كثيرا ما ينتابنى شعورغريب..وهو الفراق ...وأنا أتخيل كل من حولي بعد موتي؟؟
هل سيذرفون الدمع لفراقي؟؟
هل سيفقدون وجودي بينهم؟؟
هل بعد مرور سنوات على وفاتي ...يتذكرونى؟؟
أم الحزن سيكون لمجرد ثلاثة أيام ...ثم يختفي الحزن على فراقي وكأني لم اكن معهم يوما ما
عندما يأتي العيد ...هل سيختلط فرحهم بالحزن لمجرد انني لست معهم؟؟
هل سيفقدون روحي وستختفي كما يفقدون جسدى وتمتلكه الأرض؟؟
جميعنا لهذا اليوم راحلون ..ولكن ..لنقف قليلا مع انفسنا ونتصور ..ماذا سيحدث وماهي ردود أفعالهم
من بعدنا؟؟
***أمي**
التي حملتني 9 أشهر وسهرت على راحتى ستتفاجأ من الخبر.. ستكذب الخبر ملايين المرات ..حتى تقتنع
ستتذكرنى حتما كثيرا..ستفقد الطفلة التي مهما كبرت فهي طفلة فى نظرها
ستفقد الطفلة التي أعتادت كل يوم على ضمها.. وتقبيلها ..والدعاء لها
ستفقد دلوعتها.. وصديقتها.. وابنتها.. والهدية التي وهبها الله لها
ستفقد طيشي الذي تعدى حدوده
عذرا
:
لا أستطيع التكملة ..فأمي الوحيدة التي لا أجد ما يعبر عن فجيعتها
***أختي***
الحضن الذي ألجأ إليه كلما أحسست برغبة البكاء والارتماء..ستبكيني كثيرا حتى يخيل للناس أنها فقدت دموعها للأبد..ستعود إلى السرير الذي طالما حضن أجسادنا..ستبحث عني..ستبحث عن أحلامي
ولن تجد سوى دمعة سقطت ذات ليلة تخاصمنا فيها سويا
فلاتبكي أختي..ستكملين الطريق بدوني وتسعدين بتحقيق أحلامي ..لن اكون معك
فالله تعالى كتب أن لا أشهد هذا اليوم....ولا إعتراض على قدر الله
***صديقتى ونصفي الثاني***
ستبكي كثيرا لفراق أخت لها مسكت بيدها حين.. حالت للسقوط
أهداتها فرحا حين ..أدمنت الحزن
منحتها الراحة حين..صادقت التعب
سينتهي كل لقاء..وتنتهى كل ضحكة...وتنتهي الحياة
ستبكي وتبكي....وتتوقف لديها الحياة لفترة... وتستمر بعدها
وحينها.... ستكتشف أنني مجرد عابرة تستحق أن يدعى لها بعد موتها
***أحدهم ***
حين يسمع خبر موتي ..سيضحك ويفرح ويحمد ربه كثيرا!!!وليس بعيدا أن يحيي إحتفالا بمناسبة موتي
وسبب سعادته...هو تخلصه من الانسانة التي عانى طوال حياته وهو يريد أن يكون مثلها ..لكنه لم يستطيع
حقد ...غيرة... حسد... قلب أسود... كره... مكونات أساسية في شخصيته
فأنا كنت صخرة في طريقه"هو من توهم وجودي في طريقه" والآن انزاحت عنه تلك الصخرة
فأصبح سعيد
" كل نفس ذائقة الموت"
سنرحل ونبقي من خلفنا أب.. وأم.. وأخ.. وأخت ..وصديق.. وحبيب يبكينا
فكم من مرارة خلفناها بفراقنا لهم...يبكونا كثيرا لرحيلنا ..ونطمع بدعواتهم لنا
فهل سيحزنون على فراقنا ؟؟
هل ستبقى كلماتنا وحروفنا محفورة بذاكرتهم ؟؟
هل سنترك لهم أثرا طيبا يبقون عليه؟؟
أم سترحل أرواحنا..كما ستذهب أجسادنا وتصبح ملكا للأرض؟؟
فلأكن ولتكن ..فرد نافع صاحب أثر حميد في أى مكان وأى زمان... ولا تكن إنسان فض يكره الآخرين وجوده ومكوثه معهم ويتمنون موته؟؟
ولنتذكر دائما ذلك اليوم ..وما اعددنا له...وما سينتفع به من خلفنا...وأي الأحوال نرتضيها لنفوسنا....ومن أجلها.....فلنعمل..فما الحياة الا ساعات وثواني؟؟؟؟
ولنتذكر دائما ذلك اليوم ..وما اعددنا له...وما سينتفع به من خلفنا...وأي الأحوال نرتضيها لنفوسنا....ومن أجلها.....فلنعمل..فما الحياة الا ساعات وثواني؟؟؟؟
الله اسأل أن يرزقنا الإخلاص في القول والفعل
وأن يرزقنا حسن الخاتمة وحسن العمل
ويرزقنا مصاحبة أولئك في الجنان
على سرر متقابلين ومنابر من نور
41 comments:
يقول النبي صلي الله عليه وسلم : عش ما شئت فإنك ميت .. وأحبب من شئت فإنك مفارقه ..
كم اعجبتني تلك الكلمات المؤثرة
فالفراق:
هو أن يفارقك من تحب من غير رجعة - الموت -.
هو أي يبتعد عنك من تحب لسبب ما لا تعرفه أو قد تعرفه .
هو أن تترك من تحب فترة من الزمن بسبب ظروف معينه خارجه عن إرادتك.
هو أن يغيب عنك من تحب بسبب خلاف عائلي أو نحوه.
هو الفراق مهما عبرت عنه أو عرفته فلن أوفيه حقه فعلاهو الفراق.
الموت حق والقضاء والقدر يجب الأيمان به و أن ما أصابنا لم يكن ليخطئنا وما أخطائنا لم يكن ليصيبنا لذلك فأعلم ان فارقك بسبب الموت لا يحتاج منا غير الدعاء والاستغفار و التصدق وفعل الخيرات لمن نحب
لن ننسي من احبنا واحببناه
يا ستي بس توكلي على الله بس
واحنا هنتصرف
:))
لا فض فوك على كلماتك
يعني
قدرتي توصلينا للفكرة
من الناحية الأخرى
لكن أراك قد ركزت على جانب ردود فعل الناس ونسيت المتوكل رايح على فين
اي نعم هو السنة الخلق اقلام الحق
لكن ما يهم ما يقولوا ان لم أكن في رضوان عند ربي
تقبل الله منا ومنك
وتوفنا مسلمين وألحقنا بالصالحين
يا ستى بعد الشر عنك
ولون الموت علينا حق
بس ليه التفكير ده
ممكن واكيد كمان لازم نفكر فى الموت عشان نفتكر الاخرة وان شاء الله ربنا يعينا
كل التحية حبيبتى
الموت اول المخاوف وآخرها
فكفاه واعظا
توكلي على الله بس انتي زي ما الدكتور الحر قال ومالكيش دعوة
وبعدين نفسي اعرف مين احدهم ده يا أديبه
ربنا يكرمك على كلاماتك
وبعدين لما تروحي مافيش حد بيفتكر حد دلوقتي
اسالي خبير
هههههههههه
تحياتي
اللهم ارزقنى واياك وكل المسلمين حسن الخاتمة ، وجمعنا فى الفردوس الاعلى ، كلمات مؤثرة جدا أختى الكريمة ، بالرغم من انها صعبة على النفس لكنها لا بد منها حتى توقظنا من سباتنا .
تحياتى لك
دمتى فى حفظ الله
مش عارف اقولك ايه يا اماني , لان كلامك ده جه علي بالي كتير , وانا باسال نفسي
هل مفروض ازعل لو خدتهم دوامة الحياه وسقط اسمي سهوا من ذاكرة اللي يعرفوني , ولا مفروض اتمني ينسوني عشان ميكنش موتي سبب الم ليهم..
بالتاكيد كل واحد بيبقي لديه شعور او رغبه انه يعرف قيمته عند الناس اللي بيعرفوه سواء كانوا اهل او اصدقاء او اقارب لكن برده ميتمناش انه يكون سبب لالم اي حد او تعاسته بعد موته ..
صعب اوي الموضوع ده وموجع اوي يا اماني ...
وبرده الاهم احنا ايكون موقفنا ايه بعد موتنا لما نتحاسب علي اللي عملناه في حياتنا
تحياتي دائما
محمد
أحب بس الاول ارد على ابن عمى دكتور حر
واقوله الحديث الشريف (قال رسول الله صلى الله عليه وسلم ...من شهد له ثلاثة من جيرانه بعد موته بالصلاح دخل الجنة )يعنى شهادة الناس مهمة وممكن هى اللى تدخلنا الجنة .....
اما بقى من ناحيتك يا حبيبتى ....فبعد الشر عنك طبعا" وبعدين انا هعمل اكتر بكتير من الللى انتى كتباه
هههههههههههههههه
ربنا يبارك فى عمرك ويرزقك كل الله تتمنيه ان شاء الله
اختك
ليه كده يا اخر العنقود , كلامك جميل ومؤثر وعاجبني تعليق ابن عمك الدكترة علي انك لم تركزي علي الي اين نحن ذاهبون وهل نحن مستعدون ؟؟؟؟؟
رزقنا الله واياكي حسن الخاتمة
اخوكي ابو يوسف
وبعدين ليه لم تذكري اخاك والا انا مش هازعل .
ههههههههههههههههه
ربنا يخليكي ويبارك فيكي نعم الاخت
ايه يا اخر العنقود
مالك
؟؟؟
ارجوكى مش هتبقى انتى والا متحانات عليا
عاااااااااااااااا
عاااااااااااااااااااا
حرام بقى
كده زعلتينى
بعد الشر عليكى يا ستى
يارب اللى بيكرهك
يابنتى الحياه من غيرك تبقى وحشه بجد
لا تشغلي بالك بمن حولك بما يحدث عندما ترحلي
وانما ادعي ان يرزقهم الله الصبر والثبات واستمرار تذكرهم لكي بالدعاء
اطال الله عمرك وكثر اعمالك الصالحة
ربنا يخليكى لامك واخواتك واصحابك
وبعدين فكرى فى المستقبل احسن
koko
حقا كما قلت هو الفراق مهما عبرت عنه فهو فى النهاية فراق
يصعب على الانسان أن يتحمله
ولربما كان فراق الموت أهون لدينا
ودائما نحن لاننسى من احبنا واحببناه
دمت فى حفظ الله
*****************
دكتور حر
ههههههههههههههه
ماشى يادكتور بقى كده
ابقى اتصرف كويس بس
:)
عندك حق طبعا ان لم تكن جميع اعمالي في رضوان الله فلا فائدة من كلام الاخرين
لذلك هي النية اهم ما فى اعمالنا
ولم اقصد القيام بالاعمال من اجل الخلق
بل من اجل الخالق
وفكرتي هى التأثير في الاخرين دائما بالايجاب وترك الأثار الحسنة
دمت بكل الخير والود
***********
لعلها خير
ربنا يخليكى يارب
احيانا بنحتاج نفتكر ونفكر فيه كتير عشان نفوق شوية
ونعرف اننا لسنا مخلدين فلنعمل ما يرضي الله وما يرضينا بعد موتنا
تحياتى ليكى ومنورانى دايما
*************
آفاق الحرية
جزاكم الله خيرا اخى
وحقا كفا بالموت واعظا
تحياتى
صاحب المضيفة
انت كمان متشكرين
واضح انى مضيقاكوا اوى
:)
ده حتى انا بنفع فى اوقات كتير ولا اييييييه؟؟؟
بس انا مش متفقة معاك خااااااالص فى ان مفيش حد بيفتكر حد دى
لانك لو مأثر بالايجاب وتارك عمل صالح لك هيدوم ودايما الناس هتفتكرك وهوه ده الهدف اللى بقوله
واسأل انت خبير
:)
دمت بكل الود
***************
عبد الرحمن
اللهم آمين يارب
معذرة على قسوتها لكننا حقا احيانا كثيرا ما نحتاج لمثلها
ودمت فى رعاية الله
*************
الفارس الملثم
عندك حق فعلا
بس اللى انا عاوزاه مش انهم يفتكروني انا شخصيا
لا
انا بتكلم على وجود عمل صالح وقدوة حسنة ومؤثرة في الاخرين
يفتكرونا بيها وتكون سبب في دعائهم
وهو ده اللى هيحدد موقفنا ايه بعد موتنا والاهم من كل ده هوه نيتنا واحنا بنعمل الاعمال دى ايييه؟؟
انها تكون خالصة لوجه الله عزوجل
تحياتى ليك يامحمد
اسماء
اكيد شهادة الناس مهمة لاعمالنا
بس الاهم هيا اكيد نيتنا بردو واحنا بنعملها...وهي رضا الله عزوجل
وانا عارفة طبعا ياسمسمة انك هتعملي اكتر من كده
ههههههههههههههههه
وبعد الشر ايه بقى بعد ايه
:)
ربنا يخليكى ليا يارب
آآآآآآآآآآآآآآآآمين يارب
****************
حبيبى ابو يوسف
سيبك انت والله بتفرحني اوى لما بشوفك هنا
:)
ماهوه ده اللى بتكلم عليه يا ابو يوسف الاستعدااااااد
يعني انا معاملاتي واخلاقي والاعمال اللى بعملها فى دنيتى ماهو ده كله استعداد
والفكرة كلها واضحة فى النهاية
وبعدين ياغالى انا قولتلك اللى فيها بقى عشان ما قولتش اخاك
وفي حاجات كتير ممكن مانقدرش نعبر عنها بكلام فعلا
ربنا يخليك ليا وما يحرمكش مني
ههههههههههه
**************
سسمة حبيبتى
ماليش والله ياسمسم
ياجماعة انتوا مالكوا قلبتوا الموضوع دراما كده ليه
انا كل ما فى الموضوع ياسمسمة انى بقوووووول ياجماعة عايزين نكون مأثرين فى الناس باعمالنا واخلاقنا وعباداتنا وبكل عمل بنعمله
وماتقلقيش خالص ياقمر
بس بجد ربنا يخليكى يارب
بجد انى احبك فى الله
بنت ابيها
اكيد طبعا
بس منين هيدعولى الا لو كانت اعمالى واخلاقى مؤثرة فيهم وافتكروها عشان يدعولى
هوه ده اللى اقصده يا اخيتى
انا لم انشغل بما يقال عنى لشخصى
ولكنى اتسأل هل حقا سنترك اثرا في من حولنا يستحق الدعاء عليه
ام نعيش ونموت بلافائدة ولا اثر حميد؟؟؟؟
جزيتى من الخير الكثير واطال الله عمرك فى الصالحات
*************
عبده الرايق
ربنا يكرم يارب ياعم عبده
وحاضر هفكر فى المستقبل
وده بردو مستقبل ياعم عبده والله
:)
جزاكم الله خيرا
عجيبة والله يااماني
بقى انتي شايلة هم الناس هاتعمل ايه لما تتوكلي على الله
ياستي توكلي انتي وانا هتابع الموضوع ده واعمل له تغطية صحفية محترمة وابقى اجيبهالك وانا جاية :)
بصي يامنمن
قبل ما نفكر ايه هيكون رد فعل الناس خلينا نقول احنا عملنا ايه علشان الناس تفتكرنا بيه
من يومين كنت بعزي خالة واحدة صاحبتي فاللى قاعدين فضلوا يذكروا بحسناتها ويتكلموا عن جنازتها اد ايه كانت كبيرة وكانت بتعمل كذا وبتسوي كذا وبتروح المسجد الفلاني وعرفنا بعد وفاتها انها كانت بتعمل الخير الفلاني من غير ما تقول
ادي اللى الناس بتفتكره
الى الان لازلت اسمع كلام كتير عن والدي رحمه الله لدرجة انى احيانا بشك انه ده ابويا اللى عشت معاه 21 سنة :)
ربنا يرحمه يارب
سيبي انتي بس سيرة عطرة وعمل طيب واحنا هانفتكرك بكل خير :)
ربنا يحفظك يااماني ويبارك فيكِ
ومعلش على الاطالة بقالي كتير مش عديت من هنا :)
ياااااااااه موقف صعب فعلا
لكنها سنة الله في كونه
اللهم ارزقنا حسن الخاتمة واحفظ لنا اهلنا واحبابنا
واطل اعمارهم في طاعتك
جزيتى خيرا على التذكره
تدونيتك دى بجد
تحفة
حقيقى تحفة
الواحد دايما بيتخيل الآخرين بعد موتهم ممكن يعيش ازاى لكن الواحد عمره مفكر انه لو هو اللى مات ممكن يحصل ايه
وزى مقال كوكو:
يقول النبي صلي الله عليه وسلم : عش ما شئت فإنك ميت .. وأحبب من شئت فإنك مفارقه ..
الفراق قدر ومكتوب
ودى طبيعة الحياة
بس كل واحد لازم يسيب بصمة كويسة بدل متكون مؤلمة
اشكرك
هبة
طبعا كلماتك مؤثرة جدا
والموت علينا حق
والفراق صعب اكيد
بس انا لله وان اليه راجعون
وما علينا الا الاستغفار والتوبة والرجوع الى الله
بس انا ملاحظ ان العائلة بتحبك قوى وعايزين فراقك ههههههههه
اكيد بيحبوكى قوى مش كده
دمتى بخير
تحياتى
خالد
احدهم اللى انت كاتبة عنه ده
انا معرفش انتى بتفترضى ان فيه حد يكن لكى مشاعر الغيرة والحسد والحاجات اللى مش ولا بد دى
ولا احدهم ده كان موجود بالفعل فى حياتك
بس انا معتقدش ابدا يا نانا ان اللى يعرفك هيسعد لو ربنا استرد وديعته فيكى
انا اعتقد ان فراقك هيكون خسارة لكل اللى شافوكى وعرفوكى
بس تعالى هنا يا بت انتى
ليه البوست الكئيب ده
بعد الشر عليكى
يارب اجعل يومى قبل يوم اى حد من المدونين وقبل اى يوم حد من كل اللى اعرفهم وبحبهم
تحياتى ليكى
اختك خيخة
مش عارف
لا انكر ان لكلمات اثرت في
في البدايه كنت معترض علي طريقة التفكير
لكن بعد كدهفهمت ان دي دخله علشان الواحد يحسن من الاثر الطيب اللي يسيبه لما يترك الحياة
اول زيارة
ربنا يجازيكي خير
هو اليوم ده فعلا اللي الواحد مفروض يعيش وهو فاكره
ساعتها حياته هتكون شكل تاني
تحياتي القلبية
ودعواتك
بعيد الشر عنك
هو حاجه مكتوبه علينا كلنا
وبجد هنفتقدك
اوي
لانك حد كويس اوي
وجميل اوي
وغالي اوي علينا
احنا بنحبك في الله
البوست حلو وتذكره حلوه بجد
تحياتي وحبي ليكي
اختك زوزو
البوست دا جميل جدا ياامانى
بجد الواحد كتير بيفكر فى اللحظه دى
لما يموت
الناس هتفتكره اد ايه
هتنساه بعد اد ايه
لا ينقطع عمل ابن ادم الا من ثلاث
صدقة جاريه
وولدا صالح يدعو له
وعملا ينتفع به
صدق كلام اشرف الخلق
تحياتى
اخيكى احمد سكر
اامين يارب العالمين
سلمت يمينك وباك الله فيكي ويجعل كلامك دايما نور لمن اهتدى يارب
همسة قلم
يااااااااااااااااا حمد لله ع السلامة ياسمسم
ماشي ياسمسمة ..بس عايزاها تكون خبطة صحفية ماحصلتش
:)
وده اللى بقوله يااسماء
ايه اللى احنا بنعمله وعاوزين نعمله عشان نكون مؤثرين حتى بعد موتنا
ربنا يكرمك يارب ويرحم جميع موتانا وموتى المسلمين
وماتبقيش تغيبى عليا كده
وان شاء الله اشوفك قريبا
***********************
حطم القيود
هو فعلا موقف صعب
بس باذن الله نقدر نعمله له ويكون عملنا ايجابي
جزاكم الله خيرا اخيتى
وبارك لك فى عمرك وعملك
دمت بخير
*********************
دوبا
منورانى دايما والله
عندك حق المفروض نفكر شوية فى ايه اللى هسيبه ويكون مؤثر وايجابي
واكسب بيه رضا ربنا سبحانه وتعالى ودعوات اهلى بعد فراقي
تحياتى ليكى
همس الاحباب
اكيد الكل اتأكد انهم بيعزونى اوى ..صح
:)
دمت بكل الخير
واطال الله عمرك فى الصالحات وبارك لك فى عملك
**************
بت خيخة واى كلام
بصراحة ياخوخة انا اكيد مش عارفة احدهم ده موجود ولا لا
بس انا فعلا بفترض ..الله اعلم كل واحد الناس بتشوفه ازاى
المهم بقى ده مش بوست كئيب ولاحاجة
دى مجرد فكرة وكنت عاوزة اوصلها
ربنا يخليكى يانونا
انتى اللى بجد اللى يشوفك ويعرفك يحبك جدا ويشوف اد ايه الفطرة والطيبة
ربنا يكرمك ويرزقنا واياك العمر المديد فى الصالحات
*******************
فهد
اهلا بيك فى اول وزيارة ويارب تتكرر
الحمد لله ان الفكرة وصلت على الرغم من الاعتراض على الطريقة
المهم الفكرة وهي العمل الصالح والمؤثر
دمت بكل الخير
حل وسط
اولا منورانى باول زيارة واتمنى انها تتكرر
وفعلا لو فكرنا فى اليوم حياتنا هتتغير وهنحس اد ايه ان العمل الصالح هوه اللى هينفعنا
دمتى بكل الخير
*******************
زوزو
انا حاسة انى موت فعلا من البوست ده
:)
ربنا يخليكي يارب على كلماتك الجميلة
واتمنى يارب ان اكون زيها
تحياتى ليك وربنا يوفقك
*****************
احمد سكر
الحديث طبعا صادق وياريتنا نعمل بيه
انت كده قولت اللى فيها
صدقة جارية
عمل صالح
ولد صالح
وكل دول مش هيجوا غير بعملنا فى الدنيا
تحياتي ليك
***************
nonoymm
ربنا يكرمك يااخيتي
وتعليقك فعلا يسعدني
دمتي بكل الخير والسعادة
طبعا دة قدر أكيد وحتما هانقابله ،عارفة أنا نفسى والله أقابله أوي رغم إني حاسة إني لسة ماستعدتش ليه كويس ،بس أكتر ناس مخلينى مش عايزة أقابله هما ولادي ،لأني عارفة كويس فقدان الأم يعني إيه ،الله يسامحك بقى على الدمعتين الي أحتبسوا دول ،ربنا يطول عمرك في طاعته ويخليكى لكل اللى بتحبيهم وكل اللى بيحبوكى وانا منهم0
الفاضلة الكريمة آخر العنقود
لقد استطاعت كلماتك ذات المعانى الحقيقية والأدبيات المتميزة والأسلوب الراقى أن تؤثر فى كل من قرأها لأنها تدق بابا عظيما غفل الصالحون قبل الطالحون عنه لليالى وأياما كثيرة ... وان كان هدفك التضحية بنفسك من أجل تذكرة الآخرين فنعم التضحية هى ،
جزيت كل الخير وبارك الله لنا فى عمرك بطول الأمد وحسن العمل ورزقت الفردوس الأعلى مع الحبيب صلى الله عليه وسلم .... بالعند فى أحدهم (هههههه)
ازيك يا اماني ..
انتي عارف اني باجي هنا في المناسبات
عارفه احنا في مناسبة ايه ؟
ذكرى وفاة أديب الاسلام مصطفى صادق الرافعي
الرافعي مات وكتير بكوا عليه وافتكروه وسترك من خلفه تراث عظيم عظيم
لو عايزانا نفتكرك سيبي حاجة نفتكرك بيها
هما العيال كلهم عايزينك تتكلي ليه صحيح ؟
:D
... الحاج بلال
ايه التاخير ده كل يا اماني
كل ما اجي ملقاش بوست جديد مممممممم
مستنين البوست الجديد بسرعه ؟؟؟؟؟؟
تحياتي
محمد
ايه يا نانا
مختفية ليه
وليه متأخرة فى نشر بوست جديد
طمنينا عليكى يا حبيبتى
سلام
اختك خيخة
السلام عليكم
قال الرسول الكريم
اكثروا من ذكر هادم اللذات
وقال ايضا صلى الله عليه وسلم
كن فى الدنيا كأنك غريب أو عابر سبيل
ولكن طبيعة الانسان عموما تميل الى نسيانه اما من يذكر نفسه دائما به بيكون أكثر تقربا لله وعلى غير ما يظن البعض انه انسان محبط أو مكتئب
تذكر الموت غير تمنى الموت لذا فمن يتذكره بيعمل صالحا لأجله
أما ما ذكرت عن الأهل وتأثير الموت عليهم فقد كان قاسيا على نفسك عزيزتى فترفقى بك ولا تتذكرى الموت من هذا الجانب بل تذكريه فقط ليحفزك على الارتباط أكثر باسرتك وأصدقاءك وكثرة اعمال الخير والتقرب الى الله
تذكر الموت يجعلنا نحسن نوعية حياتنا وحياة من حولنا
ربنا يطيل عمرك فى طاعته ويسعدك فى الدارين اللهم آمين
متتعشميش كتير في الناس مهما كانوا مين ومهما كانت مكانتهم عندك او مكانتك عندنا ..
الأنسان ا يتذكر الا ما هو حي أمامة أما ما وراه التراب فقد تواري من خراطة حياته ..
تلك هي طبيعة الحياة
مدونة زوجة عاشقة
اولا انا مبسوطة جدا جدا بجد انك منورانى ربنا يكرمك يارب
وربنا يخليكى لاولادك ولباباهم يارب
ويطيل عمرك فى عمله الصالح وتربية ولادك على الدين والاخلاق الجميلة
بجد منوراني ويارب تتكرر
جزيتى من الخير الكثير
******************
أخونا الكبير
حمدلله ع السلامة بقالك كتير مانورتنيش فى المدونة...بس انا عارفة ربنا يقويكم يارب
ربنا يكرمك يارب على الكلمات الاكثر مما استحق وجعلنى الله عند حسن ظنكم وافضل مماتظنون وغفر لى ملا تعلمون
اللهم آمين
وبالعند فى أحدهم
:)
ولايهمك
***************
الحاج بلال
لا مش معقول انت بتعلق كده لله
هههههههههههه
بجد منورنى ياحاج بلال وربنا يكرمك على المناسبة الحلوة دى
:)
وشكلك كده منضم مع الاخوة الاعداء اللى فوق دول
قول قول هي جت عليك
:)))
دمت بكل خير ووفقك لما يحبه ويرضاه
*****************
الفارس الملثم
اولا بجد جزاكم الله خيرا اخى محمد على السؤال
ومعذرة على التأخير الغير إرادى
وان شاء الله مش تتكرر تانى
دعواااااااااااااتكم
*****************
خوختى حبيبتي
ربنا يخليكى ليا ياخوخة يارب
ان شاء الله خير مفيش حاجة
دعواتك بس ومش تنسيني ياحبيبتى
ربنا يكرمك يارب
وبوسيلى الاستاذ شيكو
*******************
اختى الحبيبة مجداوية
اشكرك جدا على ردك الجميل بجد
وربنا يكرمك على هذا الاطراء
وربنا يجعلنى عند حسن الظن يارب
وكلامك كله مظبوط اننا نفتكره لنزيد من اعمالنا الصالحة
جزيتى من الخير الكثير
ودمتى فى حفظ الله
******************
محمد
دايما بحس ان نظرتك احيانا قاسية رغم انى اوقات كتير بكون متاكدة انها واقعية
بس انا مش بتعشم فى حد
انا بس نفسي نفكر في كده عشان نزود من اعمالنا المؤثرة واللى تسيب اثر فيهم
جزاكم الله خيرا
واتمنى دوام التواصل
بسم الله الرحمن الرحيم
كلام جميل جدا يا أمانى والله العظيم جميل جدا أنا مش بقول كده علشان أنا بن خالك و لا أنتى بنت عمتى دى الحقيقة ولا ايه ربنا يحرصك هنستنى مقالاتك وهنولك ايه رأينا ....
Post a Comment