Monday, February 11, 2008

رسالة حب ووفاء



البوست ده ياجماعة المفروض انى كنت انزله من كام يوم بس
طبعا السبب فى تأخيره هوه انقطاع النت عننا الفترة اللى فاتت





المهم


كنت عايزة اتكلم عن احساسى بحب مصر


وان كتير بقى يدور ويفكر على اشغال بره مصر


عارفة ان حالنا فى مصر مش بقى يرضى حد


عارفة ان بقى فى ذل وظلم كتييير قوى فى بلدنا


عارفة ان بقى حال الشغل فى بلادنا من اكبر المشاكل


اللى للاسف مش عارفين لها حل



عارفة ان الحال بقى مش مريح

عارفة ان بقى فى كتير من السلبية
عارفة ان كل واحد فينا خلاااااص بقى على آخره

كل ده ماشى وموافقة عليه



بس بجد




برضه بنحبها اوى اوى وبرضه غالية علينا اوووووووووووووووووى




وأوقات كتير بنزعل شوية..بس مش منها..لكن ..عليها



بس احنا مشكلتنا ااننا مستنين دايما حاجة تعرفنا اننا بنحب بلدنا



حتى ولو كانت بسيطة


مصر مفيش أحسن منها ولا من شعبها الطيب



ومحدش بيحس بالبلد وبقيمتها غير لما يخرج


ويتغرب بعيد عنها....



يوم الجمعة اللى فاتت بنت عمى سافرت بره مصر


وبجد مابقيتش عارفة افرح عشان هيا مسافرة وده الافضل لها


ولا ازعل لانها هتسيبنا وهتبعد عنا


وانا اللى معروف عنى انى مش بقدر امسك نفسى فى المواقف دى



بس الحمد لله طلعت جدعة وما عملتش اى حاجة ساعتها



بس بقى من ساعتها وانا بفكر فى فوكيرة لانى بصراحة



مش قادرة امسك نفسى



وحسيت اد ايه ان الواحد ممكن يتحط فى مواقف خارجة عن ارادته بس للاسف بيكون فى بعض الاوقات ده الافضل له

ياااااااااااااا

خلاااااص كفاية كده


ربنا يكرمك ويوفقك ويرجعك بالسلامة يابنت عمى
ويصبرنا على حال مصر ويرضينا بيه ياااااارب



بنحبك يامصر مهما حصل وهيحصل ومهما جرى وهيجرى

بنحبك يامصر ياأحلى بلد فى الدنيا فى عينينا

35 comments:

محمد بن جمال الياسرجى said...

بالفعل مصرنا بلدنا ما أحلاها بلد النيل

Anonymous said...

فعلاً
مصر بلدنا
مصر التي في خاطري وفي دمي
احبها من كل روحي ودمي

هيفضل حب مصر في دمنا مهما حصل ... رغم اني من المؤيدين لفكرة السفر والعمل بالخارج لو ربنا كرمني .. بس برضو والله بحب مصر دي جداً

ربنا يجزيكي خير على بنت عمك اللي هي أختي دي اللي مأثره فينا كلنا والله

KHALIFA

جهاد خالد said...

لولولولولولييييييييييييي
اخيرا كتبتي بوست تاني
...


مشاعر رقيقة
كلمات بسيطة

لمست حقيقة جوانا
ياترى
هنخلينا حاسين كدا؟؟

نفسي
ساعتها حاجات كتير هتتغير


*_*
بحبك

عصفور المدينة said...

أنا أيضا أحبها
:)
مصراوي

آخر العنقود said...

محمد بن جمال الياسرجى

أهلا بيك فى المدونة
وجزاكم الله خيرا على التعليق

اتمنى دوام التواصل
تحياتى

آخر العنقود said...

خليفة

ياراجل البلد دى احسن من غيرها
:)
اكرمك الله واعطاك ماتتمنى وفوقه
ووفقك لما يحب ويرضى
اللهم آمين

وبعدين بقى بنت عمى دى اختى زى ماهى اختك
ربنا يوفقها يارب

ادام الله لك الخير والسعادة

آخر العنقود said...

النجمة الصامدة

اااااااااااه الحمد لله

عندك حق ...حاجات كتير ممكن تتغير لو فضلنا حاسين كده

ربنا يخليكى يارب
أحبك الذى احببتنى من اجله***
:D

دكتور حر said...

كويس لحقتك على الهوا


ربنا يرجعها لنا بالسلامه يا رب


ويحفظ مصرنا ويحفظ لنا حب مصر
آمين

جزيت خيرا يا آخر

العنقـــــــاء said...

اخر العنقود

انا كمان بحب مصر اوي لدرجة انها بتصعب عليا اوي من قسوة اهلها عليها

بحس انها فعلا ام الدنيا

وانها بتزعل اوي لما ولادها بيسيبوها وبيبعدوا عنها

مؤلم اوي صح ؟؟

بجد بوست روعه

ربنا ما يكتب على اي انسان الغربه ولا انه يعيش بعيد عن اهله واحبابه ويتغرب

تحياتي لرقه وعذوبة مشاعرك

آخر العنقود said...

عصفور المدينة

انا ايضا احبها
الزيارة واتمنى دوام التواصل
جزاكم الله خيرا

تحياتى

آخر العنقود said...

دكتور حر

تقبل الله دعائك
اللهم آمين

وجزيت من الخير الكثير

آخر العنقود said...

العنقاء

اهلا بيكى فى اول زيارة للمدونة
وساعات فعلا بحس ان ده اللى بيحصل

وربنا يكرمك على كلماتك الطيبة

تقبلى تحياتى

Anonymous said...

ازا انا حاسه ان مصر ام الدنيا وانا مش مصرية كيف ولاد مصر الي تربو وعاشو بهالارض
الله يحفظكم لوطنكم

روري

Anonymous said...

انا كمان بحب مصر قوى
ومقدرش اتخيل انى ابعد عنها واعيش فى بلد تانية


ربنا يرجع بنت عمنا لينا سالمة غانمة ان شاء الله
as.zaid

اللؤلؤة المكنونة said...

رسالة حب ووفاء لمصر
والل لبنت عمك
والا ما فيش فرق

أنا بقول كده برض

اللؤلؤة المكنونة said...

التعليق اتنشر قبل ما كمله
ولا أقولك كفاية كده









طب خلاص خلاص أكل ؟بس لو ما تتحيليش على انت عارفة انتى غالية عندى أد ايه

ليه دائما عندما نتحدث أننا نحب دائما ننتظر أن يعطينا الاخر الحب
ليه ما نعطيش وبس
من غير ما ننتظر ما يقدمه الطرف الاخر لنا ؟؟
وعلى رأى الشاعر اللى بيقول

ما تقو\لش ايه ادتنا مصر قول هندى ايه لمصر


وبالنسبة لموضوع بنت عمك اللى سافرت

قصدى عمتى جيا
هذه سنة الحياة يا أختاه نلتقى بأناس .نرتبط بأناس

نعتقد أو نظن أننا لا نقدر على فراقهم وان فراقهم من ضروب المستحيل ؟؟؟؟..ولكن ...تستمر الحياة
نحب ......نحبهم
نعم...... نشتاق اليهم
نعم ........نحزن لفراقهم
ولكن ما بيدنا ؟؟؟؟؟؟؟

سوى الاشتياق لهم فى صمت.....
والدعاء لهم بالفرح.....

......وانتظار مجيئهم على فارغ الصبر.........

كفاية عليكى كده
متعك الله وايانا بالحب فى الله

انى أحبك فى الله

الـسـيـدة نـون said...

ماشربتش من نيلها
طب جربت تغنيلها
جربت فى عز ما تحزن تمشى فى شوارعها وتشكيلها
مامشيتش فى ضواحيها
طيب ماكبرتش فيها
ولا ليك صورة على الرملة على الشط فى موانيها
دور جواك تلاقاها هى الصحبة وهى الاهل
عشرة بلدى بتبقى نسيانها على البال مش سهل
مش وحشاك ولا غبت عليها
سلم جرب وفارقها
فى الدنيا مافيش بعديها
إن غبت بحنلها وبنسى الدنيا واجيلها
وان جيت انسى تفكرنى
مليون ذكرى لقلبى شايلها
.
.
.
.


الى اخر الأغنية
ربنا يرجعلكم بنت عمكم بالسلامة
وتحياتى على البوست ده
سلام
اختك خيخة

semsem said...

على اسم مصر يقدر يول التاريخ ما شاء
انا مصر عندى احب واجمل الاشياء
بحبها وهى ملكه الدنيا شرق وغرب
بحبها مرميه جريحه حرب
يحبها يا ناس

يحبهاااااااااا

فارس الأزهر .. معاذ فتحى said...

حياكم الله تعالى
وبارك فى كلماتكم واحساسكم
فعلا مصر تعانى من الضيق والظلم والاستبداد
وحين طفت بخيالى فوقع حوار بينى وبين القضبان فقلت للقضبان

يا أيها القضبان سل مصر التى
بدمائنا حفظت من العدوان
يا أيها القضبان مالك جاحد ٌ
أو ماترانا من بنى الانسان
أوماترانا مصلحين بأرضنا
أو ماترانا نحمل القرآن
إن حاكمونا فالحياة ُ رخيصة ٌ
ورقابنا علم ٌ على الازمان
أبناؤنا فقدوا الحنان بعزلنا
لكنهم وهبوا الحياة َ حنان
ونساؤنا خنساء ُ فى ميدانها
تُعلى اللواء . تودع الفرسان
وبناتنا نبتوا وفى ارحامهم
نطف ٌ تعانق دعوة الاخوان

بارك الله فيكم وفى كلماتكم
وتقبلوا مرورى
ونشرف بزيارتكم مدونتى المتواضضعه

صاحب المضيفة said...

ربنا يردها بالسلامة وتكون هناك في أمن وسعادة

ومصر برضو غالية علينا ويارب تكون في يوم أحلى بينا


تحياتي

آخر العنقود said...

رورى

هى فعلا ام الدنيا
تقبل الله دعائك

تحياتى ليكى

آخر العنقود said...

سمسمة

ماهوه ده اللى ناقص
انك تمشى انتى كماااااااااااااااان
:)

وعلى دعائك اؤمن

آخر العنقود said...

اللؤلؤة المكنونة

والله وبقينا نقول شعر
ياسيدى ياسيدى
ايه بس الكلام الجامد ده؟؟؟
احنا بعد كده مش هنقدر عليكى خااااااااااالص
يالا بلاش افضح اكتر من كده
بس العدوى ماشية تمااااااام قوى جدا خالص
:)
وطبعا كلامك كله صح وجميل فعلا
أحبك الذى احببتينى من اجله

آخر العنقود said...

خيخة واى كلام

كلمات جميلة يانونا
الى اخر الاغنية اللى مش عارفاها
:)

وربنا يتقبل دعاؤك
تحياتى ليكى ياسكرة

آخر العنقود said...

سمسم

كلمات جميلة
واكيد كلنا بنحبها

تحياتى لمرورك

كرياكو said...

السلام عليكو

كلانا بنحب مصر وبردة كلانا مش عجبنا حالها وبردة كلانا مش عوزين اننا نسافر ونتغرب بس انت شايف فى شغال فى مصر
بس زاى انت ما قولت
الواحد ممكن يتحط فى مواقف خارجة عن ارادته


مدونتك جميلة اوى
وان شاء الله
مش هتكون اخر مرة
لك تحياتى

آخر العنقود said...

معاذ

مرحبا بك فى المدونة للمرة الاولى
وجزيت خيرا على هذه الكلمات

اتمنى دوام التواصل
تحياتى

آخر العنقود said...

صاحب المضيفة

اؤمن على دعائك
ويارب يارب تكون احلى فى يوم بينا

دمت بكل خير

Anonymous said...

انتي شكلك كده خرجتي عن الجماعة وانضميتي للحزب الوطني ... والا ايه؟؟
بهزر طبعا ...حب مصر هو الحاجة الوحيدة الي مخلية الواحد مستحمل العيشة فيها والا والله كان زمانه مسافر من زمان ...
وهو في زي المصريين ؟؟
وخفة دمهم ؟؟
وحلاوتهم ؟؟
ام عمار

Anonymous said...

تضامنا مع خيخة هكتبلكم اغنية
لوسالتك انت مصري تقولي ايه
تقولي مصري وابن مصري وابن مصر الله عليه
قولها باعلى صوت
وارفع راسك لفوق
انا مصري وابويا مصري
بسماري ولوني مصري
وبخفة دمي مصري
وكل مصري الله عليه
وكل مصري اللـــــــــــــه عليه

noha said...

يااااه مصر
انا مش بحبها بس انا بموووت فيها

:D

عارفة اول مرة سافرت بره مصر جايز مزعلتش اوى بحكم انى كنت صغيرة ومش فهمة حاجة بس

مره فى مره
كنت بعيط جامد اوى
وكنت بحس قد ايه انا مفتقدها

عارفة يا آخر :D
لما كنت بنزل المطار واول ما اطلع بره اول حاجة اعملها ايه

اخد نفس عميييق اوى
واقول فعلاً حتى الهوا مختلف

:)

عارفة لما مصر فازت فى البطولة انا كنت فى قمة السعادة
عارفة كنت بكون فرحانة والناس بتقول مصر .. مصر

فكرة الانتماء والاحساس به أجمل حاجة فى الدنيا


كفاية بقى اصل طولت عليكى

:)

اشوفك البوست الجاي

(F)

noha said...

ااااااااه نسيت اهم حاجة

ربنا يحفظلك بنت عمك ويرجعها لكى بالسلامة

:)

آخر العنقود said...

ام عمار المسكرة

طب عينى فى عينك كده
بقى انتى نفسك تسافرى
ياشيييييييييخة
ههههههههههه
وطبعا مفيش فى خفة المصريين وطيبتهم

دمت بكل ود وسعادة
وحشتينى خاااااااالص

آخر العنقود said...

نهى

بجد انا حاسة بكل كلمة كتبتيها بجد
احساس جميل ان الواحد يكون عنده انتماء لبلده كده

ربنا يكرمك يانهى يارب

دمت بكل خير وزيادة

Anonymous said...

الفاضلة الكريمة آخر العنقود
رائعة هى الكلمات التى ترفع من حب الانتماء للوطن وتزيد من رابطة المحبة للبلد ونحن حين نحزن ونغضب لما يحدث على أرض الكنانة من الظلم الذى تجاوزى المدى والعدل الذى غاب عن الراعى والمساوئ المعلنة أمامنا والخفية انما نحزن على حالها ونغضب من فعل البشر فيها ولكن كل هذا وحده لايكفى ...فإذا كنا نحبها حبا حقيقيا فعلينا أن نتكاتف جميعا لنرفع عن شعبها الظلم ونغرس بذور العدل والحرية التى ضاعت ونصلح من أنفسنا حتى يغير الله قلوب من حولنا الى الصواب... وأخيرأ ان غابت الأعين عن اللقاء ففى الدعاء يكون سر التقاء الأرواح ....