظبطى
d:

ربنا يسعدك يا نانا ..
ويبلغك_فيما يرضيه_ آمالك

آخر العنقود said...

هند ابوزيد

بجلالة قدرها هنا
ده على كده الموضوع ضايقك منى قوى عشان خلاكى تعلقى :)
ياهنود انتى اكتر واحدة عارفة انى مش بقيت حاجة
انا فعلا عندى امل كبير قوى فى كل شئ ويكفينى ظني بالله عزوجل بجد
لكن اللى مكتوب ده حالة موجودة ومانقدرش ننكرها وانتى عارفة كده كويس
هوه الحل زى ماقلت فى الاخر وزى ما انتى قلتى هو فى قربي من ربنا اكتر
والصبر والرضا دول اهم شئ

وفعلا فعلا
انتى جبتى المفيد
"ومن أعرض عن ذكري.."
اسأل الله أن يعافينا من هؤلاء
اللهم آمين

كلمتك الاخيرة وجعتني
:)
لانها حقيقة وبحاول ابعد عنها
بلهى ياهنود خالص على الاخر
والحمدلله ماتقلقيش عليا
انا زى ماقلتلك دى حالة كتبتها بس من كتر ماشوفتها وحسيت انها موجودة كتير مع ناس كتير


وهاجى ياهندة ماشي
مع انى ببقى موجودة ومش بلاقيكى
بس زى بعضه
:)
دعواتك لاختك كتير ياهنود
وسلميلي ع العرايس
:)

ابو يوسف said...

يا اماني
هاقولك زي ما سمسمة قالا وبعدين معاكي
وهاقولك تاني زي ما هند قالت
اهدي شوية كده مش كويس وهازود انا بقي
يا اخر النقود يا سكرنا المعقود
بجد انا كده بيزيد قلقي عليكي مهما قابلنا من شماكل وهموم فالحل هو شوية مية وسجادة واتجاه الي القبلة والله اكبر
كله هيهون وكله هيتحل
يا اماني بالله عليكي علشان خاطر اي حاجة حلوة صغيرة في حياتك اطلعي من اللي انتي فيه وروحي اقعدي مع هنود اهو يمكن ربنا يسهل وتغلطوا مرة وتيجوا عندي
امسحي بقي دموعك دي يالا وقومي صلي ركعتين لله
وادعي ان ربنا يغير ما بانفسنا حتي يتغير من حولنا كل ما هو خانقنا

اخوكي الكبير

ابو يوسف

آخر العنقود said...

ابو يوسف الغالي

انتوا كلكوا عليا ولا ايه
:)
يا ابوحميد انت اكتر واحد عارف ان اختك بتحب تتفلسف كتير :)
دنيا بقت متعبة بجد قوى ومش مريحة حد
ولا ايييييييه ؟؟
انا مش لازم اكون بتكلم عن نفسي بس فعلا موجودة
وانت قلت الحل
شوية مية وسجادة والله اكبر
الله اكبر من اى قلق
الله اكبر من اى هموم ومشاكل
الله اكبر وكريم قوى علينا
الحمدلله
بجد على وجودى ووجودكم حواليا
:)
ربنا مايحرمك منى ولا من غلبك معايا
ربنا يخليك ليا

Anonymous said...

ايه ده ايه ده..
دا أنا شكلى جيت متأخرة
سبحان الله جيتى على بالى قلت ادخل أقرأ اخر حاجاتك لقيتك كاتبة بوست روووعة
بجد كلمات قوية جدا ومعنى مؤثر جدا
انا شايفة انك بتتكلمى على واقع ومش شرط ده يكون وصف شخصى ليكى
بجد ممتازة
تحياتى..

شيماء وهب

فراشة said...

آخر العنقود وحشتينى جدا
ووحشنى وجودى عندك
معلش مقصرة معاكى
بس موضوعك حكايه

قلتى المشكلة وحلها
نقول احنا ايه
ربنا يثبتك ويقوى ايمانك
والله فعلا مالناش غيره ومهما عظمت المصائب والهموم لما بنلجأله كل شىء بيهون

ربنا يسعدك
وكل عام وانتى الى الله اقرب وعلى طاعته ادوم

دكـــــتور جدا said...

السلام عليكم ورحمة الله وبركاته
هذه أول زيارة للمدونة
مدونة رائعة حقا
تحياتي على البوست الرائع

Dr Ahmed Said@Black Armor said...

كل سنة وانتى طيبة رمضان قرب
يمكن يكون موسم نقرب فيه من ربنا ويكون بدايه للتغيير
عجبنى قوى كلام الشيخ امام اللى انتى كتبتيه
هتفرج .. هتفرج بإذن الله

ونخرج وننعم بنور الحياة

ياقاعد لوحدك وقلبك حزين

ماتضحك شوية وسيب الأنين
ده ربك معانا وهوه المعين
ودايما شاملنا بعطفه ورضاه
بس هى كانت "هاتفرج باذن الاله" علشان يستقيم البيت
دمتى بخير وقرب من الله

الطريق said...

السلام عليكم ورحمة الله وبركاته

Kiara said...

ربنا هيفرجها ان شاء الله سيبي الحمول كلها عليه

ابو صهيب ( الجمعاوي الاصيل)سابقاً said...

السلام عليكم ورحمة الله

اي ده هو كله نكد نكد كده فين الفرح ياجماعة والله ما حدش واخد منها حاجة


ورمشان السنة ما حصلش نحاوي نسعد به كي يسعد بنا

رمضان كريم

لو عرفوه هيحبوه said...

السلام عليكم

اسال الله ان يفرج همكم وكربكم

تابعونا فى الجزء الثانى من طفوله النبى صلى الله عليه وسلم

نسعد بمشاركتكم لنا

آخر العنقود said...

شوشو وهب

ده انا محظوظة البوست ده بقى
العائلة الكريمة مشرفانى
:)
ربنا يكرمك ياشوشو ومنورانى ياجميل

آخر العنقود said...

فراشة حبيبتى

بجد وحشتينى
ربنا يكرمك ياجميل يارب
وطبعا مالناش غيره
ربنا يكرمك ويحقق لنا مانتمنى

تحياتى وتقديري

آخر العنقود said...

محمد سليمان

مرحبا بك فى اول زيارة اخى
جزاكم الله خيرا لحسن اطرائكم

دمتم بكل الخير

********

DR.A.S

جزاكم الله خيرا على التصحيح
وكل عام وانتم بخير وعافية اخى

دمت بخير

*************

الطريق

وعليكم السلام ورحمة الله وبركاته
كل عام وانت بخير ياابا فاطمة
الحمدلله انى ماتنسيتش
:)

**********

كيارا حبيبتى

كله على الله ياقمر
مالناش غيره

**********
ابوصهيب

مش نكد اوى يعنى :)

كل سنة وانت طيب يا ابا صهيب
ورمضان كريم

**********
لوعرفوه هيحبوه

اللهم آمين

جزاكم الله خيرا
ومتابعة ان شاء الله
جعله الله في ميزان حسناتكم