Sunday, February 24, 2008

فــــرق كبيــــــــــــــــــر



ياترى ليه


فـــرق كبـيــــر بينك وبين رئيسك فى العمل؟؟


*****




إذا أخذت وقت طويل فى العمل فأنت بطئ


لكن ..إذا أخد رئيسك وقت طويل فهو دقيق


*****




إذا لم تعمل ما كلفت به فأنت كســـــــــول


لكن..إذا لم يعمل رئيسك ما كلف به فهو مشغول


*****




إذا عملت خطأ فأنت ابله


لكن..إذا عمل رئيسك خطأ فهو بشر معرض للخطأ


*****




إذا كنت فى اجازة مرضية فأنت دائما مريض


لكن..إذا كان رئيسك فى يوم اجازة مرضية فهو بالتأكيد مريض جدا


*****




إذا اتخذت موقف ما فأنت ارعن


أما إذا اتخذ رئيسك موقف ما فهو حازم


*****




إذا اسعدت رئيسك فأنت متملق


أما إذا أسعد رئيسك رئيسه فهو دائما متعاون


*****




إذا عملت شئ ما بدون أن تكلف به فأنت متجاوز لصلاحيتك


أما إذا عمل رئيسك نفس الشئ فهى مبادرة


*****




إذا خرجت من مكتبك بالتأكيد انت تتجول فى الخارج


أما إذا فعل رئيسك نفس الشئ فقطعا هو فى مهمة عمل


*****


إذا اغمضت عينيك فأنت نائم


لكن..إذا اغمض عينيه فهو يفكر فى طرق تطوير العمل


******


وعجــــــبــــــــــــــى


37 comments:

آخر العنقود said...

للأمانة طبعا ياجماعة الموضوع ده كنت قريته وحبيت انكم تقروه معايا

دكتور حر said...

اي خدمه

شايفه بعلق امتى


تعليق وحيد
هو ده الانسان
وهي دي الدنيا

جزيتي خير

Anonymous said...

فعلا فرق كبير جدا
بس والله يا امانى لسة برضه الدنيا بخير وفى لسة مرءوسين مخلصين اوى يمكن اكتر من رؤسائهم

نسال الله الاخلاص دائما فى الاقوال والافعال

جزاكى الله خيرا

اختك

صاحب المضيفة said...

مش بقولك داخلة جامد قوي


الواحد بعد كده يعمل حساب جامد ليكي

مش معنى كده انك كنت قبل كده أي كلام

لكن التطور سريع قوي


تحياتي يا رابعة

عبده الرايق said...

حتى لو كنت قريته
ونقلتيه
فهو جميييييييييل جدا
احييكى عليه
وشكرا على تعاونكم معنا
اه
معلشى
القلم ده لزق فى جيبى لما كنت فى المدونه بتاعتك المره اللى فاتت
انا مقبلشى حرام

مهندس مصري بيحب مصر said...

حقاً هذا هو النفاق الوظيفي
من نفس فصيلة
شلوت سعادتك دفعة للأمام يا فندم
و أحلام سيادتك خطة مستقبلية

أول مرة أدخل هنا بس مدونة حلوة
واضح ان عيلة دكتور حر حتحتل البلوجر
:)

Anonymous said...

ما شاء الله ايه الكلام الرائع ده.......باين عليكى كده ان شاء الله هنعملك كتاب ننزل فيه البوستات بتاعتك قريب ...... بس الحقيقة الغايبة عن الموظف والرئيس ان بالحب والتعاون والاخلاص كل واحد هيقدر يقدرموقف الآخر صح.
بارك الله لنا فى مدونتك

الـسـيـدة نـون said...

عارفة يا نانا
انا كنت مرة كاتبة حاجة عن النفاق الوظيفى
والله انت فكرتينى بيه
هابقى احاول انشره بس على ما اتقد انه كان عايز شوية تظبيطات
بس بجد احسنتى الاختيار
شكرا ليكى انك بتشركينا معاكى فى حاجات حلوة بتقريها

سلام
اختك خيخة

كرياكو said...

البوست جميل اوى


تحياتى

عايز أتعلم said...

يا سلام ..بوست جميل وحقيقي فعلاً يا نانا

ربنا يكرمك ..فعلاً هو ده الملاحظ كتير والواحد شايفه دايما

بس العلاج زي ما اخونا قال اكيد بالحب والاخلاص والتقدير هتسود العلاقة الكويسة

وجزيتِ خيراً

فرنسا هانم said...

هى الدنيا ماشيه كده
اعلى مدير
عداه العيب فى كل حاجه
الاقل منه عليه اللوم
وتقعدى ماشيه للاقل فالاقل فالاقل
لغايه لما كل المشاكل تلبس الموظف المطحون
فاسد ومرتشى ومهمل ومقصر وووووو
وعجبى

3ala asm masr said...

عشان ديما اللى فى يده السلطه محدش يقدر يحاسبه ولازم الكل ينافقه

الفارس الملثم said...

هو ده حال البشر دايما يتخذون معايير مزدوجة في الحكم علي الاشياء تبعا لمكانة الاشخاص

انا مش عاوز اخش في السياسة واقول ده اللي بيحصل علي المستوي الدولي

فمثلا امتلاك اسرائيل للسلاح النووي هو لحماية نفسها بينما امتلاك اي دولة عربية او اسلامية له يهدد الامن في المنطقة بل والسلام العالمي كله

تقبلي مروري

اللؤلؤة المكنونة said...

ايه الجمال ده ؟؟
دا أنا عمالةأقرأ ومستمتعة جدا
وأقول ما شاء الله لا قوة الا بالله ايه الحلاوة ده وايه الدماغ ده
ده احنا فى تطور جامد قوى

وزى ما انت قلتى قبل كده
اختيار موضوع ما ونقله للناس ورغبتك فى مشاركنهم ليكى فى الاعجاب والاستمتاع يعتبر برده ابداع

وزى ما قال دكتور حر
انت خلاص هتسبقي الكل قريب خالص
ربنا يوفقك ويحققلك كل أمانيك يارب

ابو صهيب ( الجمعاوي الاصيل)سابقاً said...

هههههههههههههههه

هكذا دائماً

كلما صعدت في السلم الوظيفي

كلما زادت دقتك وحزمك ورؤيتك

وكلما كان من اسفل منك ولو بدرجة

اقل دقة وحزم ورؤية

اما دنيا صحيح
وعجبي

آخر العنقود said...

دكتورنا الحر

شفت طبعا
فعلا على رأيك
هى دى الدنيا
ربنا يرحمنا

دمت بكا الخير والسعادة

آخر العنقود said...

سمسمة

انا معاكى طبعا ان لسه فى اخلاص من المرؤسين وربنا يكتر منهم يارب
وعلى دعؤك اؤمن

دمت بخيروود

آخر العنقود said...

ابومالك

طبعا ماشاء الله عليا انا عارفة
:)
انت مصمم برده..خلاص.. انت حر

وربنا يتقبل بس يارب

تحياتى ليك

آخر العنقود said...

عبده الرايق

صباح الروقان يافندم
وانا بقول برده الخط ده مش غريب عليا
:)

تحياتى

آخر العنقود said...

مهندس مصرى

هههههههههههههههه
اهلا بيك فى زيارتك الاولى ويارب مش الاخيرة

واضح كده ان الموضوع فى قر ولا ايه؟
:)

خالص التقدير يافندم

آخر العنقود said...

أخونا الكبير

يامرحبـــــــــــا
ايه بس الكلام الكبير ده كتاب مرة واحدة
ربنا يستر والله

كلامك اكيد صح ومااقدرش اقول حاجة عنه
بس ياريت الكل يطبقه

بارك الله لنا فى تشجيعكم لنا
دمت بكل الخير والود

آخر العنقود said...

بت خيخة واى كلام

طب الحمد لله يانونا خليتك تطلعى حاجة من الدرج بتاعك
:)

فى انتظار موضوعاتك دايما
سلام ياقمر

آخر العنقود said...

كرياكو

منور يافندم
وتعليق جميل والله
:)

تحياتى ليك

آخر العنقود said...

عايز اتعلم
خلو باشا

مع انك واخد مخالفة عشان التاخير بس زى بعضه

واكيد كل حاجة بالحب والاخلاص هتكون أفضل دايما
بس نطبقهم

ددمت بكل الود السعادة

آخر العنقود said...

خالتو فرنسا

والله عندك حق فعلا
ربنا يرحمنا ياخالتو
وعجبى

بس سيبك انتى ..المهم انك منورانى

تحياتى ليكى

آخر العنقود said...

على اسم مصر

انتى ليه دايما متضايقة كده
:)

هو جايز ماحدش يقدر يكلمه
بس مش لازم الكل ينافقه طبعا
ولا اييييييييييه؟

تحياتى ليكى ياعسل

آخر العنقود said...

الفارس الملثم

واضح فعلا انك مش عايز تتكلم فى السياسة
:)
بس هقول ايه
برده كلامك مظبوط

تحياتى ليك

آخر العنقود said...

اللؤلؤة المكنونة

ازيك ياقمر
والله لك وحشة ياشيخة

ربنا يكرمك يارب على كلامك الجميل ده بجد .زوبعدين
انتم السابقون برده
ولاايييه؟

وربنا يستر من كلامك انتى ودكتورنا الحر
وجزاكم الله خيرا على الدعاء ياقمر
ربنا يوفقك يارب

آخر العنقود said...

الجمعاوى الاصيل

منور يافندم
هى فعلا دنيا صحيح
:)

تحياتى ليك

shahy said...

المدونة كلها رائعة ماشاء الله عليكي
البوست بتاع الرصيد العاطفي جميل اوي فكرني بمدونة قضية عم احمد
دي مدونه كلها جميلة فعلا
لو ماتعرفيهاش قوليلي وابقى اجيب لك اللينك بتاعها

تحياتي

آخر العنقود said...

شاهى

منورة المدونة بزيارتك الاولى ويارب مش الاخيرة
والحمد لله ان المدونة عجبتك
وبالنسبة لمدونة قضية عم احمد
افتكر انى زوتها قبل كده
وكانت فعلا عاجبانى جدااا
ربنا يكرمك يارب

تحياتى ليكى
وللاولاد

ساعد نسرين الايمن said...

اخر العنقود

بحيي اختيارك للموضوع وامانتك في التذكير بانك بتحبينا نقراه معك
وازيدك من الشعر بيت

المدير هو الشخص اللي بيجي متاخر في كل يوم نصل فيه الي العمل مبكرا
وياتي مبكرا في كل يوم ناتي فيه الي العمل

شخبطة سعادته تخطيط
واحلام سعادته اوامر

هو اللي ماكلنا
هو اللي مشبعنا

اللعنة علي كل المديرين المستغلين في كل ارجاء الارض

تحياتي
تقبلي مروري الاول

آخر العنقود said...

ساعد نسرين الايمن

منرانى فى زيارتك الاولى للمدونة ويارب مش الاخيرة
واشكرك على تفاعلك مع الموضوع
وكلامك الطيب

تقبلى تحياتى لك

مهندس مصري بيحب مصر said...

مش قر و لكن اعجاب بالعائلة المحترمة حقاً
:)

آخر العنقود said...

مهندس مصرى

جزاكم الله خيرا على كلامك الطيب
ولكنها كانت من باب المرح أخى الكريم

وتقبل خالص تقديرى واحترامى
واسعد بزيارتكم

د/اجدع بنوته said...

تحفه ههههههههههه

marmar said...

بلوج رائع يا اخر العنقود
وفعلا هى دى سنه الحياه وهو ده الظلم اللى احنا عايشين فيه وراضين بيه

ويارب اكون ضيفه خفيفه عليكم

تقبلى تحياتى