قررت أحط نقطة
وابدأ من أول السطر
:
مدونتك اتغيرت ليه؟؟
ولااتعيرت ولاحاجة ...مالها المدونة؟؟
لا موضوعاتك بقى فى حزن كتير ويأس
أنا ؟؟ طب إزاى ؟؟ أبدا عمرى مابحبه ولا بقتنع بيه
لا بس ده اللى واضح
غريبة ... لالا بس أكيد انتوا مش فاهمين قصدى فى اللى بكتبه
::
ده تعليق تم اكتر من مرة الفترة اللى فاتت مع بعض أفراد من العائلة الكريمة :)
وكنت فى كل مرة بقول لا مش يأس ولاحزن خاااااااالص
دى مجرد فكرة أو حدث معين بيحصل وبعبر عنه
وده كان فعلا اللى بيحصل
لكن بردوا الكلام كان فى بالى
لحد مافي يوم جالى تقريبا تعليق مشابه من خارج العيلة
قلت لاااااااا الموضوع شكله كده واضح للقارئ كمان
بغض النظر عن المعرفة الشخصية يعنى الموضوع مش موضوع قرايب :)
ومش بس الموضوعات
ده كمان فى بعض الصور اللى كانت شوية قاسية او عنيفة فى تعبيرها عن الموضوع
وطبعا حاجة تزعل لو حسيت إنك بتكتب شئ .. وبيتفهم شئ تانى
أو إن يوصل فكر معين عنك بعيد تماما عن الواقع واللى تقصده
وفى يوم حبيت اقرأ موضوعاتى القديمة وقلبت فى المدونة
بدأت احس ان كان في روح تانية خااااااااااااالص
يمكن كان فيها روقاااااااااااااااااااان أكتر
يمكن بقى فى خبرة شوية وتعاملات واحتكاكات زادت
حسيت بتغيير حاصل
سواء في الاسلوب او الافكارأوالنظرة نفسها
وطبعا عارفة ان التغيير ده ظاهرة صحية
لكن اللى لفت نظري فعلا
هوه التعليق المتكرر على اخر تدويناتى بالاخص الفترة الاخيرة
واكتشفت المشكلة
أنا مش من الناس اللى بتشجع الحزن واليأس والحياة السوداوية أبدا
بحب دايما الأمل والتفاؤل .. وهنحزن ليه ونتشائم أصلا ؟؟
فعشان كده كنت مستغربة جدا من التعليقات دى
لكن
فى افكار ممكن أكون عبرت عنها بشكل معين
تركت إيحاء بالحزن أو اليأس
يمكن أكون مش عرفت أعبر عن فكرتي بشكل أحلى وأوضح
يمكن الفكرة وقتها فى دماغى كانت لاتحمل غير المعنى اللى عبرت بيه
ومش تنفع غير بالشكل اللى خرجت بيه
احتمالات كتير
المهم أنها فى النهاية بتوصل بشكل سلبي غير اللى انا اتمنيته وقصدته
::
وعشان كده
قررت احط نقطة
وابدأ من أول السطر
وارجع بروح وروقان تدوينات زمان
مش عشان الاسباب اللى قولتها دى وبس
لكن لانى كمان حسيت باختلاف كبير
:)
دعواتكم
34 comments:
ونقطة ومن اول السطر
اهو ده الكلام ولا بلاش يا اماني هانم
دي بركات اللي بيقولك على كده بقى
شكلها ذات حظة عالية عندك بقى
:):):):):)
كل الود
جميل قوي إن الواحد يراجع نفسه
ويشوف رايح فين وماشي ازاي
موضوع جميل وطرع رائع
فينك وفين تعليقاتك الجميلة
مفتقدينك من زمان
صلي علي النبي
:)ونحن فى الانتظار
ربنا يسعدك دايما ياحبيبتى
لم أكن متواجد الفترة الماضية..لكن أياً كان..فأفضل شيئ هو أن يخرج الإنسان مابداخله..ويراجع نفسه..
ربنا يوفقك.
اهو ده اللى احنا مستنينه الروقان
وربنا يبعد عنا وعنك الحزن
تحياتى
ايوه كده :)
مستنيه السطر الجديد يكون كله ايجابيه وأمل وتفاؤل ...:)
السلام عليكم
أشياء كتير جدا الأنسان في حياته بيحسها وبيعبر عنها بطريقته وبأسلوبه أو بمعني أخر البساطة في كل شئ
جميل جدا إن الإنسان يتغير طبعا للأفضل
لكن اللي مش جميل إن الإنسان يتجمل ويبعد عن البساطة اللي راحته أصلا فيها
أسأل الله لنا ولكي البساطة وأن نكون دائما علي طبيعتنا أحنا فعلا محتجيتها
(أحب التغيير واعشقه وأنا مش ضد إن الإنسان يتعلم من ما مضي طالما إنه راضي عن نفسه شخصيا قبل إرضاء الأخرين)
تقبلي تحياتي
صاحب المضيفة
طبعا ياابومالك
انا اقدر ازعل اللى قالت بردوا
:)
دعواتك بس ربنا يفتحها عليا
دمت بود وسعادة
عاشق الاخوان
فعلا نحتاج كل فترة لهدنة ومراجعة وبعض الوقفات لتكملة السير بقوة وبصيرة
موجودة يافندم
وبعتذر عن التقصير معاكم
دعواتكم
يسعدنى مروركم
دمت بخير
صلى الله على محمد وعلى اله وصحبه وسلم
موناليزا حبيبتى
انتظار ايه بالظبط بقى ؟؟
:))
ان شاء الله ياجميل
دعووووووواتك بس بالله عليكى
جزيتى الجنة ونعيمها
المشخبطاتي
اهلا يافندم بوجودك الجديد
وفعلا نحتاج دائما للمراجعة والتعديل
دمت طيبا وزائرا
شفقة واحسان
واضح كده ان ده سبب عدم الزيارة قبل كده
:))))
يااااااااااااارب يبعد عنا الحزن جميعا يارب
دمتم بخير وود
جوجو
يارب ياجوجو
دعواتك ياقمر ويبعد عنا الحزن والهم
دمتى بكل الحب
انسان يحب الخير
أولا:
هل هذا فقط ماتم استنباطه من معنى البوست ؟؟
ثانيا:
اخى الكريم
الامر بعيد تماما عن التجمل او عدم البساطة
"اللى هيا فعلا راحة الانسان"
لكن قد تضطررنا الظروف والاقدار بالمرور ببعض الاحداث المؤلمة جدا للنفس
ولاشك انها تعلمنا الكثيييييير
فنبوح ببعضها او ببعض معانيها
وبعض مما نراه حولنا من تقلبات وذهول للعقل الانسانى
ويكون كلام محزن او مؤسف لقارئه
وهذ لايعنى عدم الاقتناع بما اكتب
لكن قد اكون انا بحاجة لهذا التغيير قبل القارئ ذاته محاولة للتغلب على كل الظروف والاحداث القاسية جدا على النفس
وفى كلتا الحالتين
الرضى عن ما اكتب موجود
لانها تعبير عن حالات متواجدة واقعيا
جزاكم الله خيرا للتواصل
واهم شئ نكون راضيين عن افعالنا مع نفسنا ومع الناس اللى معانا واللى بنعمله معاهم وفيهم
دمت بخير
أنا برضه كنت من أصحاب وجهة النظر دي
بس المسألة مش مسالة يأس ولا احباط خالص
هي بس نبرة حزينة كده رتمها مستمر معاكي من فترة طويلة
من زمان فعلا
كان فيه فعلا حالة انطلاقة طفولية كده و روقان بال قبل كده في كلامك و موضوعاتك
بس عارفة يا أماني احنا اغلبنا اتغير
و اقصد اغلبنا دي بجيل المدونين اللي بدأ في أواخر 2007 و بدايات 2008
كان فيه روح حلوة كده و غزارة في الإنتاج و حالة من الإنفعال و التفاعل بشكل حلو جدا
مش عارف حصل ايه و ايه اللي اتغير
بس الأكيد ان فيه حاجة حصلت و فيه حاجات اتغيرت
في انتظار السطر الجديد جديد و مفيد كما هو العهد عندك هنا دايما يا أماني يا آآآآخر النقود
يلا سلام
نيجرو
معقولة انت لسه فى عالم التدوين
عودا احمد
يعنى على كده بقى الناس ملاحظة كتير
ومش بتقولى
طب وليه بقى مش علقتوا وعرفتونى انى افكارى بتوصل بشكل في حزن او يأ
عشان كان يبقى بالاجماع
بس هيا كانت فعلا تعبير عن احوال بتحصل وبشوفها بنفسي منها اللى بمر بيها ومنها اللى بسمع عنها ومش بصدقها بجد
انت فعلا وصفت اللى كنت فيه من فترة
طفولية وروقان
ده اللى حسيته فعلا
واحنا فعلا اتغيرنا بس مش عشان سبب حزن ولاحاجة
لكن تقدر تقول شوية خبرات
على شوية صدمات
على تشكيلة قرصات
واهوه الواحد مابيتعلمش ببلاش للاسف
سواء من حياته الخاصة او من اللى بيحصل حواليه
وده كان مجرد تعبير للى بلاحظه
لكن خييييييييييييير
بما ان فى اجماع
وبما انى اشتقت جدا للكتابة بروح الطفولية والروقان
اللى اتمنى انها ترجعلى
" مع انى اشك لان اعتقد كل ما الانسان بيكبر ويختلط ويفهم الدنيا روقانه بيتعب منه"
لكن الله المستعان
اسعدنى وجودك جدااخى محمد
وجزاكم الله خيرا على تذكرك ومتابعتك وتواصلك
دمت فى حفظ الله
السلام عليكم
أختي الكريمة أحس من الرد نبرة زعل وقسوة أنا أسف فعلا بجد أسف
لكن والله أنا افهم ما تقصدينه تماما لأني تقريبا متابع لمدونتك بدليل إنك ذكرتي الكلام ده كثيرا جدا بالذات في الردود بسي مش لازم أكون بعلق علي المواضيع اللي بقرأها
مع كل الأحترام ليكي من وجهة نظري أنا مش شايف إن الرد يكون بالشكل ده لأنه مجرد رأي وتعليق لا أقصد منه نقد بالمرة والله يعلم ما أقصد واعتقد أني علقت قبل كده كتير واعتقد ان الرد كان مختلف والرؤية كانت بتصل لحضرتك تماما
أنا اكتب هذا الكلام وانا متردد اخاف ان يؤخذ بمحمل النقد انا اسف.
والله بجد اللي خلاني ارد الرد ده انا استغربت لأن حضرتك معودانا ان سعة الأفق لدي حضرتك أكبر من كده بكتير ما شاء الله الله أكبر ربنا يحفظك
شكرا علي تحملك لكلامي
انسان يحب الخير
اخى الكريم لايوجد زعل ان شاء الله ولاقسوة
لكن كل ماأخشاه ان يكون هذا هو المعنى الواصل لقارئه فقط
يشرفنى متابعتك للمدونة حتى وان كانت بصمت
اخى الكريم
ردى لم يكن به نبرة زعل
وان كان فهى زعل من ان يكون المعنى هذا فقط ما تم تفهمه كما ذكرت
ولاداعى للأسف أخى
فلا يعلم من يعتذر لمن ؟
وجزيت خيرا لحسن كلامك واطرائك
لكنك ذكرتك بانك علقت قبل ذلك
لكن اعذرنى هل كان باسم آخر غير هذا ؟؟
أرجو التوضيح
اسأل الله لى ولكم سعة الصدر والصبر والتحمل والعفو عند المقدرة
:)
ولاداعى للتردد فى التعليق والاعتراض
فكل منا قد يقصر في فهم شئ ما
او ايصال الفكرة عن شئ ما
دمت طيبا
جزاكي الله خيرا علي حسن كلامك وكأن لم يحدث شئ فكل منا يخطئ ويصيب في معاني كثيرة علي حسب الحالة التي يعيشها والظروف التي يمر بها وأنا مقدر تماما قيمة ما تكتبيه وما توضحيه.
قانون الإدراك ده فعلا كارثة
أظن حضرتك تسمعي عنه. أيوة أنا أحيانا كنت بادخل باسم ثابت وهو حبيبي يارسول الله
من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست
ربنا معاكى
كل سنه وانتى طيبه يا جميلة ويارب تكونى بخير وصحة وسلام
عسى كل ايامكم عيد :)
كل سنة وانتى طيبه
وربنا يسعدك
تحياتى
بصى الموضوع دة حصلى لدرجة انى بقيت اكتب فى اجندتى واخاف اكتبها فى المدونة عشان بردة الناس ماتعرفش بحزنى
بس الحمد لله دلوقت كبرت دماغى للحزن واليأس وقلت مش هلاحق
واحسن حاجة نسيبها على الله وناخد بالاسباب
تحياتى لكى ياقمر
كل عام وانتي اللي اقرب وعلي طاعته أدوم
كل عام وانتم بخير
صلي علي النبي
السلام عليكم اختى العزيزة اسمحيلى اولا بالمرور على مدونتك الجميلة ثانيااسلوبك جميل والمهم ليس مانكتب ولكن ان نكون صادقين مع انفسنا حين نكتب او نقول وربنا يوفقك
لا
بس اسلوبك دلوقتي حلو برده : )))
إنتي روحتي فين ياآخر العنقود
سبحان الله
بقالي كتير مشوفتكيش
ربي يصلح حالك واحوال المسلمين .. آميــن
ربنا يعينك ..
و انا مش شايفة ان في تشاؤم ولا حاجة .. لاني طبعا اول مرة ادخل ..
بس مدونة حلوة .. و مريحة
انا فعلا بخش بعض المدونات بكتئب من قبل ما اقرأ حاجة أصلا
ربنا يوفقك و يسدد خطاك .. في انتظار مواضيعك المشرقة
دمت بألف خير
سلام عليكم
كل سنة وأنت بخير ..
كل عام وكلكم طيبين ..
أرق تحياتي ..
أيوه كده يانانا...خلينا نبدأمن أول السطر....
هو ده المطلوب فعلا..على فكره أنا كمان كنت بتابعك بصمت
وكنت منتظره انك تتخلصي من نبرة الحزن دي
كلمه على جنب
أوعي تزعلي مني لأني بحبكم كلكم..
لكن الظروف كانت أسرع مني..
تحياتي ليكي
وسلامي للجميع
blue wave
فراشة حبيبتى
م الحسينى
اقصوصة
رئيسة حزب الاحلام
كلمة صدق
عاشق الاخوان
عاشقة الفرودس
ذات النطاقين
ابن بهية
جزاكم الله خيرا للتواصل الرائع بجد
وسامحونى على تأخرى فى الرد والمتابعة
ودايما منورينى بالمدونة
وطبعا برحب بالزوار الجدد
دمت جميعا بكل الود والخير
ايمانيات
انتى كمان كنتى من وجهة النظر دى
؟؟؟؟؟
خيييييييير
المهم بقى
انى لسه عارفة اللى تقصديه
واتفاجأت بيه جدا جدا جدااااااااا
وما انكرش انى استغربت جدا بصراحة يادودو خصوصا انى قلت طب ليه مش عرفت ع الاقل كننت سلمت عليكى
لكن ع العموم
ربنا يوفقك حبيبتى ويكرمك
ويرزقك ماتتمنى وزيادة
ابقى اسألي بقى وخلينا نطمن عليكى هنا على طول
دمتى بحب وسعادة
Post a Comment