أوقات كتير ممكن نحكم على تصرفات وأفعال بتحصل من أشخاص حوالينا وبتوصل لدرجة الاستنكار
ونبدأ نقول في نفسنا ... هوه ليه عمل كده؟ وليه اتصرف بالشكل الفلاني؟؟
لو كان عمل كذا كان يبقى أحسن؟؟هوه ماله مكبر الموضوع كده ليه؟؟
ونبدأ نشوف إن كل التصرفات دي غلط ... ونتهمه بالتسرع وعدم التقدير
ونقول لو انا كنت مكانه ... كنت عملت كذا وكذا
واتصرفت وقولت وروحت وجيت
لكن احنا في الحقيقة مش هنقدر نفهم تصرفه ومش هنقدر نفسر ونعرف هوه ليه عمل كده؟؟
غير لما نمر بنفس التجربة ... ونفس الظروف والضغوط
فياريت مش نتسرع غير لما نعرف ايه المبرر لكده؟؟
ياريتنا نحس ببعض أكتر من كده؟؟
ومش نتهم الناس بعدم التقدير ؟؟
الخبرة في الحياة الواقعية بتفرق كتيييييييييييييير قوي بجد ... وتكسب الانسان معرفة اكبر
غير الكتب والدراسة... مع عدم إنكاري لأهميتهم
لكن فعلا التطبيق في الحياة الواقعية هيا أكتر حاجة بتعلم بلاشك ... ومدى الاختلاط والممارسات
والمواقف المختلفة اللى ممكن نمر بيها
لذلك فنحن لا نستطيع فهم تصرف هذا الشخص إلا حينما نقف مكانه ونمر بما مر به
فمثلا:
لن تعرف معنى المسئولية ... إلا إذا أصبحت مسئولا
ولن تشعري وتفهمي تصرفات الأم ... إلا إذا أصبحتي أما
وهكذا
عشان كده ياريييييييييييت بلاش نحكم على أى شخص بصفة معينة في موقف معين
ونفكر شوية ونتخيل ياترى لو أنا مكانه هعمل إيه؟؟
ياترى هحس باللى هوه حاسه؟؟... ولا احنا اتعودنا على اللامبالاة في مشاعرنا
كتير كنا بنتكلم في أوقات كتير وبنحكم على أمور من الخارج
ونقول ياااااااااااااااا ده حاجة بسيطة قوى ومش مستاهلة كل ده
ووقت ماتحصل لحد منا ... مش بنبقى حتى قادرين نعمل زى ماهوه عمل
وساعتها نعرف ونقدر تصرفه وقراره ويمكن كمان نقول كتر خيره انه قدر يعمل كده؟؟
لكن لما عيشنها ومرينا بيها حسينا أد ايه احنا ممكن كتير نظلم ناس بكلامنا
وحكمنا على تصرفاتهم وردود أفعالهم من غير ما نسأل نفسنا
احنا كنا ممكن نتصرف إزاى؟؟
وصدقوني ... قلة هم من يتصور ويفهم مواقف الآخرين وخصوصا
من ليس له خبرة في الحياة الواقعية
ياريت نحاول نقدر بعض ... ونسامح بعض... وومش نجرح بعض بكلامنا
وبتسرعنا في حكمنا عليهم وعلي تصرفاتهم معانا
عشان نلاقي اللى يقدرنا ويعذرنا ويسامحنا في وقت شدتنا
وماننساش داااااااااااااااااايما
بأن الكلمة الطيبة صدقة
بلاش نبخل بيها
43 comments:
الي الامام يا استاذتنا
فعلا في هذه الدنيا نمتحن وبعدين نتعلم الدروس
اللهم ارزقنا حسن البصيرة
وهكذا حال الناس على العموم
لا يرضي مدح المادحين ولا ذم الناقدين
وارضاء الناس غاية لا تدرك
لكن فعلا الكلمة الطيبة صدقة
انا نفسي بيحصل معايا الموقف ده كتير جدا لما خلاص بقى بيترسخ عندي مفهوم اني فعلا غريب عن الدنيا كلها
تحياتي لموضوعك المتميز
اولا: دعينى احييكى تحية اجلال وتقدير من اخ اكبر على هذ الموضوع وطريقة صياغته وسرده بهذا الاسلوب اللى اكثر من رائع
ثانيا : انك اتكلمتى عن افى منتشرة فى مجتمعنا الحالى
بس بجد فعلا الخبرة ومواجهة الكثير من المشاكل تصقل العزيمة والمواجهة والجراة فى اتخاذ القرار المناسب من وجهة نظر الشخص صاحب المشكلة
ومهما اختلفنا فى الاراء
فانا بحب المثل الشعبى اللى ايده فى الميه مش زى اللى ايده فى النار
وفعلا وما الدنيا الا مسرح كبير
فيها كومبارس ونجوم
والحياة بتمشى
ولا تبقى الا الذكرى العطرة والكلمة الطيبة
دمتى بكل خير
أمانى
يا سكر معقود
البوست دا حلو قوى
قوى
لو كل واحد يقدر قيمة الكلمة و تأثيرها
كان زمان العالم بقى أفضل من كدا
تحياتى يا حبيبتى
و سلامى لدكتور حر قوى
عرفت فلان آه.. عاشرته لأ... يبقى متعرفوش
فعلا اللى ميعرفش يقول عدس
تحياتى على الموضوع الجميل
ياااااااااااه ياأماني
قلتي بالبوست ده كل اللى كان نفسي اقوله جدا :)
بس كلامك وفى وكفى
ومش عندي اى اضافة عليه غير ربنا يعزك ويبارك فيكي
:)
أكتر حاجة ممكن تضايقني من حد هو انه يكون على الدوام ناقد لكل حاجة يشوفها و لكل حد حواليه
و ياريته نقد عن وعي لأ ده غالباً بيبقى نقد غبي
ماتبقاش انت قاعد على الشط و شايف غيرك بيصارع الغرق و بيعوم باي شكل و انت قاعد تتريق و تقول إيه ده؟ بقى دي طريقة عوم ؟
هو انت تعرف ايه اللي بيحصله ولا حاسس بيه ولا بيفكر ازاي؟!!!..
و الأغرب و اللي يضايق أكتر إن اللي بيتكلم ده مش بيبقى له في حاجة أصلاً و ما يعرفش يتصرف في أي موقف
عارفة اللي يضايق أكتر إيه يا أماني؟
إنه لو وصلنا احنا - صحاب المشكلة - كلامه .. بنبقى حاسين بحمل مضاعف
حمل المشكلة الأصلية
و حمل عدم التقدير
غريب أمر البشر
لو يفهموا إن ربنا وهبهم عقول للتدبر و التفكير السليم مش علشان النقد و ابتكار تُهم و الصاقها بغير مستحقيها
اعجابي بشخصية و عقل صاحبة هذه الموضوعات مش محتاج تأكيد
مش كده ولا إيه؟
يلا سلام
السلام عليكم
الله على كلامك
فى عقل شديد
فعلا محدش بيبقى عارف ظروف التانى
وبيشوف الامر من وجهه نظر فرديه
ودى فيها انانيه كبيره
جزاكِ الله خيرا يا اماني ..بجد موضوع جميل
وفي وقته ...أحلى حاجة في مواضيعك الأخيرة انك بجد بتتكلمي في مواضيع العصر اللي بتحصل فعلا الايام دي كتير.. ربنا يكرمك ويعينك.
بعد كده بقى فعلا..الانتقاد موجود كتير فعلا ..وانا لا انكر ان النقد مطلوب بس بطريقة كويسة ..ومش يكون النقد اللاذع والسخرية اللي في الغالب بتؤدي لكراهية وعداوة ..مش كده ؟؟؟
ايه المشكلة لما ننصح بعض بطريقة كويسة ونلتزم باااداب النصيحة اللي كان قدوتنا فيها وعلمنا رسولنا صلى الله عليه وسلم ...
طب والله يا اماني لا اكذب اذا قلت لك ان في ناس بتتعمد تنقب وتبحث عن زلات او اخطاء ناس تانية وتدور عليها لمجرد الحقد والكره بس
والمواقف من دي كتير
انا مش هذكرها ..لان كده بعمل اهتمام لاشخاص مش تستاهل
بس هذكر مواقف لنبينا ص عن الانتقاد بطريقة مش فيها تجريح ولا احراج
عندما يقول صلى الله عليه وسلم والذي كان يكسب القلوب ص قبل المواقف عندما يقول (مابال اقوام يفعلون كذا كذا ....)
وسيدنا عمر بن الخطاب عندما خرج يتفقد احوال المدينة ورأي نارا تنطلق من احد المكان ...فنادى بصوته يا اهل الضوء ولم يقل يا اهل النار ..حتي لا يحول الناس عنه ولا يجرحهم
اما بالنسبىة لي ..انا اتعرضت لموقف من احدهم بدون ذكر اسماء طبعا لما كنت بصلي الفجر امام وقنت (ودعوت) فغي صلاة الفجر فقام احدهم بعد الصلاة وقال يا جماعة مش ينفع نقنت ..والقنوت بينقص من اجر الصلاة ان لم يبطلها و.و...و... والشيخ مش عارف مين قال كذا والشيخ مين قال كذا .... طب بالله عليكي هي دي الطريقة اللي ننتقد بيها بعض
وغفي الاخر لا قيت الامام ابن القيم كاتب في الموضوع ده في الاخر في القنوت ..ان من فعله سنة ومن تركه سنة
بس ..فاللي عاوز اقوله ان القراان في سورة طه
فقولا له قولا لينا لعله يتذكر او يخشى } .
وتذكران كان في صاحبي عيب، فإننا مليئون بالعيوب ، ومثلما اننا لا تسمح ولا بأي حال من الاحوال ان يجرحنا احد او يشهر بعيوبنا او ينقص من قدرنا ، فلا تكن سببا في جرح كرامة الآخرين .ويكون فيه نقد بناء ونصيحة ( فالدين النصيحة ) ،وبرضو الدين المعامله ونتأمل بس في معني الكلمتين دول... هنفهم ديننا صح..
وااسف جدا على التطويل بس بجد موضوع شيق
بوست كامل اهو ..جزيتي خيراً
حديث كده عالسريع عجبني في الموضوع ده
قد نفر نبينا وحبيبنا صلوات ربي وسلامه عليه من هذا السلوك فعَنِ ابْنِ عُمَرَ قَالَ صَعِدَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمِنْبَرَ فَنَادَى بِصَوْتٍ رَفِيعٍ فَقَالَ يَا مَعْشَرَ مَنْ أَسْلَمَ بِلِسَانِهِ وَلَمْ يُفْضِ الْإِيمَانُ إِلَى قَلْبِهِ لَا تُؤْذُوا الْمُسْلِمِينَ وَلَا تُعَيِّرُوهُمْ وَلَا تَتَّبِعُوا عَوْرَاتِهِمْ فَإِنَّهُ مَنْ تَتَبَّعَ عَوْرَةَ أَخِيهِ الْمُسْلِمِ تَتَبَّعَ اللَّهُ عَوْرَتَهُ وَمَنْ تَتَبَّعَ اللَّهُ عَوْرَتَهُ يَفْضَحْهُ وَلَوْ فِي جَوْفِ رَحْلِهِ))أخرجه الترمذي
آخر العنقود بس عقلك بكرى
موضوع عايز يبقى معلقة
شمولى لعدة مواضيع كلها مهمة
أول وهلة كدة لازم نحترم بعض ونقدر تفكير بعض.تانى حاجة نعرف قدر نفسنا علشان ربنا يرحمنا.تالت حاجة لازم نرحم تقصير بعض.رابع حاجة لازم نفكر ونتأمل.بعد كدة خامسا لازم نرحم بعض.بعد كدة سادسا لازم نتعلم من بعض وسابعا نتعلم من أخطاء بعض.
ولسة الموضوع فيه كتيير.
عاجابنى جدا التدوينة دى وربنا يبارك فيكى ويزيدك.
"ومن يؤتى الحكمة فقد أوتى خيرا كثيرا"
تقبلى تحياتى
فعلا كلامك صح تماما يا اماني ..
حتي نجد امثالنا القديمه اتنبهت للنقطه دي فنجد يقال مثلا اللي علي البحر عويم وكمان نجد قول اللي ايده في الميه مش زي ايده اللي في النار..
لازم نمر بالتجربه عشان نقدر نحكم بصوره صحيحه علي سلوكيات وتصرفات الاخرين
لكننا كثير من الاحيان بنستسهل جلد الاخرين وتوجيه اصابع الاتهام ليهم
الانسان مش مجرد كتلة لحم ودم بل هو ايضا يحمل مشاعر واحاسيس, ولان طبيعة البشر بتختلف فكمان ردود افعالهم علي مختلف المواقف بتختلف ..
واحيانا عشان يكون حكمك صحيح تماما لازم مش بس تمر بنفس الموقف لكن كمان تمتلك نفس مشاعره واحاسيه وقتها
جميل اوي المعني اللي في البوست ده يا اماني
تحياتي
محمد
السلام عليكم
اكيد الكلمة الطيبة صدقة
ممكن تكون الكلمة الطيبة ده سببا في هداية شخص
أولا السلام عليكم ورحمه الله وبركاته
ثانيا آآآآآآآآآآسفه لأني هاطول عليكي
بس أعمل ايه
أصلي خلصت امتحانات
وخلصت مراحل التعليم كلها والحمد لله
المهم ايه المواضيع الجامده دي؟؟؟؟ أنا أول ما شفت الموضوع قلت
لازم ألحق التعليق الخامس عشر
قبل مايضيع مني... لأن كلامك عجبني جدا
فعلا الحياه أكبر مدرسه ممكن الواحد
يتعلم فيها ويكتسب خبرات منها
وأنا من أكتر الناس اللي ممكن
يتبنوا المبدأ ده
لأني أنا شخصيا مريت بتجربه استفدت منها كتير جدا.... ويمكن لوكنت
قرأت عنها أوحد حكاهالي
ماكنتش اتأثرت بيها خاااااااااااالص
عشان كده عايزة أقول حاجه مهمه
ياريت كلنا نبص للجوانب الايجابيه
في الابتلاءات أو التجارب اللي بتمر
علينا في حياتنا ونتعلم منها
ونتأكد أن كل محنه جواها منحه كبيره
وتأكيدا لكلامك عايزة أقول أن آخر
ماده امتحنتها وكان اسمها (ادارة الأعمال) وملهاش أي علاقة بكليتنا
المهم..خدنا فيها أن العنصر البشري-اللي هو احنا يعني- بيتأثر بالتجارب والخبرات التي يكتسبها في الحياه
أكثر من تأثره بالعلم... وكفايه عليكي النهارده كده
وتقبلي تحياتي وسلاماااااااااات
الله
البوست ده جميل اوى
فعلا جزاك الله كل خير
بوست يجنن يا حبيبتى
وانا دايما اقول ياريت منحكمش على تصرف حد لاننا منعرفش ظروفه واحساسه عندك حق بجد
وفعلا الكلمه الطيبة صدقه
ممكن كلمه صغيره تقتل
وكلمه تانيه تعيد الحياه والحب من جديد
جزاك الله كل خير
احبك فى الله
اختك سمسم
وسلميلى على اسماء وبنوتتها اللى زى القمر
السلام عليكم ورحمة الله كيف الحال يا اختاه انه لجميل كما قلنا من قبل الحديث عما فى نفوسنا وكما قلت ايضا هناك اناس يدخرون مشاكلهم كما يدخرون طموحاتهم فى بطونهم لذلك لا يمكن الحكم على تصرف احد من موقف او من رد فعل وذلك لان الانسان مجموعه من المشاعر وله سيكلوجيه فكريه ونفسيه خاصه به تتغير كل ثوانى معدوده ناهيك عن الظروف المحيطه والضغط النفسى والعصبى الذى ينزل على المرء فى حياته ولذلك اقول لايمكن ان نحكم على احد من موقف او من خلال حوار كما اننا لا يجب ان نرفض التعرف على افراد او مصادقاتهم لمجرد كلام نسمعه عنهم كما راينا اناس يرفضون التعرف والاختلاط باناس لان لهم افكار وطموحات خياليه لا ترتبط بارض الواقع فى شى فالدكتور لا يصاحب الا دكتور والطيار لا يصاحب الا طيار عليه العوض ومنه العوض وفى حديثى مخزى وكما قال على رضى الله عنه لاعرابى تكلم حتى اعرفك وقال الله(يا ايها الناس انا خلقناكم من ذكر وانثى لتعارفوا ان اكرمكم عند الله اتقاكم)
حاسة المرة دى انك بتتكلمى عن حاجة شخصية
عموما انا معاكى بلاش نحكم الا لما نعرف كل الظروف المحيطة الى خلت اى شخص يتصرف تصرف مش عاجبنا من وجهة نظرنا
سلام يا امانى
وكان ليكى وحشة يا بنت انتى
اختك خيخة
معاكي حق
مش بنلتمس العذر للشخص قبل الحكم
والحياة فعلا خير معلم ... تعرفي ليه
لانك مش بتنسي اللى تعلمتيه على اديها غير امتحان المدرسة
تحياتي
الفاضلة الكريمة : آخر العنقود
كم هى رائعة تلك المعانى التى نفتقدها فى مجتمعنا وكم هو أروع أن يشعر كل منا بالآخر وألا يحكم على انسان لمجرد موقف شاهده أو كلمة سمعها دون أن يضع نفسه مكان ذلك الانسان وفى نفس الموقف فلربما كان رد فعله أسوأ مما رآه من صاحبه، ولقد زاد من روعة مقالك أسلوبه المتميز فلعله يكون ذا أثر طيب فى كل من يقرأه
معنى جميل جدا انتى بتحاولى توصليه للناس بموضوعك ده
بس عارفة الناس كلها الا من رحم ربى فيها الموضوع ده
كل الناس ترى انها على الصواب وغيرها على الخطا
مع ان فعلا لو انا كنت فى نفس الظروف كان ممكن اتصرف نفس التصرف والاقى حد يقولى لو كنت اتصرفت بالشكل ده كان يبقى افضل
واقع بنعيشه انتى بتحاولى تلفتى النظر اليه
تحياتى
الخبرة عموما تفيد الانسان وتعرفه على مواقف عمره ما قابلها عشان لو قابلها تانى يقدر يتصرف من خلال خبرته دى
الموضوع جميل وأسلوبه رائع
تحياتى
موضوعك جد حلو
وعندك حق والله
كتير بيحكموا ع الناس من تصرف من اي حاجه
تحياتي لابداعك ده
وحشتيني والله
فينك يا بنتى واللهى قلقتينى
يارب تكونى كويسه
متغيبش كده من غير ما تقولى
بقلق يا منمن
سلامى ليكى
جميل كلامك أختنا
وان كانت هناك مرتبة أرفع مما تحدثتى عنها ، وهى ان نتوقف على الحكم على الآخرين أساسا ، فنحن لم نخلق لنحكم بل خلقنا لنعمل ، وكما قال رسولنا صلى الله عليه وسلم " طوبى لمن شغلته عيوبه عن عيوب غيره "
لو كل واحد منا فكر فى نفسه وفى عيوبه ، لصرنا أفضل أمة على وجه الارض
لكنى أراه حلما بعيدا جدا
تحياتى
ازيك يا اماني
انا ملاحظ غيابك الفتره اللي فاتت اتمني يكون السبب خير ؟؟؟؟؟
ياجدعان
اخر العنقود غايبه اليومين دول شوية... في مكان مش فيه نت... ومش هتطول قوي
الله يكرمك يارب
عندك حق الحياة والواقع هي الامتحانات
والتطبيق برهان ان الواحد استوعب الدروس كويس بس لما يكلل بالنجاح
ترجعي بالف سلامة
تحياتي
كل دي غيبة؟
يارب تكونى بخير
عجنى كلامك جدا
فعلا عندك حق لا نحكم على الاخرين الا اذا كنا فى موقفهم
مع خالص تحياتى
محمود
جزاكم الله خيرا على المتابعة
وأؤمن على دعاؤك
اللهم آمييييييييييين
دمت بكل الخير والود
*************
ابومالك
فعلاااااا ارضاء الناس غاية لاتدرك
بس لازم نتأقلم ونتعايش مع كل الظروف عشان نقدر نكما فيها ومش نحس بالغربة وسط اهلنا
تحياتى وتقديري
************
همس الاحباب
اولا جزااااااااااكم الله خيرا على اطرائك الجميل
وفعلا المثل ده بيتحقق قدامي وبيتثبت صحته كل مدى
اللى ايده فى النار مش زى اللى ايده فى الميه
ربنا يرحمنا
دمت بكل الخير
************
فاتيما حبيبتي
اللى انا مقصرة معاها خااااااااااااااالص
ربنا يكرمك يارب
وياريتنا نبدأ احنا بالكلمة الطيبة وان شاء الله هنلاقيها
ايمن بدر
فعلا اللى مايعرفش يقول عدس
وياريته يسكت بعدها
تحياتى
********
سمسمة
بجد مبسوطة انك بقيتى تتابعي زى الاول
ربنا يعزك ويكرمك ياسمسمة يارب
ومش انتى لوحدك اللى نفسك تقولى كده صدقني كل واحد جواه نفس الكلام باختلاف المواقف
ابقي طمنيني عليكى وخلينا نشوفك
*************
نيجرو
جميل جدا يامحمد
فعلا الواحد بيشوف ناس كل اللى هيا بتعمله انها تنقد وتظهر فشل الاخرين
حتى وان كان ده من وجهة نظرهم هما بس
واحلى حاجة فعلا عجبتني
ان كل ده بيكون عبأ على صاحب المشكلة
بجد دى المشكلة
لانك زى ما قلت بتبقى مضغوط من المشكلة نفسها
والاصعب هوه عدم تقدير الاخرين ليك
تحياتي ليك يانيجرو على تعليقاتك الجميلة
وطبعا اعجابي بشخصية هذه التعليقات مش محتاج تأكيد ولاايييه؟؟
:))
ابوحنف
عندك حق والله
دى قمة الانانية انى احكم على غيري من غير مااعرف واحس بمشكلته كويس
دمت بكل الخير
**********
عايز اتعلم
جزاكم الله خيرا ياخليفة على التعليق الجميل ده
بيعجبني انك دايما بتذكر مواقف شاهدة على الموقف
ربنا يكرمك يارب
*************
مع اصراري
جزاكم الله خيرا على جميل كلامك
انت صنفت الموضوع فى كام نقطة مهمين جدا
ياريتنا نقدرهم ونعمل بيهم
بجد الحياة هتفرق كتير
ربنا يكرمك
اتمنى دوام التواصل
************
الفارس الملثم
اولا انا عجبني قوى كام حاجة كده فى التعليق
اولهم المثل اللى بيقول اللى على البحر عويم
فعلا والله ...بصراحة عجبني لانى اول مرة اسمعه
تانى حاجة ان فعلا مش عشان نحس بصاحب المشكلة او الموقف اننا بس نمر بنفس التجربة
لا ..ده كمان اننا نمتلك نس مشاعره واحاسيسه
بجد نقطة فى غاية الاهمية لانى كتير بلاحظ نفس المشكلة باختلاف الاشخاص وبيكون رد الفعل مختلف تماما
دمت بكل الود والاحترام
افاق الحرية
فعلا الكلمة ممكن تعمل عمل سحري لو انتقينا اللى بنقوله
جزاكم الله خيرا
*********
ايمانيات
لالالالالالالالالالا
مش ممكن الدكتورة هنا عندي وبتعلق كمان لا بجد مش مصدقة
مش تقولي طيب ان الاجازة بتعمل كده
:)
منورانى ياضحى بجد وكفارة مليون مرة ياعسل على الاجازة الابدية
انتى تطولى فى التعليق زى ما انتى عاوزة خدى راحتك ع الاخر
كلام جميل فعلا ياريتنا نبص للجوانب الايجابية فى اى محنة بنتعرض لها
الانسان بطبيعته لازم يتأثر ولو لفترة بس الاكيد انه بيتاكد من ان كل اللى بيحصل هوه اكيد الافضل
ربنا يثبتنا ويرزقنا الخير
اتمنى انها تتكرر وتنوريني على طول
***********
سمسمة حبيبتي
ربنا يكرمك ياسمسم ويباركلك
احبك الذى احببتني من أجله
كنا مفتقدين بجد ياسمسم
ربنا يسهل بقى ونعرف نتقابل ياقمر
وسلامك وصل طبعا
***********
الحمد لله على قدره
جزاكم الله خيرا اخى الكريم على المتابعة والتعليق الجميل ده
واكون سعيدة بدوام التواصل وطرح الاراء
دمت فى خير
خوختى اللى مش اى كلام
مش شرط ياخوخة تكون حاجة شخصية اكيد كل واحد عنده نفس الظروف باختلاف المواقف
مش كده بردوا ولا ايه؟
وبجد انتى كامن وحشاني خالص
ويارب نتقابل قريب
سلام ياقمر
**************
بنت ابيها
عندك حق مش بننسى غير اللى اتعلمناه فى المدرسة فعلا
سعيدة جدا بتواصلك معايا ومتابعتك
*************
أخونا الكبير
ياريتنا نقدر ونطبق الكلام ده فعلا
هتفرق كتير وهنرتاح مع بعض كتير
ربنا يكرمك يارب على المتابعة والتعليق
وعلى جميل كلامك
دمت بكل الود والسعادة
***********
واطر رئيس شاب
منورنى بزيارتك الاولى واتمنى دوام التواصل
فعلا هوه واقع وبيتكرر كتير فى حياتنا اليومية
ربنا يرزقنا حسن البصيرة
دمت بكل الخير
ايمن بدر
اكيد الخبرة فى الحياة الواقعية بتفرق كتيييييير على حكمنا على الكثير من المواقف
تحياتى وتقديري
*********
زوزو
ازيك ياقمر بجد ليكي وحشة
ربنا يكرمك يارب يازوزو
ومنورانى دايما
*************
سمسمة حبيبتي
بجد ربنا يخليكي ليا على سؤالك ده
انا عارفةانى مقصرة معاكى بس بجد متابعاكي وبقرالك كل اللى بيفوتنى
وحار قبل ما اغيب هعرفك
:)
***********
عبد الرحمن
اولا حمد لله ع السلامة
وموفق باذن الله
وفعلا انت لفت النظر لحاجة اهم من الموضوع
بس ياريتنا نطبق ونعرف ده
كل التقدير والاحترام
***********
الفارس الملثم
بخير والحمد لله
بجد جزاكم الله خيرا على المتابعة والسؤال
ربنا يكرمك يامحمد
*************
عايز اتعلم
ربنا يكرمك ياخليفة
نردهالك يارب فى غيبتك
:)))
***********
نونو
صحيح فعلا هيا الحياة
ربنا يكرمك يارب
وسعيدة جدا بتواصلك ومتابعتك
رغم تقصيري
**************
سمسمة ياقمر
ربنا يكرمك يارب
انا جييييييييت خلاص
وبجد كان غصب عني
*********
المستنصر بالله
جزاكم الله خيرا اخى الكريم
يارب نكون استفادنا من الحياة فعلا
دمت بكل الخير
أحلى حاجة في ذاك البوست
الكلمتين اللي في الصورة فوق ..
ر
ا
ي
ق
ة
الحاج بلال
اختى الغالية
فعلا التسامح شىء رائع
لاننا ننظر للموضوع من جه واحدة
ولان الواقع يختلف عن الكتب وانظرى
ولا ننسى ان هناك شىء اسمه ضغوط نفسيه
يمر بها الانسان الذى يعيش التجربة تؤثر
على سلوكياته ورائيه
تسلم ايديكى يا قمر
اتمنى زيارتك مدونتى
اختك همس ال
الحاج بلال
هنا ..لا بجد مش مصدقة
يعنى اهم حاجة ان الصورة عجبتك
ماهوه كل واحد بيأخد باله من تخصصه
:)
ولا تعليق على الموضوع طبعا
:)
منور ياحاج بلال واتعشم انها تتكرر
همس الاحساس
منورانى بزيارتك الاولى ويارب تتكرر
وفعلا اهم حاجة هيا اضغوط اللى بيمر بيها الانسان فى التجربة
لانها بتخرج افعال هوه نفسه ممكن مايتخيلش انه يعملها
تحياتى ليكى
واتمنى دوام التواصل
إزيك يا أماني
عاملة إيه يا آخر العنقود؟
أنا عرفت من تعليق خليفة إنك كنت مسافرة
حمد لله على السلامة
شكراً قوي يا أماني على سؤالك
اليومين دول بقى أواخر المشروع و الشغل للركب
علشان كده متأخر شوية
دعواتك قوي لأخوكي يا أماني
يلا سلام
ماشاء الله يانانا
طول عمرى اقول عليك عاقلة
ربنا يرزقنى ببنوته تطلع عاقلة زيك كده وزى امها طبعا
احسبنى كذلك
اعتقد كده عرفتينى ومعلش عالتاخير فى التعليق انتى عارفانى مابقعدش عالنت غير كل سنتين مرة
يالا بقى كفايه عليكى كده حصللك الشرف
سلام
الدكتوره العاطله
اشكرك اختي علة هاي الموضوع الغاية في الاهمية
اي والله لا نكون مجازفين بالاحكام على التصرفات حتى نعرف ما الذي جعله يتصرف بهذا الاسلوب
ولكن قبل كل شي لا بد لنا ان نعرف (أن الذي لا يعمل لا يخطئ)
ولا بد لنا ان نلتمس لأخواننا الاعذار فيما يتعرضوا له ( فكما قلت اختي حتى نتعرض للتجربة التي مر بها )
ونحن المسلمين أولا وأخيرا يجب أن يكون قدوتنا حي سيد الثقلين وامام المرسلين (محمد صلى الله عليه وسلم )
لأنه رسم لنا الطريق رسما محكما فلا يزيغ عنها الا هالك او مضل سالك
نسأل الله ان يجعل بصائرنا واعمالنا وتصرفاتنا حسنة
وبالله التوفيق
بوووووووركت يا (امااااااااااااااني ) الرائعة
Post a Comment