شكراً .. أبي

إهداء إلى أبي العزيز

أبي الحبيب ... أبي الحنون ... أبي المعطاء
لست أملك أبي إلا أن أقول لك : شكراً ... لكن أي شكر يكفي أمام ماقدمته لنا ... لست أعني ماقدمته
لنا من طعام وشراب ... إنما أعني ماقدمته لنا من فكر ... من قدوة ... من تربية

أبي وقدوتي

ثق أنني لم أنس ولست أنسى وأبداً لن أنسى ... لست انسى أبي صبرك عليَ
عند أخطائي وتوجيهك الهادئ لي ... لست انسى احضانك الدافئة ... لست أنسى كلماتك المشجعة
لست أنسى لمساتك الرائعة ... لست انسى مداعباتك الدائمة
لست أنسى تشجيعك الدائم لي وثقتك الدائمة بي

أبي الحبيب

نعم أبي احبك ... أحبك وأعلم ان حبي لك لا يساوي شيئاً أمام حبك لي ... كنت أشعر بحبك لي وأنت تحدثني
وأنت تبتسم لي ... كنت أشعر بحبك وانت تحاورني ... وأنت تعانقني
بل كنت أشعر به وأنت توجهني ... والأعجب أنني كنت أشعر بحبك وأنت تعاقبني
لم أشعر أبداً أنك حين تعاقبني انتقاماً مني ولاتنفيساً عن غضبك
إنما تعاقبني لأجلي .... نعم لأجلي

أبي الحبيب

يامن تعلمت منه كظم الغيظ ، وضبط النفس ، وكيف لا اتعلمه وانا أراك إذا ماتحاورنا
أكثر إقناعاً ،، أكثر هدوءاً
تعلمت منك أدب الحوار ... بل تعلمت منك الكثير والكثير ... ولن أنسى ذلك أبداً أبي

والدي العزيز

وحشتني قووووووي وأكيد انا كمان وحشتك كل املي إني أكون البنت اللي اتمنيتها
كل وقت بيمر عليا بفتكرك فيه وعمري مانسيتك
بدعي ربنا يجمعنا بيك في
" الجنة إن شاء الله "
:::::
تمنيت كثيراً ألا تكون عودتي بعد هذا الغياب هذه التدوينة
لكنها ذكرى لم أستطع ان تمر دون أن أذكرها

دمتم بخير وود

سنة تانية تدوين

ورجعت لك من تاني ... وبقول وهاقول كفاية بعاد بقى
هارجع بنفسي ولنفسي
هارجع وهقول من تاني البداية من جديد معاكي
وكل حاجة هتبقى اكيد بإذن الله

مدونتي حبيبتي
كل سنة وانتى طيبة
مدونتي تمت عامها التاني بالتمام والكمال :)
زي اليومين دول من سنتين كنت بفكر اعمل المدونة وانى اكتب واطلع اللي جوايا واتكلم عن اللى حوالينا وشايفينه
وهيا اللى أدتني الفرصة لكده وفتحت لي أبوابها

التدوين فعلا مش مجرد إنك بتكتب موضوع هتنشره والناس تقرأه وتعلق عليه وخلاص
التدوين هو غنك تكتب اللى بتحسه أو بيمر حواليك وبتشوفه سواء إيجابي أو سلبي
شخصي او عام
فرح كان أو حزن

بتكتب وناس بتعترض ،، وناس بتوافقك
ناس بتنقد ،، وناس تديك رأيها
بتكتب ،، بنتعلم ،، بتحسن من نفسك
وفوق كل ده بنتعرف على ناس جميلة فعلا

مدونتي بقت هيا اللي بتفكرني بكل حاجة من اللى بكتبه فيها
سواء كان تجربة ،، خبر ،، حالة ،، حلم حلمته ،، حالة عامة وموجودة
كل كلمة فيها بتفكرني بحاجة معينة
كل تدوينة فيها ليها عندي ذكرى معينة
حاجات حلوة كتير

سنة تانية تدوين مش كانت سهلة ... عدت بكل مافيها من حلوها ومرها
بظروف ماشية فيها وظروف واقفة
ظروف صعبة وظروف سهلة

وعلى الرغم إن سنة تانية تدوين بالنسبة ليا كنت فيها مقصرة مع مدونين كتييييير
ومبقتش اسأل زي الأول ... بس فعلا متابعة ولسه في ود وحب بينا

سنة تانية تدوين حاسة فيها إن دماغي فيها مش زي الأول
وإن شاء الله تكون احسن من الأول

الفترة الأخيرة مش كنت بكتب زي الأول ... بس رجعت تاني
وفي كل مرة بلاقيها معايا رغم بعدي عنها ومابتزعلش
رجعت لها وفرحت وكملت معايا
ومهما بعدت عنك أكيد برجعلك وهفضل فيكي ومعاكي واكتب مهما حصل وانشغلت عنك هرجعلك

كل سنة وأنتي طيبة يامدونتي " آخر العنقود" ... كل سنة وأنتي معايا
كل سنة وأنتي قريبة مني .... كل سنة وأنتي صديقتي الجميلة

حبايبي المدونين وغير المدونين ،، المتابعين واللي مش متابعين ،، وحشتوني ووحشتني الكتابة والمدونة والموضوعات
والتعليقات والمناقشات وكل حااااااااااااااااااااااجة

رجعت من تاني وهارجع على طول
وتستمر الحيااااااااااااااة
:)

قبل فوات الأوان

السلام عليكم ورحمة الله وبركاته
كل عام وأنتم إلى الله أقرب وعلى طاعته أدوم بمناسبة العام الهجري " متأخرة عارفة " ومناسبة العام الميلادي الجديد
::

في حياتنا الكثير من الأشياء قد تأتينا وتتاح لنا ... لكن قد لانحسن استغلالها والتصرف معها
فقط لأننا نتاخر عنها وننتظر كثيرا رغم وجود الفرصة لها

عشرة فقط من مائة مسئ يعترفون بأخطائهم
واثنان من العشرة يعتذرون لمن أخطأوا في حقه
وواحد منهم فقط من يأتي في الوقت المناسب
والآخر ينتظر كثيرا حتى الوقت الضائع
" لو زعلان من حد ومحدش قدر يصالحكوا ... ممكن يكون الشخص ده يتمنى يصاحبك ولومعملتش كده
بكرة ممكن يكون متأخر "
::
الزهور إذا تٌركت دون عناية تموت ... والماء لايؤثر بها
كذلك القلوب إذا تُركت دون حب قد تموت ... والحب قد لا يحييها

" لو بتحب حد وهوه مايعرفش قوله إنك بتحبه .... ممكن هوه كمان يكون بيحبك ولو مش قلتله النهاردة
بكرة ممكن يكون متأخر "
" لو بتحب حد وأنت فاكر إنه ناسيك ...قوله ... ممكن يكون الشخص ده بيحبك طول عمره ولو أنت مش قولتله النهاردة ... ممكن بكرة يكون متأخر "
" لو محتاج صديقك يقرب منك ... اسأله ...ممكن هوه كمان يكون محتاج أكتر منك ولو مش سألته
بكرة ممكن يكون متأخر "
::
تٌب إلى الله تعالى في أي وقت وفي أي زمان وفي أي مكان
ولاتنتظر فليس هناك ضامن
" فالتوبة عندما تاتي متأخرة ... ليس لها قيمة "
:::

ياترى فهمنا يعنى ايه بكرة ممكن يكون متأخر ؟؟؟

حاجات كتير ممكن تضيع من ايدينا لما نقول بكرة ..... بكرة
::
خلصت २००९ وهتبدأ २०१०
ياترى كنت بتحلم بإيه في २००९؟؟
وبسبب كلمة بكرة
لسه ماحققتش حلمك
::
ياريت نقدر نستغل الفرص اللى ممكن فعلا ماتتعوضش في حياتنا
واللي بسببها يمكن نندم على فواتها
او فوات الطرف الآخر " إن تعلق الأمر بطرف آخر"
::
تنويه هاااااااااااااااام
" طبعا كلامي لايتعارض أبدا مع قدر الله وإرادته سبحانه وتعالى ... لكن ما أقصده هو حسن التفكير وإدراك
أولويات الأمور التي قد لاتتكرر "

أحلام اليقظة

عند منتصف الليل أجلس على مكتبي ... أستند عليه برأسي وأسمع من يناديني
يا ( .... ) ... أقوم ألبي النداء ... تتشابك أيدينا ... نتناجى سويا ... نتحدث معا عن المستقبل
نحلم سويا ... نرسم بيتا فى بستان الحــــب
وفجأة
:
:
أستيقظ على آذان الفجر وادرك أن هذا كان حلما جميلا
أقوم وأصلي وأدعو الله أن يحقق حلمي
ثم
:
أنام عسى أن يأتيني الحلم مرة اخرى

نقطة ومن أول السطر

قررت أحط نقطة
وابدأ من أول السطر
:
مدونتك اتغيرت ليه؟؟
ولااتعيرت ولاحاجة ...مالها المدونة؟؟
لا موضوعاتك بقى فى حزن كتير ويأس
أنا ؟؟ طب إزاى ؟؟ أبدا عمرى مابحبه ولا بقتنع بيه
لا بس ده اللى واضح
غريبة ... لالا بس أكيد انتوا مش فاهمين قصدى فى اللى بكتبه
::
ده تعليق تم اكتر من مرة الفترة اللى فاتت مع بعض أفراد من العائلة الكريمة :)
وكنت فى كل مرة بقول لا مش يأس ولاحزن خاااااااالص
دى مجرد فكرة أو حدث معين بيحصل وبعبر عنه
وده كان فعلا اللى بيحصل
لكن بردوا الكلام كان فى بالى
لحد مافي يوم جالى تقريبا تعليق مشابه من خارج العيلة
قلت لاااااااا الموضوع شكله كده واضح للقارئ كمان
بغض النظر عن المعرفة الشخصية يعنى الموضوع مش موضوع قرايب :)
ومش بس الموضوعات
ده كمان فى بعض الصور اللى كانت شوية قاسية او عنيفة فى تعبيرها عن الموضوع
وطبعا حاجة تزعل لو حسيت إنك بتكتب شئ .. وبيتفهم شئ تانى
أو إن يوصل فكر معين عنك بعيد تماما عن الواقع واللى تقصده
وفى يوم حبيت اقرأ موضوعاتى القديمة وقلبت فى المدونة
بدأت احس ان كان في روح تانية خااااااااااااالص
يمكن كان فيها روقاااااااااااااااااااان أكتر
يمكن بقى فى خبرة شوية وتعاملات واحتكاكات زادت
حسيت بتغيير حاصل
سواء في الاسلوب او الافكارأوالنظرة نفسها
وطبعا عارفة ان التغيير ده ظاهرة صحية
لكن اللى لفت نظري فعلا
هوه التعليق المتكرر على اخر تدويناتى بالاخص الفترة الاخيرة
واكتشفت المشكلة
أنا مش من الناس اللى بتشجع الحزن واليأس والحياة السوداوية أبدا
بحب دايما الأمل والتفاؤل .. وهنحزن ليه ونتشائم أصلا ؟؟
فعشان كده كنت مستغربة جدا من التعليقات دى
لكن
فى افكار ممكن أكون عبرت عنها بشكل معين
تركت إيحاء بالحزن أو اليأس
يمكن أكون مش عرفت أعبر عن فكرتي بشكل أحلى وأوضح
يمكن الفكرة وقتها فى دماغى كانت لاتحمل غير المعنى اللى عبرت بيه
ومش تنفع غير بالشكل اللى خرجت بيه
احتمالات كتير
المهم أنها فى النهاية بتوصل بشكل سلبي غير اللى انا اتمنيته وقصدته
::
وعشان كده
قررت احط نقطة
وابدأ من أول السطر
وارجع بروح وروقان تدوينات زمان
مش عشان الاسباب اللى قولتها دى وبس
لكن لانى كمان حسيت باختلاف كبير
:)
دعواتكم

~ علمني صمتي ~

علمني صمتي

أن أرى في الناس دموعهم وأريهم إبتسامتي
أن لاأجرح مشاعر الآخرين

علمني صمتي

أن التفكير الذي لا ينتهي يوصلك لما تود الوصول إليه
أن اسكت والناس يتحدثون وألا أتدخل فيما لايعننيني .. فالسكوت من ذهب

علمني صمتي

أن جرحي لايؤلم أحدا في الوجود غيري وأن أثمن الدموع وأصدقها هي التي تنزل بصمت
دون أن يراها أحد
أن الحب هو ماتراه في العيون والقلوب وليس فى الحياة بالأصابع والحركات

علمني صمتي

أن أفرح مع الناس وأن أحزن بمفردي
أن لا أظلم أحدا وان اكون عادلا ولا أميل لأحد
أن أكون فخورا دائما بكل عائلتي
وأن أكون على ثقة بروحة وجودهم فى الحياة

علمني صمتي

أن الشجرة مهما ماتت بعدم وصول الماء إلها فأغصانها تبقى شامخة عالية
أن أعظم نجاح أن أنجح في التوفيق بين رغباتي ورغبات من حولي

علمني صمتي

أن أكون متواضعا غير متكبر
أن لا أهدي قلبي إلا لمن يستحقه
أن المشاعر والأحاسيس من أجمل صفات الإنسان

علمني صمتي

أني مهما قابلت من بشر وأحببتهم فسوف أفارقهم مهما طال الزمن
أنك إذا أردت أن تسعد الناس فعاملهم بما تحب أن يعاملوك به ولاتبخسهم أشيائهم ولاتضع من أقدارهم

علمني صمتي

أن أكون أقوى مهما يصير وأن اتكل على مولانا وخالقنا وأن مايريده سبحانه هوه مايكون
أن لاأندم على شئ وأن اجعل الأمل مصباحا يرافقني في كل مكان

علمني صمتي

أن الحياة لها طعمان مرا ومعسولا ولكي أشعر واستمتع بطعمها المعسول يب أن أتذوق
طعمها المر

علمني صمتي

أن كل شخص له طابع خاص يختلف تماما عن الآخرين وأن طبعي هو عزة نفسي وكبرياؤها
أن الثقة بالنفس تجعلك دائما في العلالي ولاتجعلى في أدنى المستويات

علمني صمتي

أن لكل شئ سبب وأن أؤمن بحكمة الله في كل اختيار
أن قل لن يصيبنا إلا ماكتب الله لنا

هكذا علمني صمتي
فكما قيل السكوت من ذهب
ومن كثر كلامه كثر خطئه
:
:
فصمتي لايعنى جهلى بما يدور حولي لكن مايدور حولي لا يستحق الكلام
========

لعبة الحياة

يبدو أن الإنسان يحتاج حقا لأن يعيش الحياة أكثر من مرة

حتى يتجنب أخطاؤه الفادحة في تجربته الأولى معها ،، ويحسن التعامل مع التجربة الثانية ،، يفهم السنين وخبرة الأيام .. بعد فوات الأوان ... لكن :

"الحياة تجربة وحيدة قصيرة "

وللأسف سيظل الإنسان إلى الأبد لايتعلم الحكمة إلا بعد درس الآلم ،، ولا تكتمل خبرته الحقيقية بالحياة ،، فيعرف حقائق الأشياء ،، ويميز بين مايستحق أن يحرص عليه

وما لايستحق أن يحرص عليه وأن يناضل من أجله

إلا وهو للأسف يستعد للرحيل !!

فإذا أحسست يوما أنك بدأت تفهم الحياة

فالزم السكوت ،، وامسح الدموع ،، واعلم أنك اليوم فارقت الحياة

فاحذر ولا تشغلك مفاتنها عن غايتك الحقيقية فيها ،، واعلم أنها كلما ضحكت

فسرعان ما تلتهمك أنيابها ،، فلاتغرنك لمعانها ،، وعندما تتعلم منها " وأنا مع من يتعلم

فلا تحزن .. فإن الحزن يحطم القوة ويهد الجسد

لاتحزن .. مادمت مؤمنا بالله

لاتحزن .فكم غريبة تلك الدنيا ،، فحقا دنيا دنية
كلما كست أوكست

الله المستعاااااان