الحياة دي عبارة عن سلالم .. حياتنا مراحل ماشيينها .. وبنطلع السلم واحدة واحدة
أول سلمة ...بنبص لفوق ...بنشوف ضلنا ... ونمشي وراه
تاني سلمة ...تالت سلمة ...لسه شايفين ضلنا
نبدأ نحزن .. ونبص للشمس ...هانت ولا مش عارف ؟؟؟
طب يلا نكمل ونحاول ... يمكن نقدر.. بس نجرب
رابع سلمة ... انتهى ... صح؟؟
شايف حزنك ..ماهوه ضلك ... مادامش كتير
عشان جريت وراه،، وحاولت توصله،، وتعرفه انك لسه صغير على انك تبقى حزين
لسه العمر قدامك طويل
لسه الحياة شايلة كتير ... على ايه هنستعجل؟؟
يلا بقى خد بالك ... اللى جاية دي خامس سلمة
بدأت تقرب من مكان عالي .. في ناس فيها مش فاهمة نفسها ،، وناس بتعيط ،، وناس بتضحك ،، وناس بتقول عايشين ومش عارفين ،، وناس بتقول بختنا كده وهنعمل ايه ؟؟
حاول تعدي وماتسمعهمش .. لسه بدري عليك
احضن أحلامك ،، كمل واطلع تاني ،، واعى تيأس
سادس سلمة ... شايف ايه حواليك .. أهلك وحبايبك ..صح
احضنهم وقولهم انك بتحبهم قوى .. بس اوعى تقف لازم تكمل
سابع سلمة ... " حلمك وحلم عمرك " ها شايفها ؟؟
متأكد ان هيا دى ؟؟
عايز تبقى معاها ؟؟ وهيا .. عاوزة تبقى معاك ؟؟
طب ايه .. مستني ايه .. يلا سيب لعبتك .. وامسك مسئوليتك .. وخليك معاها
حافظ عليها .. واوعى تسيبها بعد ما وصلتلها
تامن سلمة .. ايه تعبت ؟؟ لا مينفعش تتعب دلوقتى
لسه في سلالم تانية ... اوعى تستسلم .. حاول
لو تعبت دلوقتي هتنزل كل اللي طلعته
اوعى تيأس .. خليك هنا .. حافظ على وضعك
انت دلوقتي مش طفل بيعيط .. انت دلوقتي حيااة
حياة بتتبني .. ابنيها كويس .. دي حياتك أنت
واوعى تتعب وترجع .. فتهد اللي بنيته
22 comments:
السلام عليكم ورحمة الله وبركاته
عودا احمد غاليتي اخر العنقود
وحشااااااااااااني جدا يارب تكوني بخير
الحياة مراحل
تمر علينا
كقطار يجري
وفي كل محطه يقف بنا القطار
ويدخل فيه أناس نتعلم منهم ويصبحوا جزء منا
وفي رحلة القطار نتعلم ونري الكثير
وسنظل نتعلم ونري
حتي يأتي وقت الرحيل
وقت نزول القطار
وفراق الاحباب
فليتنا نعمل لذلك اليوم
ونستزيد لما بعد النزول
جميله كلامتك يا اماني
ربنا يبارك لك
ويدخل في قطار كل ما تتمني ان تلاقيه
غربتي
نسيت بدعوك لزيارة مدونتي خواطر
http://khawter-ghorbty.blogspot.com/
غربتي
ياما طلعت سلالم ووقعت على رقبتي واتكسرت كتييير قوي ورجعت للسلمة الاولى ألف مرة
بس الحمد لله هانت وبقرب أهو
على فكرة النص ده زيادة على انه رائع فكرته حلوة جدا
مودتي
السلام عليكم ورحمة الله وبركاته
حقا كلمات ما أروعها
منا من يصعد سلم الحياة خطوة خطوة
ومنا من يندفع ليقفز فوق السلم وهذا سريعاً ما يسقط
ومنا من يقفساكنا على سلمة واحدة يخاف تجاوزها أو لا يرغب فى تجاوزها أصلاً
بارك الله فى قلمك ودمتى مبدعه
أخيكى
أبو خيرى
اولا بس انا عايز اعرف ازاي هيطلع السلم ويشوف ظله
هي الاضاءه من انهي اتجاه
ثم لما وصلتي للسلمة الخامسة قلت يمكن صيدلة او هندسة
ولما وصلتي للسابعه قلت يمكن امتياز طب
لكن تمن سلالم دي معرفهاش
فكره جميلة
ياريت لو تعمقيها اكتر في مراحل حياتنا كلها
وامتي هنوصل لقمة السلم
وامتي هنبدأ ننزل
بارك الله فيك
فكرة حلوة جدا فكرة السلم فعلا هو انسب تشبيه لحياتنا بس انا في راي ان سلم حياة سلم مالوش شبيه اعتقد اننا كل ما بنطلع درجة الدرجة ايللي بعدها بتبقى ابعد في المسافة عشان كده في ناس بتقع وناس تبقى محلك سر
تحياتى ليكى
ايه الغيبة دى كلها؟
جميل الموضوع ونادرا مانحسبها هكذا
يا سلالمك يا أمانى
(:
أنا مش هقول زى مبقول كل مرة ايه الحلاوة والجمال والابداع ده والكلام الكتير اللى انت عارفاه
قصدى حساه من غير مقوله
(:
أنا شايفة ان حياتنا كلها مراحل درجات سلم يعنى أكيد عشان نكمل ونعيش لازم نطلع السلم درجة درجة
ومينفعش ان احنا نقف عند سلمة معينة أو نطلع سلمة وبعدين نرجع ننزلها تانى
الكلام ده يتناقض مع صفة الحياة اللى مميزانى
أنا شايفة ان اللى بيقف عند سلمة معينة أقصد مرحلة معينة حاجة من اتنين
اما فقد الحياة نفسها
أو فقد القدرة على الاستمتاع بحياته
وفى الحالتين بنفى عنه صفة الحياة وبعتبره فى عداد الأموات
موضوع جميل بجد يا أمانى وأسلوبك رائع يا بنتى
ربنا يباركلك يا رب وأشوفك عروسة قريب
(:
انى أحبك فى الله
أية الجمال ده
وصف جميل ودقيق!
i really touched
فينك من زمان وفين ابداعاتك يا امانى
بجد وحشتنا بوستاتك
بالنسبه للسلم ده اللى مالوش نهايه انا بقول اهم حاجة ان السلم ده ميكونش وهم وفى الاخر بعد ما نوصل لنهايته نندم اصلا اننا فكرنا نطلعه
اللهم الهمنا الطريق الى السلم الصحيح وبارك لنا فى ما كتبت لنا
غربتي
الله يسلمك حبيبتى
وانتى كمان وحشاني بجد
انا بخير ولله الحمد
دعواتك دايما
ويارب تكونى بخير وصحة
وتم زيارة المدونة خواطر طبعا
دمتى فى حفظ الله
كاتب مصري
مش مهم اننا نقع الاهم اننا نتعلم ونبدأ من تاني
بروح وعزيمة واصرار اكبر
والحمدلله انها هانت
تحياتى
كلمة حق
صدقت
لكن من يقف من المؤكد انه يتراجع دون ان يدري حتى يصل للبداية لان كل ماحوله يتحرك
دممت بكل الخير والسعادة
فهد
عودا احمد
جزاكم الله خيرا
وان شاء الله نحاول ننفذ الاقتراح
تحياتى
بنوتة
عندك حق كل مابنطلع المسافة بتزيد
لاننا بنكبر والاهتمامات بتزيد
والمسئولية بتكبر
المهم نعرف ازاى نقدر نعديها بنجاح
منورانى دايما
موناليزا
وحشانى والله جدا
ربنا يخليك ياحبيبتى
دعواتك ويارب تكونى بخير دايما
دمت فى حفظ الله
لؤلؤتى الجميلة
طبعا طبعا كلامك انا عارفاه ومش محتاجة انك تكرريه
:)
ربنا يبارك لك ياميوي
ويابنتى والله ده من بعض ماعندكم
خلصي انتى بس كليتك على خير واحنا مش هنقدر على ابداعاتك بعد كده
رزقنا الله واياكى حسن البصيرة
سلام ياقمراية
صابرين
ربنا يكرمك
ومنورانى دايما
تحياتى
حور نور
تسلمي ياجميل
عندك حق فعلا نقطة مهمة قوى اننا ناخد بالنا من السلم وطريقه قبل مانبدأه
تحياتى ليكى لاضافتك
رزقنا الله واياكى حسن البصيرة
بدأت تقرب من مكان عالي .. في ناس فيها مش فاهمة نفسها ،، وناس بتعيط ،، وناس بتضحك ،، وناس بتقول عايشين ومش عارفين ،، وناس بتقول بختنا كده وهنعمل ايه ؟؟
حاول تعدي وماتسمعهمش .. لسه بدري عليك
احضن أحلامك ،، كمل واطلع تاني ،، واعى تيأس
------------------------
الله عليكي بجد
عارفه وانا بقرا كلامك ده
لقيت نفسي بقول ياااااااااه
انتي عندك حق..
الحياه مراحل
احنا اللي بنبنيها
ومش معني انني وصلت لاول سلمه انني اكسل
لأ
انا لازم احافظ علي كل السلالم اللي قدرت اطلعها..
احلي حاجه في كلامك بجد انه بيدي أمل..
بوست اكتر من رائع بحييكي عليه بجد
دمتي بكل خير وود
تحياتي
والله كله صحيح
يارب وفق وثبتنا يارب
تحياتي
الموضوع جميل جدا
تحياتى
Post a Comment